sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Perorsaanermut siunnersorti Pinaveersaartitsinermut Isumaginninnermullu Aqutsisoqarfimmi Ulloq Unnuarlu aamma nalilersuisarfimmut Immikkoortortaqarfimmi ineriartortitsiniarluni sulinermut suleqatissarsiariniarneqarpoq

Namminersorlutik Oqartussat

Nuuk
Ikkunneqarpoq: 10-07-2020
Piffissaq atuuffissaa naassaaq: 31-07-2020
Suliffissamut ID normut: LJA-80637395
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Ineriartortitsiniarluni suliniutinut suliaqartarusuppit? Suliamut tunngatillugu kinaassutsikkut nukittuujuit allakkatigullu ingerlatitseqqittarnermut pikkorissuullutit? Taava illiusimassaaq ujartugarput.

Pitsaaliuinermut Isumaginninnermullu Aqutsisoqarfik, Naalakkersuisut ataanni aqutsisoqarfiuvoq tulliuttunik tallimanik immikkoortortaqarfeqartoq: Pinaveersaartitsinermut immikkoortortaq Paarisa, Aningaasaqarnermut immikkoortortaqarfik, Ulloq unnuarlu aamma nalilersuisarnermut immikkoortortaqarfik, Qitiusumik Siunnersuisarfik aamma Allattoqarfik. Immikkoortortaqarfiit qanimut suleqatigiittarput, suliffigiligassallu suliassanut tunngatillugu amerlasuunik unammilligassaqarfiulluni.

Ulloq unnuarlu aamma nalilersuisarnermut immikkoortortaqarfik susassaqarfimmi ingerlatsinernut aamma ineriartortitsinermik suliassanut akisussaavoq. Taamaaliortarnermut Ulloq unnuarlu aamma nalilersuisarnermut immikkoortortaqarfik Qitiusumik Nalilersuisarfik aqqutigalugu Kalaallit Nunaanni ulloq unnuarlu paaqqinnittarfinnut innersuussisartuuvoq, taamatuttaaq meeqqanik inuusuttunillu taamatullu inunnik innarluutilinnik inersimasunik meeqqanillu.

Suliarisartagassatit:

  • Ulloq unnuarlu paaqqinnittarfinnut tunngassuteqartuni ineriartortitsiniarluni suliniutinik atugassanngortitsisarneq.
  • Naliliisarluni misissuinernik suliaqartarneq
  • Ulloq unnuarlu paaqqinnittarfiit qanittumik suleqatigalugit suliniutinik piviusunngortitsisarneq
  • Sulissutigineqartunik suliniutinillu nalilersuinernik suliaqartarneq
  • Sulissutigineqartunik pitsanngorsaatinillu aallartinneqartunik nutaanik ineriartortitsinermut tunngatillugu perorsaanermut tunngasunik ikiuuttarneq, siunnersuisarneq ilitsersuisarnerlu.
  • Suliassat nukinginnartut.
 
Piginnaasatit:
Ineriartortitseqatigiinnut ilanngutissaatit, tassani suliniutinik suliaqarneq nutaanillu eqqarsarneq pisariaqartitaallutik. Suliassannut nammineerlutit akisussaassutsimik tigusinissamut piareersimassaatit ammasuullutillu, tamatigoortuullutit suleqatigiinnissamullu soqutiginnillutit kiisalu ulluinnarni  ulapaarneq piareersimaffigissallugu.
Ulloq unnuarlu paaqqinnittarfinnut tunngassuteqartunik ineriartortitsinermi suliassat suliarisinnaassagukkit naatsorsuutigaarput:
  • kandidatitut qaffasissusilimmik naleqquttumik ilinniagaqarsimassasutit perorsaasutut suliaqarnermut ilinniarnermik tapertalerneqarsimasumik
  • allakkatigut ingerlatitseqqittarnermut nukittuujusutit
  • suliaqaqatigiit kulturikkut kiisalu oqaatsitsigut assigiinngissutit akimorlugit suleqatiginnilluarsinnaasutit
  • aaqqiissutissarsiortuusutit, aallarnisaallaqqissuusutit ineriartortitsinermullu siuttoorusuttutit suliassanik suliaqarnialeraangavit
  • suliassat aaqqiissuteqarfiginerini kiisalu suliap pitsaasuutinnissaanut nammineerluni akisussaassutsimik suliniuteqarnermillu tigusisinnaassasutit
  • Kalaallit Nunaanni suliassaqarfimmut kiisalu kalaallit isumaginninnermut inatsisaannik ilisimasaqartutit misilittagaqarlutillu
  • qiimasuusutit unammilligassanullu pitsaasumik pulariallaqqissuullutit


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Sapaatip akunneranut nalunaaquttap akunneri 40-t suliffiusarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Ulloq atorfiniffissaq:
1. august 2020 imaluunniit piaarnerpaamik.
 
Paasissutissat sukumiinerusut:
Atorfik paasisaqarfiginerusukkukku pisortap tullersortaa Karina Ivalo Kleist  – mail: kaik@nanoq.gl attaveqarfigisinnaavat. Mobil: +299 22 55 21, Sulianut tunngasunut pisortaq Nivikka Witjes – Mail: nlan@nanoq.gl – oqarasuaat  +299 34 60 26

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia