sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pinngortitamut Silallu Pissusiinut Immikkoortortaqarfimmut AC-fuldmægtigi

Namminersorlutik Oqartussat

Nuuk
Ikkunneqarpoq: 13-08-2019
Piffissaq atuuffissaa naassaaq: 04-09-2019
Suliffissamut ID normut: LJA-74785146
Atorfeqarnermi atugassarititaasut: Tamakkiisoq
Suliassaqarfik: Aatsitassanut suliassaqarfik

Pinngortitamut Silallu Pissusiinut Immikkoortortaqarfik sulisumik tamatigoortumik pikkorissumik tunniusimasumillu, Kalaallit Nunaanni pinngortitaq pillugu ingerlatsinermi ikiuuttussamik pissarsiorpugut.

Suliffeqarfik naatsumik
Pinngortitamut Silallu Pissusiinut Immikkoortortaqarfimmi, Pinngortitamut Avatangiisinullu Naalakkersuisoqarfiup ilaaniittumi suleqataalissaatit. Immikkoortortaqarfimmi sulineq avatangiisini pissanganartuni suliatigullu unammillernartuni, suliatigut ineriartornissamut periarfissaqarfiulluartumi ingerlanneqarpoq.

Pinngortitamut Silallu Pissusianut Immikkoortortaqarfiup suliassaqarfiit arlallit akisussaaffigai, taakkununngalu pinngortitaq pillugu ingerlatsineq, sanaartugassanut atatillugu kingunerisassanik naliliineq, pisassat pillugit tusarniaanerit, sumiiffiit eqqissisimatitat pillugit ingerlatsineq, ilisimasassarsiorluni angalanissanut akuersissutit aamma nunap iluani silap pissusiinut naleqqussaanerit ilaatinneqarput. Aamma Immikkoortortaqarfiup nunani tamalaani pinngortitami illersuineq pillugu isumaqatigiissutinik arlalinnik ingerlatsineq akisussaaffigaa aammalu Issittumi Siunnersuisoqatigiit ataanni suleqatigiissitani suleqataalluni. Immikkoortortaqarfimmi atorfiit akuerisat tassaapput immikkoortortaqarfimmi pisortaq ataaseq, AC-fuldmægtigit tallimat, siunnersorti ataaseq aamma ilinniartoq ikiorti ataaseq.
Suliffeqarfimmi pitsaasunik suleqateqarfiusumi, pingaartorsiorfiunngitsunik avatangiiseqartumi aammalu toqqissisimanissamik ineriartornissamillu pingaartitsiviulluartumi suleqataalissaatit.
Suliffeqarfik Nuummi inissisimavoq. Illoqarfik periarfissaqarfiulluarpoq, taakkununngalu kulturip illorsua, filmertarfik, naluttarfik, kaffisorniartarfiit peqatigiiffiillu assigiinngitsut ilaapput. Nuup eqqaani sisorartarfeqarpoq golfertarfeqarlunilu, kiisalu qajartornissamut, aalisarnissamut, imaatigut angalanissamut, nunakkut pisuttuarnissamut sunngiffimmilu sammisassarpassuarnut arlalinnut periarfissaqarpoq.

Suliassatit
Ulluinnaat pissanganartut, amerlanertigut saaffiginnissutit naalakkersuinermik suliaqartunit, innuttaasunit kommuninilluunniit takkunnersut apeqqutaallutik assigiinngitsorpassuarnik suliassaqarfiusut naatsorsuutigisinnaavatit. Ilaatigut UNESCO-p nunarsuarmi kingornussassarititaani, Ilulissat Kangianni, ingerlatsinermik suliaqarnissat, aammalu Naalakkersuisoqarfik sinnerlugu tusarniaanermi akissuteqaatinik suliaqartarnissat naatsorsuutigaarput.

Atorfik assigiinngitsortassuarnik akisussaaffeqarfiuvoq annertuumillu ulapiffiulluni. Sulinermi Naalakkersuisoqarfimmi immikkoortortaqarfiit aamma Namminersorlutik Oqartussani oqartussaasut allat, kiisalu Danmark nunallu tamalaat annertuumik suleqatigineqarput.

Suliassat ilaatigut tassaapput:

  • Naalakkersuinikkut sulialinnik sullissineq, taakkununnga allakkianik, naalakkersuinikkut isummernissamut tunngavissiat aamma naalakkersuinikkut oqariartuutit suliarineqartarneri ilaallutik
  • Kalaallit Nunaanni sumiiffinni eqqissisimatitani ingerlatsinerit
  • Namminersorlutik Oqartussani oqartussaaffiit akimorlugit tusarniaanernik ataqatigiissaarineq
  • Paasissutissiissutinik ilitsersuutinillu suliaqarneq
  • Immikkoortortaqarfiup nunanut tamalaanut tunngatillugu suliassaanik isumaginninneq
Immikkoortortaqarfimmi sulisut allat qanillugit suleqatigilissavatit, aammalu ilinniakkat, tunuliaquttatit soqutigisatillu apeqqutaallutik pinngortitamut suliassaqarfimmi tamarmiusumi suliassaqartassaatit. Piffissamut killiliussat sukannersut tunngavigalugit sulisarnissat naatsorsuutigissavat, taamaattumillu suliassavit paasisimaarinissaat ingerlaavartumillu tulleriiaartarnissaat pikkoriffigissavat.

Naatsorsuutigisagut
Naatsorsuutigaarput:
  • ilinniagartuutut ingerlaqqiffiusumik ilinniagaqassasutit
  • aaqqissuussaanermi naalakkersuinikkut aqunneqartumi sulineq aamma inatsisilerineq mislittagaqarfigissagitit
  • pinngortitaq silallu pissusii pillugit sulineq misilittagaqarfigissagit
  • misissueqqissaarsinnaassuseqassasutit naalakkersuinermillu paasisimaarinnissasutit
  • apeqqutit pisariusut teknikkimullu tunngasut oqaatsit ersarissut atorlugit ingerlateqqinnissaat pikkoriffigissagit
  • namminersorlutit pitsaasumillu sulineq toqqissisimaffigissagit
  • aaqqissuussamik sulisinnaassasutit suliallu amerlasuut ataatsikkut ingerlassinnaassagitit
  • ammasuussasutit aammalu attaveqarfinnik attaveqaatinillu pitsaasunik pilersitsisinnaassasutit
  • tuluttut danskisullu oqaatsinut piginnaaneqassasutit, tassungalu ilanngullugu kalaallisut piginnaaneqarneq iluaqutaassaaq.
Paasissutissat amerlanerusut
Atorfik pillugu annertunerusumik paasisaqarusukkuit immikkoortortaqarfimmi pisortaq Karen Motzfeldt telefon (+ 299) 34 60 19-imut saaffigisinnaavat.

Qinnuteqaat:
Ulloq atorfiniffissaq: 1. oktober 2019 imaluunniit sukumiinerusumik isumaqatigiissuteqarnikkut.
Oqaloqatiginninnerit sap. ak. 35, 2019-imi ingerlanneqarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia