sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Peqqissutsimut Naalakkersuisoqarfimmi atorfik pissanganartoq

Namminersorlutik Oqartussat

Nuuk
Ikkunneqarpoq: 15-05-2020
Piffissaq atuuffissaa naassaaq: 12-06-2020
Suliffissamut ID normut: LJA-80279282
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Peqqissutsimut Naalakkersuisoqarfik inatsisilerinermut immikkoortortaqarfimmut immikkoortortaqarfimmi pisortassarsiorpoq.

Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq. Uagut pingaarnerpaatut suliassarput tassa peqqissutsimut tunngasutigut suliniutinik ineriartortitsinertigut Naalakkersuisut aalajangiinissaannut tatiginartumik tunngavilersuinissaq isumannaassallugu.

Suleqatigiiuvugut 14-it tassaallutalu inatsisilerituut, peqqinnissaqarfimmi sulianut tunngasutigut siunnersortit, oqalutsi aammalu AC-fuldmægtigit, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Suleqatigiit suleqatigiilluartuuvugut siunnersoqatigiittarnissamik ikioqatigiittarnissamillu pingaartitsisut.
Sulinermi avatangiisigut ammasuupput persuarsiortuunatillu. Kultureqarpugut, kikkunnut tamanut nutaaliorluni aaqqissuussinissanut suliatsinnillu naammassinninnissatsinnut tapersiuteqarnissamut periarfissiisarluta.
Naalakkersuisoqarfiup politikikkut allaffissornikkullu sullissineranut siunnersuisarneranullu siuttuusinnaasumik immikkoortortaqarfimmi pisortassamik pissarsiorpugut.
Immikkoortortaqarfik pingasunik inatsisileritooqarpoq immikkoortortaqarfimmilu pisortaqarluni.

Immikkoortortaqarfimmi pisortatut immikkoortortaqarfimmut sulianut tunngasutigut sulisoqarnermullu tunngasunut akisussaasuussaatit. Peqatigisaanik immikkoortortaqarfimmi pisortaq naalakkersuisoqarfimmi pisortap tullerissavaa.

Inatsisilerituutut misilittagaliuvutit ullormi ministerimik inatsisiliornermut tunngasutigut aammalu inatsisitigut ajornartorsiutinik iluarsiisarnernut sullissiffiusumi ingerlalluarsinnaasuuvutit. Peqqissutsimut tunngasut tusagassiutitigut sammineqartaqaat, neriuutigaarpullu, illit pissanganartutut unammilligassatut tamanna isigissagittaaq.

Taamaattumik peqqinnissaqarfik soqutigigukku iluaqutaassaaq, alapernaatsuunissalli suleqatiginnikkusussuseqartuunissallu pingaarneruvoq.

Immikkoortortaqarfimmi pisortatut suliassatit tassaapput

  • Immikkoortortaqarfimmi sulianut sulisunullu tunngasutigut aqutsisuunermut akisussaasuuneq
  • Naalakkersuisoqarfimmi suliassanik ataqatigiissaarisarneq, taakkua ilagalugu ministerimik kiffartuussisarneq
  • Peqqinnissaqarfiup tungaatigut inatsisiliornermut piareersaasarnernut suliarinnittarnernullu akisussaasuuneq.
  • Inatsisilerinermut tunngasutigut iluarsiisarnerit periarfissaqarfiillu pillugit peqqinnissaqarfimmik siunnersuisarnerit.
  • Akissuteqarluni allakkianik, politikikkut akissuteqartarnernik nassuiaatinillu suliaqartarnernut akisussaasuuneq.
  • Aqutsisunut inatsisitigut siunnersuisarnernut ilitsersuisarnernullu akisussaasuuneq
Kissaatigaarput illit,
  • Cand jur.-itut ilinniagaqarsimassasutit
  • Aqutsinermik misilittagaqartutit
  •  Suliffeqarfimmik politikikkut aqunneqartumik misilittagaqarluartutit
  • Inatsisinik taakkulu suliarineqartarnerini periutsinik misilittagaqartutit aamma/imaluunniit soqutigisaqartutit.
  • Suliassaqarfiit akimorlugit suliniutitut isikkulinnik suliaqarsinnaassasutit
  • Aaqqissuussaasumik suleriaaseqartutit pitsaassutsinillu pingaartitsisuullutit
  • Sullivimmi suliassanik iluarsiiniarnerni akisussaassuseqarnermik takutitsisinnaassuseqartutit
  • Kalaallit Nunaanni inuiaqatigiinni pissutsinut ilisimasaqartutit
  • Marluinnik oqaaseqassasutit, kalaallisut/qallunaatut – tamannali piumasaqaataanngilaq

Atorfininnissaq
1. juli 2020-mi imalunniit isumaqatigiissuteqarnikkut.

 
Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Qinnuteqarneq attaveqarnerlu
Kingusinnerpaamik qinnuteqarfissaq 11. Juni 2020.

Qinnuteqarnermi CV, ilinniarsimanermut uppernarsaatit kiisalu inuit attavissat pingasut pillugit paasissutissat ilanngunneqassapput.

Atorfik pillugu paasisaqarnerorusukkuit tikilluaqqusaavutit uunga saaffiginninnissamut, Naalakkersuisoqarfimmi pisortaq Tina Pars oqarasuaat +299 34 66 25 imaluunniit e-mail: tine@nanoq.gl.



Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia