sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pisortani immikkoortup digitalinngorsarneqarnerani suliat ingerlanneranut suliniutinullu aqutsisumik misilittagalimmik

Namminersorlutik Oqartussat

Nuuk
Ikkunneqarpoq: 24-09-2021
Piffissaq atuuffissaa naassaaq: 16-10-2021
Suliffissamut ID normut: LJA-82709520
Atorfeqarnermi atugassarititaasut: Tamakkiisoq
Suliassaqarfik: IT & tusagassiuutit

Anginerusumik ataqatigiisitsisarpit, ataatsimoortumi immikkoortut ataasiakkaat eqqarsaatigisarpigit aamma inuit, aaqqissuussaanermi ingerlariaatsit digitalimillu atortorissaarutit akornanni suleqatigiinneq ilisimaarilluarpiuk? Suliffeqarfimmi suliassaqarfimmilu immikkoortut akimorlugit pilersaarusiorsinnaallutillu, ataqatigiissaarisinnaallutillu sulisinnaavit? Inuiaqatigiinni assigiinngisitaartut ilisimasaqarfigivigit, aamma taakku qanoq ataqatigiinnersut ilisimavigit, taamaappat illiusimassaaq suleqatissarput.

Suliniutinut immikkoortortaqarfitsinni suliniutinut aqutsisussamik suliat ingerlanneranut suliniutinullu aqutsisussarsiorpugut.

Suliniuteqarnermut immikkoortortarput sisamanik suliniutinut aqutsisunik kajumissuseqarluartunik sulisoqarpoq, tamarmillu nuna tamakkerlugu digitalinngorsaanermut periusissiamut attuumassuteqartunik pisortani suliniutinut tunngasunik aqutaqarput. Assigiissaarineq, atuiuminarsaarineq pigiliussinissarlu ukkataraavut. Kiffaanngissuseq pingaartinneqarpoq, isumassarsiat nutaat inissaqartinneqarput, allatut periuseqarsinnaaneq inissaqartinneqarpoq isumassarsiallu piviusunngortinnissaanut aqqut takisoorsuunani. Pitsaassuseq qaffasilluinnartoq, suleqatigiinneq aamma periuseq aalajangersimasoq best practicemik taaneqartoq qitiutippavut. 
                            
Nuna tamakkerlugu pisortani ataatsimut anguniagaqarnermi suliassaqarfik ataatsimut isigisinnaanissaa, suliniutigisaq tamakkiisumik isigisinnaanissaa tamatumunngalu atatillugu suliniutip attuumassuteqarfia ilaanulluunniit atatillugu isiginnaanissaa pingaaruteqarpoq. Suliat ingerlanneqarneri assigiinngitsut qulaajartarnissaat pisariaqartikkajupparput, aamma suliassaqarfik pillugu misilittagaqarluartumik suleqateqarnissarput pisariaqartipparput.  

Digitalinngorsaaneq allanngoriartorneruvoq, taamaammat suliniutigisannut ilaasut soqutigisaqaqatigiit amerlasoorpassuit allannguiartornermi aqutsininni suleqatigisinnaassagitit pingaaruteqarluinnarpoq. Allannguiartornermut suliniutinillu aqutsinermi pisariaqarluinnarpoq attaveqaqatigiinnissamut piginnaasaqarluarnissaq, taamaammat pingaaruteqarluinnarpoq attaveqaqatigiinneq nalinginnaasumik piginnaasaqarfigissagit.  

Digitalimut tunngasut ilisimasaqarfigineri imaluunniit soqutigisaqarfigineri soorunalimi pitsaaqutaassaaq.

Misissueqqissaarnermut, attaveqaqatigiinnermut ataqatigiissaarinermullu tunngatillugu piginnaasat – tassa tunngaviusumik piginnaasarisassat, illit ilinniagartuutut atorfimmi matumani pingaaruteqarluinnartutut inissisimasinnaapput.

Tassa imaappoq naatsorsuutigaarput illit:

  • ajornartorsiutit ajornakusoortut ajornaatsumik paasiuminartumillu ingerlatitseqqissinnaassagitit
  • pilersaarusiukkamik sulisinnaasutit pitsaasumillu malinnaasinnaasutit
  • suliassat suliniutillu isumannaatsumik annguttassagitit
  • suliassat suliniutillu qulakkeerlugit naammassisinnaassagitit
  • suliffiup iluani avataanilu soqutigisaqaqatigiit peqataatillugillu suleqatiginissaannik qulakkeerinnissinnaasutit
  • isumassarsiat pisariaqartitallu atugassanut pilersaarutinullu piviusunngortissinnaassagitit
  • suliat periusissiukkat sukumiisullu pilersaarusiorlugillu aaqqissuussinnaagitit
  • atuisut pisariaqartitaat pingaartissinnaagitit
Suliatigut piginnaasatit:
  • Ilisimatusarfimmi suliamut attuumassuteqartumik ilinniagaqarneq
  • Suliniutinik aqutsinermik misilittagaqarneq
  • Suliniutinik aqutsinermik misilittagaqarneq. Piumasaqaataanngilaq, tassami suliniutinik aqutsilersinnaanermut akuersissut ilinniarnissarlu periarfissaammata, aqutsisoqarfiugatta suliniutinut tunngasunik suliaqartut
  • Pigiliussinermik suliaqarnermut misilittagaqarneq Suliffeqarfimmi suliniutinillu politikkikkut aqunneqartumi sulinermik misilittagaqarneq
  • Kalaallisut, qallunaatut tuluttullu oqalussinnaaneq allassinnaanerlu
Suleqatigiitsinni amigaatigisarput tassaavoq:
  • Inuk nuannaartoq ammasoq suleqatiginnillaqqissorlu
  • Ineriartortoq nutaaliortorlu
  • Suliffimmik ulapaarfiusumik nuannarisalik
  • Namminersorluni sulisinnaasoq, aamma suleqatigiinni
  • Suliaqarfiit soqutigisallu akimorlugit suleqatiginnillaqqissoq
  • Ajornartorsiutinut tunngatillugu aaqqissuussilluarsinnaasoq
  • Suliat inaarneqarnissaannut akisussaaffimmik tigusisinnaasoq
  • Suliffeqarfimmi inuit assigiinngitsut oqaloqatigisinnaassavatit suliaqarfiillu akimorlugit attaveqarsinnaassallutit
  • Inuiaqatigiinnik kulturitsinnillu ilisimaarinnittuussaatit
Tiguartiffigiviuk aamma eqqarsalersitsiva illit tamakkuninnga suliaqarusullutit, taava suliffittaarnissannut periarfissinneqarputit ilaatigullu inuiaqatigiit akornanni digitalimik atuinerulernissaq anguniarlugu innuttaasut eqqarsaatigalugit aaqqissuussaaneq, assigiissaarineq ajornaallisaanerlu peqataaffigissallugit.

Digitalimik Sullissinermut Aqutsisoqarfik
Kalaallit inuiaqatigiit pillugit siunissami digitalimik atuineranni isumannaatsuunissaa aamma inuiaqatigiit pillugit digitalikkut aaqqiissutit nalinginnaasunngorsakkat qulakkeerniarnerini Digitalimik Sullissinermut Aqutsisoqarfik siuttuuvoq.
Digitalimik Sullissinermut Aqutsisoqarfimmi Nunatta digitalinngorsarneqarnera aamma Namminersorlutik Oqartussani IT-mik ingerlatsineq suliarisuuarput. Aqutsisoqarfiup akisussaaffeqarfii annertoorujussuupput, aamma aqutsisoqarfiup eqqortumik sullissineranut soqutiginninneq naatsorsuuteqarnerlu taamaallutik. Nunatta digitalinngorsarneqarnerani pingaarnertut akisussaaffiup isumaginera tulluusimaarutigaarput suliarlu maniguulluta tigummivarput. Suliatigut inuttullu piginnaasaqarluarnissarput piumasarisarparput – taamaammat ulluinnarni ulapittaqalutalu ullullu tamatigoortuusarlutik. Taamaammat suliatigut inuttullu assigiinngissutsit ataqqillugit suleqatigiilluartarnikkut sulisut iluarisimaaruteqartarnissaat anguniagaralugulu suliassat suliarinerini peqataatitsilluartarnissarput qitiutittartarput.
Aqutsisoqarfik aamma nuna tamakkerlugu digitalinngorsaanermut periusissiaq pillugit paasissutissat allat atuarsinnaavatit uani digitalimik.gl.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia