Inatsisilerinermi ajornartorsiutit pillugit politikikkut allaffissornikkullu siunnersuisarnerit kiffartuussisarnerillu soqutigisaqarfigaagit? Ulluinnarni allanngorarfiusumik sulinissamut sulianullu tunngasutigut unammillernartulik inuttullu ineriartornissamut periarfissalik sapiuffiginngiliuk? Tusagassiutinit annertuumik malinnaaffigineqartumi sulissallutit iluarisimaarsinnaassaviuk? Taamaassimappat atorfik una ilinnut tulluartuuvoq.
Naalakkersuisoqarfiup inatsisilerinermut immikkoortortaqarfianut inatsisiliortarnernut, aammalu inatsiseqartitsinikkut suliassanik isumaginninneq inatsisitigullu ajornartorsiutinik iluarsiisarnernut inatsisilerituussarsiorpugut. Apeqqutinut peqqinnissamut attuumassuteqartut pillugit peqqinnissakkut allaffissornikkullu suliaqartartunik suleqateqalissaatit.

Uagut pilluta
Peqqissutsimut tunngasuni Peqqinnissamut Naalakkersuisoqarfik qullersaalluni oqartussaasuuvoq. Pingaarnertut suliassarput tassaavoq nunarput tamakkerlugu innuttaasut peqqissusaannik iluaqusiisussanik peqqissutsimut tunngasutigut suliniutit ineriartortinneqarnissaannut tunngatillugu Naalakkersuisut (Kalaallit Nunaanni naalakkersuisut) aalajangiinissaannut pitsaasumik tunngavissinneqarnissaannik qulakkeerinninnissaq.  Suleqatigiit tamatigoortut 18-iuvugut, tassaalluta inatsisilerituut, peqqinnissamut sulianut tunngasutigut siunnersortit, oqalutsi, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Sulinitsinni inissaqartitsisumik persuarsiunngitsumillu avatangiiseqarpugut ulluinnarni sulisarnernik aaqqissuussinissamut periarfissaqarluarpoq. Kultureqarpugut, kikkunnut tamanut nutaaliorluni aaqqissuussinissanut suliatsinnillu naammassinninnissatsinnut tapersiuteqarnissamut periarfissiisarluta.

Nalinginnaasumik Naalakkersuisoqarfik tusagassiutinit, najukkami aviisinit tusagassiuutinillu annertuumik malinnaaffigineqarpoq. Taamaammat suliffimmi innuttaasunit aamma Inatsisartuni ilaasortanit eqqumaffigineqartumi sulinissannut piareersimassaatit. 
Peqqissutsimut tunngasutigut soqutiginnikkuit misilittagaqaruilluunniit iluaqutaassaaq. Nutaanik ilikkagaqarnissamut alapernaatsuunerit suleqatiginnikkusuttuunerillu pingaarnerpaapput.

Inatsisilerinermut immikkoortortaqarfik ukuninnga inuttaqarpoq: Immikkoortortaqarfimmi pisortaq, inatsisilerituut marluk ilinniartutullu ikiorti ataaaseq. Immikkoortortaqarfimmi suleqatigiilluarneq siunersiuinissarlu pingaartippavut

Inatsisilerituutut makkuninnga suliaqartassaatit:

• Naalakkersuisumik sullissisarneq,
• Peqqinnissamut tunngasutigut inatsisiliornernik piareersaasarnerit suliarinnittarnerillu,
• Peqqinnissaqarfimmi inatsisitigut iluarsiissutinik periarfissatigullu ineriartornermik tapersersuisarnerit,
• Suliffeqarfimmi namminermi taassumalu avataani inatsisilerituutut siunnersuisarnernik,
• Akissuteqaasiortarneq, naalakkersuisunikkut akissuteqaasiortarneq nassuiaasiortarnerlu.
• Nuna tamakkerlugu oqartussanik nunanilu tamalaani oqartussaqarfinnik arlalinnik suleqateqarneq
• Aqutsisunik inatsisitigut siunnersuisarneq ilitsersuisarneq kiisalu
• nakkutilliinermi suliassat.

Naatsorsuutigaarput illit tassaasutit:

• Cand.jur.-itut ba.jur.-itulluunniit ilinniarsimasuusutit Ilinniarnerminnik naammassinneqqammersut aamma naliliivigineqassapput
• Peqqissaartuusutit sulerusussuseqarluartutillu, aamma ulapaarfimmi
• Suliassaqarfiit assigiinngitsut akornanni suliniutitut isikkulinnik suliaqarsinnaassasutit.
• Nammineerlutit suleqatigiinnilu sulisinnaassuseqarluartutit.
• Suliassanik iluarsiiniarnermi aaqqissuussaasumik suleriaaseqartutit, pitsaassutsinik ilisimaarinnilluartuusutit akisussaassuseqarluartumillu takutitsisinnaassuseqartutit.
• Tamatuma saniatigut politikkikkut aqunneqartumi inatsisilerituutut sulinermik misilittagaqaruit iluaqutaassaaq.

Uagut neqeroorutigaavut:

• Piginnaasanik ineriartortitsineq, tassani Nunani Avannarlerni Ministerit Siunnersuisoqatigiivisa paarlaasseqatigiittarnermut aaqqissuussinera aqqutigalugu nunani avannarlerni paarlaasseqatigiinnissamut periarfissaqarpoq.
• Nammineq suliassat aaqqissuunnissaannut periarfissaqarluarpoq
• Kalaallit Nunaanni Peqqinnissaqarfimmik allanngueqataanissamut periarfissaqarpoq
• Danskit ministeriaqarfiinik naalakkersuisoqarfiullu ataani aqutsisoqarfinnik qanimut suleqateqarneq.
• Sulinermi avatangiisit isumassarsiorfiulluartut, suliassaqarfiit assigiinngitsut akornanni suliaqarfiusumi nutaaliorfiusumilu pikkorissunik tunniusimasunillu suleqateqarneq

Qinnuteqaateqartoq eqqortunik piginnaasaqarpat, atorfik immikkut ittumik siunnersortitut imaluunniit siunnersortit pisortaattut inuttalerneqarsinnaavoq.

Suliffissarsiortunik ingerlaavartumik oqaloqatiginnittoqarumaarpoq, taamaalilluni qinnuteqarfissaq qaangiunniariartoq inuk toqqarneqartoq akissutisiumaarluni.

Aallaaviatigut 12. april 2023 sioqqullugu atorfinitsitsisoqassaaq.

Atortimmik saqqummiussinermut tunngatillugu apeqqutissaqaruit imaluunniit Kalaallit Nunaanni sulinermut inuunermullu alapernaakkuit immikkoortortaqarfimmi aqutsisumut Martin Pedersenimut oqarasuaat +299 22 01 74-imut imaluunniit inatsisilerituumut Ajjat Altamimimut oqarasuaat +299 55 15 78-imut sianernissannut tikilluaqqusaavutit.

Naalakkersuisut pillugit
Naalakkersuisut tassaapput Kalaallit Nunaanni Namminersorlutik Oqartussat naalakkersuisui. Siulittaasoqarput ilaasortaqarlutillu. Ilaasortat Naalakkersuisumik (minister) taaneqartarput aamma Naalakkersuisut tamarmik naalakkersuisoqarfimmi aqutsisuusarput.
Naalakkersuisut inatsisinik atortitsisuupput Inatsisartullu (parlamentet) inatsisiliortuullutik, suliassaqarfinni tiguneqarsimasuni inatsisiliortarput.

Nuuk, Kalaallit Nunaat pillugu
Kalaallit Nunaannut nuunneq alloriarnerujussuusinnaavoq, pingaartumik ilaquttat peerarluunniit nooqataappata. Pinngortitami misigisaqarnissamut qaqqasiornissamut, sisorarnissamut, snescooterernissamut, angalaarnissamut, piniarnissamut aalisarnissamullu periarfissagissaarpoq. Tamatuma saniatigut Nuuk, illoqarfinnii annerusumi periarfissarineqartartut periarfissaapput, soorlu caféqarpoq, neriniartarfeqarpoq, timigissartarfeqarpoq, naluttarfeqarpoq, filmertarfeqarpoq pisiniarfeqarlunilu. Sulisut peqatigiiffiannut Allumut ilaalernissamut periarfissaqarputittaaq. Ilaasortanit kissaatigineqartut suliniutigineqartullu apeqqutaatillugit ALLU-mi assigiinngitsorpassuarnik aaqqissuussisarpugut, soorlu filmeriarnerit, tusarnaariarnerit, pinnguarnerit illunnguusiornerlu.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.