sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Perorsaasoq

Kommune Kujalleq

Qaqortoq
Ikkunneqarpoq: 01-12-2022
Piffissaq atuuffissaa naassaaq: 20-01-2023
Suliffissamut ID normut: LJA-84303596
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Atuartitsineq & Meeqqerineq

Ulloq unnuarlu paaqqinnittarfik B-1443-mut perorsaasunik sulisussarsiorpoq:


Perorsaasunikk/Socialassistentinik marlunnik tunniusimasumik Qaqortumi ulloq unnuarlu paaqqinnittarfimmi ingerlalluartumi 0-imiit 10-nik ukiulinnut sullisserusuttumik pissarsiorpugut. Februaarip ulluisa aallaqqaataat 2023 isumaqatigiissuteqarnikkulluunniit.


Perorsaasut/Socialssistentit marluk meeqqat angerlarsimaffianni pilersinneqaqqammersumi sulisussat kissaatigineqarput, immikkoortortaq illoqarfiup qeqqani illumi angisuumiippoq. Immikkoortortaq meeqqanut arfinilinnut naatsorsuussaavoq. Immikkoortortami sulinermi meeqqat isumassuisunik avatangiiseqarlutik erseqqissunillu killissaqartitaallutik aammalu saqqumilluartunik inersimasortaqarlutik ineriartornissamut periarfissinneqarnissaat isumagineqassaaq. Attaveqarneq peqateqarnerlu sulinermi pingaartinneqarput. Naalungiarsuunermi atugarisimasanik katsorsaaneq aallaavigalugu meeqqallu akuerineqarnissaat aallaavigalugu sulissaagut. Meeqqap ataqqineqartutut, akuerineqartutut, paasineqartutullu misiginissaat pingaaruteqarpoq.


Neqeroorutigaagut:

·Suliassat assigiinngissitaartut.

·Susassaqarfiit akimorlugit suleqatigiinneq.

·Suliffik pissanganartoq.

·Paaqqinnittarfimmik nutaamik ineriartortitsinissamut periarfissaq.

·Pikkorissarnernut peqataanissamut periarfissat

·Oqaloqateqarluni oqilisaassineq


Naatsorsuutigaarput

·Perorsaasutut/socialassissentitut ilinniarsimasuusutit.

·Namminersorlutit sulisinnaassuseqartutit aammalu pisussaaffileeqqatigiiffiusumik suleqateqarsinnaasutit.

·Aporfiit pinnagit periarfissat isiginiarnerusaritit.

·Meeqqat toqqissisimanartumik ineriartorfiusumillu atugaqalersinneqarnissaannut peqataarusuttutit.

·Piffissat suliffiusut allanngorartut, akunnerup naanerani sulineq aammalu aallaarsimaartarnissat piareersimaffigigitit.


Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Atorfinnut tamanut qinnuteqartut perorsaasutut/Socialassistentitut ilinniarsimasuussapput marluinnillu oqaaseqartuuppata assut pitsaassalluni.


Aningaasarsiat atorfeqartitaanermilu atugassarititaasut

Aningaasarsiat atorfeqartitaanermilu atugassarititaasut, taamatuttaaq akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat piffissami atorfiniffiusumi Kalaallit Nunaanni Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni isumaqatigiissutit atuuttut malillugit pissapput.


Ineqarneq

Perorsaasutut atorfimmut inissiaq pequsersugaanngitsoq malittarisassat qaqugukkulluunniit atuuttut malillugit innersuussutigineqarsinnaavoq. Inissiamut innersuunneqartumut maleruagassat qaqugukkulluunniit atuuttut malillugit ineqarnermut akimik qularnaveeqqutinillu akiliisoqassaaq. Inigisap qanoq pisoqaatiginera, piginnittoqarnikkut pissutsit il. il. apeqqutaatillugit ineqarnermut akiliut aamma inissiap pitsaassusia assigiinngisitaarsinnaavoq. Sulisunut inissiaq atorfeqarnerup taamaatinnerani qimanneqassaaq. Sulisutut inissamik innersuunneqarnissaq sivisuumik utaqqinarsinnaavoq, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.


Atorfiit pillugit paasisaqarnerorusukkuit paaqqinniffimmi pisortaq Mogens K. Modeweg-Hansen attavigisinnaavat, toqqaannaq oqar. +299 381701 maili momh@kujalleq.gl
Imaluunniit pisortap tullersortaa Sabine Nohelsen uunga +299 381701 maili
sase@kujalleq.gl


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik jannuaarip ulluisa 20-iat  2023 nittartagarput aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.



”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutinneqalerpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat