sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Peqqissutsimut Naalakkersuisoqarfimmut inatsisileritooq

Namminersorlutik Oqartussat

Nuuk
Ikkunneqarpoq: 20-01-2020
Piffissaq atuuffissaa naassaaq: 11-02-2020
Suliffissamut ID normut: LJA-78976175
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Peqqissutsimut Naalakkersuisoqarfik inatsisilerituussarsiorpoq ulloq 1. Marts 2020 isumaqatigiissuteqarnikkulluunniit atorfinittussamik.

Sulilertussaq pisinnaasai tunngavigalugit ilaatigut atorfik immikkut siunnersortitut- imaluunniit siunnersortaanertut atorfinissinnaavoq.

Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq. Suliassatsinni pingaarnerpaaq tassaavoq, Naalakkersuisut Kalaallit Nunaanni peqqissutsikkut siuarsaaniarnermi peqqinnissaqarfiup iluani suliniutinik ineriartortitsisarnernik tatiginartumik aalajangiinissaannut tunngavissalissallugit.
Suleqatigiit 14-iuvugut inatsisilerituunik, peqqinnissaqarfimmi sulianut tunngasunik immikkut ittumik siunnersortit, nutserisoq aammalu AC-fuldmægtigit, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut.
Siunnersuisooqatigiit aamma inatsisilerinertigut immikkoortortaqarfik immikkoortortaqarfimmut pisortaq, inatsisilerituut pingasut aamma fuldmægtig-mik inuttaqarpoq.

Inatsisilerituutut makkuninnga suliaqartassaatit:

  • Peqqissutsimut Naalakkersuisumik kiffartuussineq
  • Peqqissutsimut tunngasutigut inatsisiliornernik piareersaallunilu suliaqartarnerit
  • Peqqinnissaqarfimmi inatsisitigut iluarsiissutinik periarfissatigullu ineriartornermik tapersersuisarnerit
  • Suliffeqarfimmi namminermi taassumalu avataani inatsisilerituutut siunnersuisarnernik.
  • Akissuteqarluni allakkianik, politikkikkut akissuteqartarnernik nassuiaatinillu suliaqartarnerit
  • Aqutsisunik inatsisitigut siunnersuisarneq ilitsersuisarnerlu

Kissaatigaarput,
  • Peqqinnissaqarfimmut tunngasunut inatsisiliortarnernik misilittagaqartutit imaluunniit soqutigisaqartutit
  • Suliffeqarfimmik politikikkut aqunneqartumik misilittagaqartutit
  • Suliassaqarfiit akimorlugit suliniutitut isikkulinnik suliaqarsinnaassasutit
  • Aaqqissuussaasumik suleriaaseqartutit pitsaassutsinillu ilisimaarinnilluartuullutit
  • Suliassanik akisussaassuseqarnermik takutitsisinnaassuseqartutit
  • Attaveqallaqqissuusutit qiimasuullutillu

Neqeroorutigaavut:
  • Suliffeqarfik pitsaasoq suleqatit pimoorussilluartut aamma unamminiagassat pissanganartut
  • Suliffik ammasoq aamma persuarsiunngitsoq, suliassatsinnik suliaqarnermi nutaamik eqqarsaatinik tikilluaqqusisoq
  • Suleqatit akuersaartut tapersersuisullu, avitseqatigiinnissamullu tapersersuisut
Taakku saniatigut pitsaassaaq kalaallit kulturiannut ilisimasaqaruit. Pitsaassaaq aamma kalaallisut oqaaseqartuuguit, tamannali piumasaqaataanngilaq.


Nuummi sunngiffimmi assigiinngitsorpassuarnik sammisassaqarpoq, soorlu assersuutigalugu kulturikkut illorsuaq, filmertarfik, naluttarfik, timigissartarfiit, kaffisorniartarfik niuertarfiillu assigiinngitsut. Pinngortitaq Nuup avataaniittoq sangusaartarfimmik, golfertarfimmik sammisassaqartitsivoq kiisalu eqeersimaartumut qajartornermik, pisuttuarnermik sunngiffimmilu sammisassarpassuarnik periarfissiilluni.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Kalaallit Nunaanni sulineq sapaatip akunneranut 40-tiimimik sivisussuseqarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq. 

Qinnuteqarneq attaveqarfissallu
Ulloq qinnuteqarfissaq kingulleq tassaavoq 10. Februar 2020.
Qinnuteqaammut CV, misilitsinnermut uppernarsaatit kiisalu inuit paasiniaavigineqarsinnaasut attavigineqarnissaannut paasissutissat ilanngunneqassapput.
Atorfik pillugu paasiniaanissannut tikilluaqqusaavutit  Naalakkersuisoqarfiup pisortaata Tine Pars-ip attavigineratigut oqarasuaatikkut +299 34 66 25 imaluunniit mailikkut tine@nanoq.gl. Tamatuma saniatigut nittartagaq www.peqqik.gl innersuunneqarpoq.




Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Kommune Kujalleq
Narsaq
Qeqqata Kommunika
Maniitsoq
Avannaata Kommunia