sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Peqqissutsimut Naalakkersuisoqarfimmi Siunnersuisooqatigiit aamma inatsisilerinertigut immikkoortortaqarfimmut immikkoortortaqarfimmut pisortaq

Namminersorlutik Oqartussat

Nuuk
Ikkunneqarpoq: 08-10-2019
Piffissaq atuuffissaa naassaaq: 30-10-2019
Suliffissamut ID normut: LJA-76309174
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Peqqissutsimut Naalakkersuisoqarfik inatsisilerinermut immikkoortortaqarfimmut immikkoortor-taqarfimmi ulloq 1. januar 2020 isumaqatigiissuteqarnikkuulluunniit pisortassarsiorpoq.
Siunnersuisooqatigiiat aamma Inatsisilerinertigut immikkoortortaqarfitsinnut nutaanik peqqinneq pillugu inatsisiliortarnernut, aammalu inatsisiliornermut tunngasutigut  aammalu inatsisitigut ajornartorsiutinik iluarsiisarnernut inatsisilerituussarsiorpugut, soorlulu illit peqqinnissamut attuumassuteqartunut apeqquteqaatit pillugit peqqinnissamik suliaqartunik allaffissornikkullu suleqatinik suleqateqassallutit. Immikkoortortaqarfimmi inatsisilerituut pingasuupput aamma fuldmægtig-i ataaseq. Immikkoortortaqarfimmi pisortatut suliamut sulisunullu tunngasutigut akisussaalissaatit.
Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq. Suliassatsinni pingaarnerpaaq tassaavoq, Naalakkersuisut Kalaallit Nunaanni peqqissutsikkut siuar-saaniarnermi peqqinnissaqarfiup iluani suliniutinik ineriartortitsisarnernik tatiginartumik aalajangii-nissaannut tunngavissalissallugit.
Suleqatigiit 14-iiuvugut inatsisilerituunik, peqqinnissaqarfimmi sulianut tunngasutigut siunnersortit, oqalutsit AC-fuldmægtigit, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Sulinermi avatangiisigut ammasuupput persuarsiortuunatillu. Kultureqarpugut, kikkunnut tamanut nutaaliorluni aaqqissuussinissanut suliatsinnillu naammassinninnissatsinnut tapersiuteqarnissamut periarfissiisarluta. Taamaattumik peqqinnissaqarfik soqutigigukku iluaqutaassaaq, ammasuunissalli suleqatiginnikkusussuseqarlutillu pingaarneruvoq.
Immikkoortortaqarfimmi immikkoortortaqarfimmut pisortatut suliassatit makkuusinnaapput:

  • Peqqissutsimut Naalakkersuisumik kiffartuussineq
  • Naalakkersuisoqarfimmi inatsisitigut suliassanik nalinginnaasunik ingerlatsisarnerit aqutsi-suunerillu
  • Peqqissutsimut tunngasutigut inatsisiliornernik piareersaasarnerit suliarinnittarnerillu
  • Peqqinnissaqarfimmi inatsisitigut iluarsiissutinik periarfissatigullu ineriartornermik taper-sersuisarnerit
  • Akissuteqarluni allakkianik, politikkikkut akissuteqartarnernik nassuiaatinillu suliaqartarnerit
  • Aqutsisunut inatsisitigut siunnersuisarnernut ilitsersuisarnernullu akisussaasuuneq
  • Inatsisilernermut immikkoortortaqarfimmi sulianut sulisunullu tunngasutigut aqutsisuunermut akisussaasuuneq

Naatsorsuutigaarput, illit
  • Peqqinnissaqarfimmut tunngasut iluini inatsisiliortarnernik misilittagaqartuusutit ilisimasa-qartuusutilluunniit
  • Inatsisilerituutut suliffeqarfimmik politikikkut aqunneqartumik misilittagaqarluarputit
  • Suliassaqarfiit akimorlugit suliniutitut isikkulinnik suliaqarsinnaassasutit
  • Aaqqissuussaasumik suleriaaseqartutit pitsaassutsinillu ilisimaarinnilluartuullutit
  • Sullarissuuvutit aammalu ilaatigut piffissakilliornermi sulisinnaasutit allannguinissamullu pia-reersimasuusutit
  • Sullissivimmi suliassanik iluarsiiniarnerni akisussaassuseqarnermik takutitsisinnaasuseqartu-tit
  • Aqutsisuunissamut piginnaasaqarpoq
  • Kalaallit Nunaat aamma inuiaqatigiinni pissutsit ilisimaarissavatit


Akissarsiat atorfeqartitaanermilu atugassarititaasut:
Atorfik akissaateqarfimmi (LR 38-mi - INDSÆT LØNRAMME) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqarneq attaveqarfissallu
Ulloq qinnuteqarfissaq kingulleq tassaavoq 29. Oktober 2019.
Qinnuteqaammut CV, ilinniagaqarnermut uppernarsaatit kiisalu inuit paasiniaavigineqarsinnaasut pingasut attavigineqarnissaannut paasissutissat ilanngunneqassapput.
Atorfik pillugu paasiniaanissannut tikilluaqqusaavutit  Naalakkersuisoqarfiup pisortaata Tine Pars-ip attavigineratigut oqarasuaatikkut +299 34 66 25 imaluunniit mailikkut tine@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen