sullissivik.gl
Atorfimmut ussassaarummut oqaatsinut allanut nuunniarlutit tooruk
INI A/S

PIFFISSAMI AALAJANGERSIMASUMI INISSIARSUARNI NAKKUTILLIISUTUT TAARTAASUSSAMIK AASAANERANILU IKIORTAASINNAASUNIK PINGASUNIK / TIDSBEGRÆNSET VIKARIAT SOM EJENDOMSFUNKTIONÆR SAMT 3 SOMMERJOBBERE – INI NUUK

INI A/S

Nuuk
Ikkunneqarpoq: 11-06-2024
Piffissaq atuuffissaa naassaaq: 25-06-2024
Suliffissamut ID normut: 331589518
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Vikar
Misilittakkat - Annertunerusumik: Ikke angivet (LedelHåndværk & servicese)
Oqaatsit:
Danskisut Paasisinnaavakka
Kallaallisut Atuarneq/ oqalunneq
Attaveqarfissamut paasissutissat

INI A/S

INI A/S
Postboks 1020
Oqarasuaat 701000

Nuummi Qapiarfiusaami aasaanerani juunimiit august ilanngullugu, nakkutilliisutut taartaasinnaasumik kiisalu ikiortaasinnaasunik pingasunik suleqatissarsiorpugut.

Inuiaqatigiinnut akisussaaqataanermut tunngalluinnartumik suliaqaqataanissamut, atuanngiffimmilu aasaanerani aningaasarsiulaarnissamut periarfissaq.

Inissiarsuarni nakkutilliisutut akisussaassuseqartumik sulissaatit, ulapaarfinnilu tamakkiisumik isiginnissinnaassallutit.

Suleqatitit suleqatigilluinnarlugit najugaqartunut sullissineq inissialerinermillu ingerlatsineq suliassanni pingaarnerussapput. Sapaatip akunneranut 40 tiimit sulisassallutit, ukulu akisussaaffigissavatit:

  • Pilersaarusiorneq najugaqarfiullu immikkoortortaani suliassat isumagineqarnissaat nakkutigalugit
  • Iserterfissat misissorlugit, amigaatinut allattuiffimmiittut isumagalugit
  • Nutserfiit misissorlugit, nalunaarusiorlutit, iluarsagassat aallartisarlugit Nakkutilliisup isumaqatigiissuteqarfiginera malillugu
  • Teknikkimut atortut ulluinnarni nakkutigalugit, nalinginnaasumik aserfallatsaaliuineq. najugaqarfiillu eqqaani saligaatsuutitsinissaq
  • Iluarsagassat minnerit aserfallatsaaliugassallu minnerit isumagalugit
  • Suliassanngortut tamalaat

Suliassaq suugaluarpat pimoorussineq akisussaassuseqarnerlu

Nakkutilliisutut sullissillaqqissuussaatit, assassorluni suliassanut misilittagaqassaatit. Assassorluni suliamik ilinniagaqarsinnaavutit, inissiallu aserfallatsaaliorneqarnissaannut ilisimasaqassallutit. Aammattaaq:

  • IT-mik atuisinnaalluassuseqassaatit, inissianut isertertitsinerit nuuttoqarneranilu suleriuseq digitalimik ingerlanneqartarmat
  • Ammasussaatit tamanillu inussiarnersumik torersumillu attaveqatiginnissinnaassallutit
  • Namminersorlaqqillutillu iliuuseqallaqqissuussaatit, suleqatikkuminarlutillu
  • Pilersaarusiullaqqissuussaatit suliassallu nangillugit ingerlateqqittarlugit
  • Biilernermut allagartaqassaatit

Aasaanerani ikiortit suliassaat pingarnerit tassaapput attartortut sullinnissaat illuni inissianilu suliassat najugaqarfinnilu suliassat nalinginnaasut suliarissallugit. Taakkua saniatigut suliassaralugit:

  • Najugaqartut aqqutaat ataatsimoorlutillu atugaat saligaattuutillugit
  • Teknikkikkut atortut nakkutigalugit
  • Assassorluni suliassat annikinnerit suliarisarlugit
  • Suliassanngortut tamalaat

Aasaanerani ikiortitut iliuuseqarnissamut piumassuseqarlutit suliaqartarnissamut, assassugassanullu pikkoriffeqassaatit, sullissillaqqissuussaatit suliassanullu allanngorartunut tamatigoortumik isiginnittaaseqassallutit, aamma:

  • Namminersullaqqillutillu suleqateqallaqqissuussaatit
  • Suliartortuartuullutit
  • Silami sulinissamik inunnillu attaveqarnissamut nuannarisaqassaatit
  • Qaluutaassualinnik aqunnissamut allagartaqarsinnaavutit, piumasaqaataanngilarli

Piffissat suliffiusussat aaqqissuunneri qaninnertut pisortaq suleqatigalugu inissinneqassapput.

 

Uagutsinnut ilanngugit

Ukiut kingulliit pingasut ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

 

Atorfimmi atugassarititat:

Nakkutilliisutut taartaasussamut aamma aasaanerani ikiortitut sulisussamut Naalakkersuisut, Medarbejder- og Kompetencestyrelsen-ip aamma Sulinermik Inuussutissarsiuteqartut Kattuffiata akornanni Akunnermusiallit suliamik ilinniagallit ilinniagaqanngitsullu pillugit isumaqatigiissutaat atuuttoq naapertorlugu atugassarititaasut inissinneqassapput. Inissaqartitsisoqanngilaq.

 

Sulilerfissaq:

Isumaqatigiissuteqarnikkut pissaaq.

 

Atorfik soqutigaajuk?

Taartaaffiusussaq aasaaneranilu ikiortaanissaq pillugu annerusumik paasisaqarsinnaavutit Sullissinermut Aqutsisoq Morten Holm attavigalugu mailimut moh@ini.gl

Qinnuteqaatit CV-t pappilissallu attuumassuteqarsinnasut pineqaatissinneqarsimannginnermik uppernarsaat ilanngullugu allakkatigut mailikkulluunniit nassiunneqassapput.

 

Tusarnissat qilanaaraarput.

 

INI

HR-afdelingen

Postboks 1020

3911 Sisimiut

E-mail: job@ini.gl

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat