Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Perorsaasoq - Illerngit
Avannaata Kommunia
Ilulissat
Ikkunneqarpoq: 06-12-2024
Piffissaq atuuffissaa naassaaq: 22-12-2024
Suliffissamut ID normut: LJA-85835477
Atorfeqarnermi atugassarititaasut: Tamakkiisoq
Suliassaqarfik: Allat, Meeqqat & inuusuttut
Avannaata Kommuniani, Ilulissat-ni Meeqqerivik Illerngit-ni perorsaasumik 01.01.2025 imaluunniit isumaqatigiissuteqarnikkut atorfinittussamik pissarsiorpoq.
Perorsaasup qaninnertut qullersarissavaa Meeqqerivik Illerngit-ni aqutsisoq.
Suliassat akisussaaffiillu:
·Paaqqinnittarfiup anguniagai suleriaatsitullu pilersaarutai malillugit sulineq.
·Meeqqat akisussaassuseqartumik isumannaatsumillu paarineqarnissaat.
·Init suleqatigiaallu immikkoortut akornanni suleqatigiinneq.
·Angajoqqaanik suleqateqarneq.
·Ulluinnarni pisartut tulleriisitaarneri sulisut akornanni paarlagiiaallugit suliassat.
Piginnaasat:
·Perorsaasutut ilinniarsimasuunissaq.
·Akisussaassuseqarneq.
·Arajutsisiittuunissaq.
·Akulerussinnaanermut nalimmassarsinnaanermullu piginnaasaqartoq.
·Suleqatikkuminartuunissaq.
·Qanilaartuuneq aalajaatsuunerlu.
·Timikkut tarnikkullu peqqissuuneq aammalu ammasuuneq kiisalu nuannaartuuneq.
Akissaatit atorfeqartitaanermullu atugassarititaasut:
Atorfininnermi atugassarititaasut Naalakkersuisut Nunatsinni Perorsaasut Katuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfinnut atatillugu inissaqartitsisoqarpoq.
Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.
Attaveqarfissaq:
Atorfimmut paasissutissat sukumiinerusut pineqarsinnaapput Meeqqerivik Illerngit-ni aqutsisoq Birthe Sigurdsen saaffigineratigut oqarasuaat 385553 imaluunniit e-mail: illerngit@avannaata.gl
Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 22.12.2024 nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.