sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

PI/SPS Ilinniartitsisussarsiorpoq

Namminersorlutik Oqartussat

Ilulissat
Ikkunneqarpoq: 24-09-2021
Piffissaq atuuffissaa naassaaq: 18-10-2021
Suliffissamut ID normut: LJA-82709292
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

KALAALLIT NUNAANNI PERORSAANERMIK ILINNIARFIK ILINNIARTITSISUMIK SULISUSSARSIORPOQ

Unamminiagassanut nutaanut sapiissuseqaruit, killingusaarlu nutaaq piareersimaffigalugu, taava PI/SPS-imi Perorsaanermik Ilinniarfimmi, Ilulissaniittumi, ilinniartitsisutut atorfik soqutiginartoq inuttassarsiorparput. PI/SPS kisiartaalluni Kalaallit Nunaanni perorsaanermik ilinniarfituaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq.

Ilinniarfik 300 missaanik ilinniartoqarpoq, ilinniartitaanernut assigiinngitsunut arfineq-marlunnut agguataarsimasunik: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq, ulluunerani meeqqanik sullissinermi ikiortinngorniarneq, siunnersuinermi ikiortitut ilinniarneq, kiisalu ilinniagartuutut ilinniagaq isumaginninnerup iluani siunnersorti. 40-nik sulisoqarpugut, taakkunannga 20 missaat ilinniartitsisuullutik.

PI/SPS-ip Kalaallit Nunaat tamakkerlugu suliassaqarfii pingaarutillit makkuupput:

  • Perorsaanilerinermi sulisussanik piukkunnartunik ilinniartitsineq
  • Perorsaanilerinermik suliassaqarfik tamakkerlugu pikkorissarnernik ilinniaqqinnissanut isumaginninneq
  • Perorsaanilerinermik suliassaqarfimmi – suliatigut ilinniartitaanernullu tunngasuni ineriartortitsineq isumassarsiornerlu

PI/SPS-imi ilinniartitsisoqatigiinnut ilaalissaatit, Kalaallit Nunaanni perorsaanilerinermik suliassaqarfimmi allannguinernut sunniuteqaqataanissamik, ilinniarfiup takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit.

Suleqatissatta nutaap perorsaasutut sammivilimmik bacheloritut ilinniartut aammalu socialassitentitut ilinniartunut ilinniartittassavai pingaarnertut. Qinnuteqartut akornanni pilersitsisinnaanermut tunngasunik ilinniartitsisinnaasoq salliunneqassapput; qinnuteqartulli allanik piginnaasaqartut perorsaanilerinermut tunngasunik aamma periarfissaqartinneqarput.

Pikkorissaanerup ilinniaqqinnissallu iluani annertusaagatta, Kalaallit Nunaat tamakkerlugu ilinniartitsinikkut suliassat ingerlatallu assigiinngitsut naatsorsuutigineqarsinnaassapput.
Ilinniartitsisumik eqaatsumik ineriartortitserusuttumillu pissarsiorpugut, perorsaanermik suliassaqarfiup iluani pimoorussinermi saniatigut suleqammik suleqatiginnikkusuttumik, avatangiisiminik inussiarnersumik suliassaminullu ajunngitsumik suleriuseqartumik.

Suliatigut inuttullu piginnaasat makku assut pingaartinneqarput.
  • Perorsaasutut ilinniagaqarputit, aammalu kandidatitut imaluunniit masteritut naleqquttumik ilinniarsimallutit; imaluunniit ilinniarnertuunngorniarfimmi ilinniartitsisutut pædagogikumi ilaatillugu ilinniarsimallutit
  • Inuussutissarsiutini perorsaanilerinermik suliassaqarfimmi aamma/imaluunniit inersimasunik ilinniartitsinermik misilittagaqarnerit iluaqutaassaaq.
  • Kalaallit Nunaannit misilittagaqarlutillu ilisimasaqarputit kulturillu allat aallaavigalugit sulinissat ammaffigalugu.
  • Suleqatigiittut aaqqissuussaagatta naatsorsuutigineqarpoq ilinniartitsisooqatigiit ilaatigut namminneq ilinniartitsinertik akisussaaffigissagaat, ilaatigullu ilinniarnermi tamarmiusumi ataqatigiittoqarnera siuariartortoqarneralu akisussaaffigissallugu.
  • Suleqatitut akuersaartumik suleriaaseqarnerit, tatiginninneq akisussaassuseqarneq ilisarnaatigaatit.                      
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumilluunniit inigisani angisuunik uumasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat sukumiinerusut uunga oqarasuaat +299 38 35 50 pissarsiarineqarsinnaapput uunga Immikkoortortami aqutsisoq Benedikte Petersen Løvstrøm imal. PI/SPS-imi Tullersortimut Marianne Nissen aamma e-mail-ikkut: allaffik@pi.sps.gl-ikkut pissarsiarineqarsinnaapput.
Seminaria pillugu www.pi.sps.gl-imi atuarsinnaavat.  

Atorfik novembarip 1-ani 2021-imi imaluunniit tamatuma kingornatigut isumaqatigiissuteqarnikkut inuttalerneqarnissaa kissaatigineqarpoq.
Qinnuteqarfissaq killilerneqarpoq oktobarip 18-ani 2021 nal. 8:00 (kalaallit nunaata kitaata nalunaaqutaat malillugu).

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut nassiutisapput. 
E-mail-ikkut qinnuteqaatinik tigusineq ajorpugut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia