sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Peqqissutsimut Naalakkersuisoqarfik AC fuldmægtigissarsiorpoq

Namminersorlutik Oqartussat

Nuuk
Ikkunneqarpoq: 21-09-2020
Piffissaq atuuffissaa naassaaq: 13-10-2020
Suliffissamut ID normut: LJA-81137406
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Peqqissutsimut Naalakkersuisoqarfimmi pisortamut allatsissarsiorpugut.
Sulinermi nammineernissamut sapiissuseqassaatit aammalu Naalakkersuisoqarfiup pisortaanik pitsaanerpaamik kiffartuussinissaq qulakkeerinniffigeqatigissavat, taakkua ilagalugu tamakkununnga tunngasut pitsaasutsikkut qulakkeerinninnissaq ineriartortitsinissarlu ilaatigut nammineq suliniutit tunulequtsiullugit.
Naalakkersuisunut ilaasortap kiffartuunnissaanut peqataassaatit aammalu peqqissutsimut tunngasutigut Naalakkersuisut Inatsisartullu politikkikkut aalajangigaannik piviusunngortitsinissamut peqataasassaallutit.
Tamakku saniatigut ilinniagartuutut Periusissiornermut, Pilersaarusiornermut Naligiissitaanermullu immikkoortortaqarfiup suliassaanik iluarsiisarnermut ikiuuttassaallutit.
Atorfik naalakkersuisoqarfimmut pisortamut nalunaartassaaq.

Periusissiornermut, Pilersaarusiornermut Naligiissitaanermullu immikkoortortaqarfik
Periusissiornermut, Pilersaarusiornermut Naligiissitaanermullu immikkoortortaqarfiup Peqqissutsimut Naalakkersuisoq sullitarivaa pisortaqarfittullu ineriartortitsinermilu suliassat kiisalu peqqinnissaqarfiup iluani suliassat akisussaaffigalugit.
Immikkoortortaqarfimmi sulinermut Peqqissutsimut Naalakkersuisumik Naalakkersuisoqarfiullu pisortaanik sullissineq ilaavoq.

Suliassat
Aqutsisoqatigiit suliniutaasa atulersinneqarnissaannut tapersersuillutillu peqataasassaatit, ilaatigut suleqatigisanik attuumassuteqartunik oqartussaasoqarfiinik assigiinngitsunik suliallit akornanni ataqatigiissaarinernik qulakkeerinnilluni.  
Tamakku saniatigut suliassanut tunngasut ilaatigut makkuupput::

  • Naalakkersuisoqarfiup pisortaanik allatseqarfimmit sullinneqarneq,  tassunga ilanngullugit ataatsimiinnissanik piareersaanerit saaffiginnissutinullu akissuteqartarnerit aammalu DC-mi suliassanik ingerlaavartunik suliaqartarneq
  • Tusagassiutitigut nalunaarutinik oqalugiaatissatullu missingiutinik suliarinnittarneq
  • Naalakkersuisoqarfiup pisortaanut Naalakkersuisumullu atortussanik saqqummiutassanik pitsaassutsikkut qulakkeerinninnittarneq
  • Naalakkersuisoqarfiup suliassaanut tunngasutigut suliarinnittarnernut tapersersuisarneq, tassunga ilaatigut ilaalluni suliniummi aqutsisuuneq
  • Inatsisartut Naalakkersuisullu suliassaannik suliarinnittarneq ataqatigiissaarinerlu
  • Naalakkersuisoqarfimmi suliassanik isumaginninnermi malinnaalluni ataatsimiinnerni peqataaneq
  • Pisortatigoortumik pilersaarutit pulaarnerillu ataqatigiissarlugit
  • Nuna tamakkerlugu nunallu tamalaat akornanni sulianut siunnersuisoqatigiinnut ataatsimiititalianullu attuumassuteqartunut peqataasarneq

Piginnaasat:
Naatsorsuutigaarput ilinniagartuutut attuumassutilimmik ilinniagaqartutit, ajornanngippat peqqissutsimut tunngasutigut misilittagaqartutit. Ilanngullugu naatsorsuutigaarput, naalakkersuinikkut sulinermut ilisimasaqassasutit aamma/imaluunniit misilittagaqassasutit, tassunga ilanngullugit pisortat ingerlatsiviini suleriaatsinut paasisimasaqassasutit. Taakku saniatigut makku naatsorsuutigaavut:
  • Inuiaqatigiinni kalaallini pissutsinik ilisimasaqarluassasutit
  • Pingasuinnik oqaaseqartutit – kalaallisut, qallunaatut tuluttullu
  • Oqaluttariarsornikkut allattariarsornikkullu attaveqaqatigiinnermik piginnaasaqarluassasutit
  • Ataqatigiissaarillaqqissasutit, aamma iluarsartuullugit pilersaarusianut, susassaqarfiit nunallu akimorlugit suleqatigiinnermik soqutiginnissasutit misilittagaqarlutillu
  • Sulinermi aaqqiinissamik pingaartitsissasutit
  • Aaqqissuussaasumik sulisassasutit, peqqissaartuusutit pitsaassutsimillu pingaartitsillutit, piffissanillu killiliussanik eqqortitsillaqqissasutit
  • Ulluinnarni ulapaarfiusumi taarseraattunik sulitilluni suliassaqarfiusumi sulilluarsinnaasassasutit
  • Suliassaqarfimmi, politikkikkut soqutigineqartumi allanngortitsinissamut piumassuseqartutit.
Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarsinnaavugut. Ularpaarfiusumik pitsaasunik suleqateqarluni inuppalaartumik oqaloqatigiiffiusinnaasumik suliffeqarpugut. Suliffiuvugut soqutiginartunik ilinniakkatigullu unammillernartulik, tassani suleqatigiissinnaaneq ilinniakkatigullu tunngaveqarluartumik sulineq annertuumik pingaartinneqarluni.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartunut uppernarsarneqarsinnaasunik piginnaasalinnut misilittagalinnullu immikkut ittumik siunnersortitut atorfinitsinneqarnissaq neqeroorutigineqarsinnaavoq.


Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Sukumiinerusumik paasisaqarusuppit?
Atorfik pillugu paasissutissat sukumiinerusut Naalakkersuisoqarfimmi Pisortamut Tina Pars-imut saaffiginnilluni pissarsiarineqarsinnaapput , oqa. +299 346625, e-mail: tine@nanoq.gl.

Qinnuteqarnissamut piffissarititaasoq
Inuunermit taasassat (CV), ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit innersuussissut ataaniittoq link aqqutigalugu kingusinnerpaamik 2020 oktobarip 12-ani nassiunneqassapput.

E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Vvs Firmaet A/S
Tuning Incoming Agency Greenland
Tasiilaq
Tuning Incoming Agency Greenland
Tasiilaq
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen