Perorsaasoq Paarsisor-mut Ittoqqortoormiit / Pædagog til Paarsisor i Ittoqqortoormiit

Kommuneqarfik Sermersooq

Ittoqqortoormiit

Ikkunneqarpoq: 11-12-2024

Piffissaq atuuffissaa naassaaq: 01-01-2025

Suliffissamut ID normut: 331601396

Atorfeqarnermi atugassarititaasut: Tamakkiisoq

Suliassaqarfik: Atuartitsineq & Meeqqerineq, Allat

Atorfiup taaguutaa: Pædagog

Misilittakkat - Annertunerusumik: Omsorgsarbejde, Samarbejde

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Perorsaasutut ilinniagalimmik Meeqqeriveqarnermut atuarfeqarnermullu immikkoortortaqarfik akuleriinnut meeqqerivik Paarsisor Ittoqqortoormiit pissarsiorpoq.

Meeqqerivik Paarsisor meeqqanut 30-inut inissaqartsitivoq 0-2-nik ukiulinnut aammat 3-5-nut ukiliulinnut. Sulisut amerlassusiligaanermikkut qulingiluaasussaapput ima agguataarsimasussanik: Pisortaq, tullersorti, perorsaasoq ataaseq, meeqqerisoq isumaginninnermilu ikiortit marluk, ikiortit pingasut igaffimmiorlu ataaseq.

Paarsisor nal. 07.30-miit 16.30-mut ammasarpoq.

Pingaartitagut:

Isernermi kamiit peerneqartarnissaat, pissuserissaarnissaq, ataqqeqatigiinneq, angajoqqaanut suleqateqarneq kiisalu meeqqanut peqqinnartumik nerisaqartitsinissaq.

Ilisarnaatigut:

Sulisut tunniussimasut, qanilaartut nuannaartullu

Angajoqqaanut suleqateqarnermut, pingaarnertut meeqqanut qitiutitsilluni pingaartitsilluni sulisut

Sulisut aalajaatsut.

Naatsorsuutigaarput illit:

· Perorsaasutut ilinniagaqarsimasutit assingusumilluunniit

· Suliamut ilinniarsimasuuvutit aamma suliassaqarfimmut tunniusimalluarputit

· Nammineq akisussaaffimmik tigusisinnaavutit namminersorlutillu sulisinnaallutit

· Nutaanik isummersinnaasuseqartutit aamma pisariaqartumik malinnaasinnaassuseqartutit

· Suleqatinut angajoqqaanullu suleqatiginnikkumavutit

· Sungiussiasuusutit aalajaatsuullutillu

· Ajornanngippat Kalaallisut / Danskisut oqalussinnaavutit

· Uummaarussuullutillu nuannaartuusutit pingaarnerpaavoq

Neqeroorutigaagut:

· Suleqatit nuannaartut qiimaarissullu

· Suliffeqarfik orniginartoq sulisullu aalajaatsut

· Angajoqqaanik sulisunullu suleqateqarluarneq

· Alianaatsumik avatangiiseqarneq pinngortitamullu qanittuuneq

· Perorsaariaatsinik aqutseriaatsinillu ineriartortitsinermi unamminartumik sulineq.

· Pissanganartumik ataatsimooqatigiilluni ineriartorfiusumi peqataaneq.

Meeqqerivinnut Immikkoortortaq meeqqerivinnut aqutsisoqatigiinnullu naleqqussakkanik pikkorissarnernik ingerlaavartunik neqerooruteqartarpoq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Lone Madsen, oqarasuaat +299 36 78 90 imaluunniit e-mail: lone@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 1264-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk