sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Peqqissutsimut Naalakkersuisoqarfik nutserisumik pissarsiorpoq

Namminersorlutik Oqartussat

Nuuk
Ikkunneqarpoq: 16-09-2021
Piffissaq atuuffissaa naassaaq: 12-10-2021
Suliffissamut ID normut: LJA-82670668
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Peqqissutsimut Naalakkersuisoqarfik Aqutsisut allattoqarfiani nutserisumik pissarsiorpoq.
Naalakkersuisoqarfimmi suliarineqartarput pingaarnerusutigut ilioriusissanut tunngatillugu pilersaarusiorneq, suliassaqarfinni peqqissutsimik, pinaveersaartitsinermik inuiaqatigiinnullu atortulersuutinik ataqatigiissaarineq ineriartortitsinerlu. Aalajangersimasunik suliassaqarfippassuit suliassaqarfiupput, taamaammat naalakkersuisoqarfik naalakkersuisoqarfinnut allanut, pisortat suliffeqarfiutaannut taakku ataanniittunut, sulinermik inuussutissarsiutillit kattuffiinut, ilinniarfinnut, assigisaannullu attaveqartarpoq.

Suleqatigiit 14-iiuvugut inatsisilerituunik, peqqinnissaqarfimmi sulianut tunngasutigut siunnersortit, oqalutsit AC-fuldmægtigit, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Sulinermi avatangiisigut ammasuupput persuarsiortuunatillu. Kultureqarpugut, kikkunnut tamanut nutaaliorluni aaqqissuussinissanut suliatsinnillu naammassinninnissatsinnut tapersiuteqarnissamut periarfissiisarluta. Taamaattumik peqqinnissaqarfik soqutigigukku iluaqutaassaaq, ammasuunissalli suleqatiginnikkusussuseqarlutillu pingaarneruvoq
Ilinnut neqeroorutigisinnaavavut:

  • Suliffeqarfik nammineersinaassusermik aalajangiisinnaassuseqarnermillu pingaartitsisoq
  • Immikkoortortaqarfimmi atorfik pimoorussisorujussuarnik suleqateqarfiusoq
  • Atorfik, sulisut ataasiakkaat piginnaaneqarfiinik ataqqinnillunilu ammaffiusoq
 

Siunissami suliassatit makkuupput:
  • Oqaluttaaneq nutserinerlu
  • Nutsikkanik kukkunersiuineq pitsaassutsimillu isumannaarinninneq
  • Toqqaannartumik oqaluttaasarneq

Kissaatigaarput, illit siunissami nutserisutut makkuninnga piginnaasaqassasutit:
  • Nutserisutut ilinniagaqartutit, pitsaassaaq Nutserisutut (allattariarsorluni oqaluttariarsorlunilu) bachelor-itut ilinniarsimanissaq
  • Peqqinnissap iluani taaguutinik ilisimasaqarnissaq soqutigisaqarnissarlu
  • Nammineersinnaassuseqartoq, ineriartortitsiumassuseqartoq anguniagalillu
  • Ataqatigiissaarinermut sulisinnaalluarneq – aamma ulapaarfimmi
  • Aaqqissuussaanermi naalakkersuinikkut aqutaasumi suliaqarnermik misilittagaqartoq


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissanik sukumiinerusunik pisariaqartitsiguit, tikilluaqquneqarputit attavigissallugu: Allaffimmi pisortaq Karen Lerch, (+299) 34 50 08 imaluunniit e-mail kale@nanoq.gl.

Qinnuteqarfissaq ulloq kingulleq 11. oktober 2021. Ulloq atorfiniffissaq 1. november 2021 isumaqatigiissuteqarnikkulluunniit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia