sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pitsaaliuinermut Isumaginninnermullu Aqutsisoqarfimmi aqutsisoqarfimmut pisortaq

Namminersorlutik Oqartussat

Nuuk
Ikkunneqarpoq: 12-07-2019
Piffissaq atuuffissaa naassaaq: 15-08-2019
Suliffissamut ID normut: LJA-74421425
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Pitsaaliuinermut Isumaginninnermullu Aqutsisoqarfik pisortaaffigerusuppiuk, aamma illit inuttut kajumissisitsisinnaavit aammalu piviusunngortitsisinnaallutit? Taamaassimappat tassaasinnaavutit illit aqutsisoqarfimmi pisortassarput nutaaq.
1. September 2019 imaluunniit tamatuma kingorna piaartumik sulilersussamik, Isumaginninnermut, Inatsisinillu Atuutsitsinermut Naalakkersuisoqarfik aqutsisoqarfimmi nutaamik pisortassarsiorpoq. Aqutsisoqarfimmi pisortatut Aqutsisoqarfimmi pisortatut qullersanngussaatit, taannalu Isumaginninnermut Inatsisinillu Atuutsitsinermut Naalakkersuisoqarfiup ataani aaqqissuussaanikkut immikkoortortaavoq.  
Aqutsisoqarfik tallimanik immikkoortortaqarpoq, tassaasunik Ulloq unnuarlu paaqqinniffinnut inissiinissamullu innersuussisarfik, Qitiusumik Siunnersuisarfik, Allattoqarfik, Aningaasaqarnermut imikkoortortaqarfik kiisalu PAARISA (pitsaaliuinermut immikkoortortaqarfik). 
 
Isumaginninnermut Aqutsisoqarfiup suliassai pingaarnerit ilaatigut tassaapput:
 

  • Politikkikkut akuerisanik periusissanik piviusunngortitsineq
  • Isumaginninnermut suliassaqarfimmi aammalu pitsaaliuineq pillugu ilisimasat nutaat pissarsiarinissaat
  • Isumaginninnermut pitsaaliuinermullu suliassaqarfiit nakkutigineqarneri IT-lu atorlugu atortorissaarutit atorlugit ikorfartuineq
  • Ulloq unnuarlu paaqqinniffinnut suliassaqarfimmi aamma kommunit pisariaqartitaat naapertorlugit ulloq unnuarlu neqeroorutinik ineriartortitsineq
  • Isumaginninnermi suliatigut periaatsinik kommuninilu suleriaatsinik pitsaaliuiffiusumik ineriartortitsineq, ingerlatitseqqinneq nalilersuinerlu
  • Pitsaaliuineq pillugu isumaginninnermilu suliat pillugit kommuninut siunnersuinermik suliarinnittarneq
  • Suliassaqarfiup politikkianik ineriartortitsinermi piviusunngortitsinermillu tunngavissiineq, matumani
kommunit ingerlatsiviini suleriaasiannik tapersersuineq ineriartortitsinerlu ilanngullugit
  • Tapiissutinik aaqqissuussinerit isumagineqarnerat ingerlanneqarnerallu
 
Aqutsisoqarfimmi immikkoortortaqarfinni pisortat peqatigalugit suliassaqarfiup ataatsimoortumik ingerlanneqarnera, ineriartortinneqarnera, ataqatigiissaarneqarnera aningaasaqarneralu pingaarnertut akisussaaffigalugu suliarissavat. Aqutsisoqarfiup ineriartortinneqarnissaanut siunnersuisooqatigiinnik pilersitsisoqarnikuuvoq, tassani ilaatigut kommunit sinniisoqarlutik.
Aqutsisoqarfimmi pisortaq toqqaannartumik Isumaginninnermut Inatsisinillu Atuutsitsinermut Naalakkersuisoqarfimmut Naalakkersuisoqarfimmi pisortap ataaniippoq.
 
Akisussaaffeqarfiit

Aqutsisoqarfimmi pisortap ilaatigut akisussaaffigai:
  • Suliffeqarfiup tamarmiusup pisortaaffiginera
  • Kommuninut qanimut oqaloqateqartarnernik qulakkeerinninneq, taamaalilluni taakkua sulinerat sapinngisamik pitsaanerpaamik Aqutsisoqarfimmit ikorfartorneqassalluni
  • Aqutsisoqarfiup pilersaarutaasa, missingersuutaasa aamma anguniagaasa aalajangersagaasut aamma naammassisaasa aningaasaqarnikkut killissaliussat iluanni naammassineqarnissaat.
  • Periaatsinik suleriaatsinillu nutaanik kommuninit atorneqartussanik Aqutsisoqarfiup ineriartortitsinera, ingerlatitseqqittarnera nalilersuisarneralu
  • Kommunit isumaginnermi pitsaaliuinermilu suliaannik ikorfartuutaasunik suliniutinik suliaqarneq piviusunngortitsinerillu.
  • Nuna tamakkerlugu katsorsaanissamik neqeroorutit iluanni suliniutinut-, sullissinernut- aamma pitsaassusissaannut anguniakkat pillugit suliaqarneq malitseqartitsinerlu, matumani angalaaqatigiittartut, inunnut innarluutilinnut sullissivik nunamut tamarmut atuuttoq aamma qimarnguiit kiisalu ulloq unnuarlu paaqqinniffinnut suliassaqarfik ilanngullugit.
Inuttut pissuseqarneq misilittakkallu
Aqutsisoqarfimmi pisortassarsiorpugut sapinngisamik makkuninnga piginnaasaqartumik:
  • Kalaallit Nunaanni isumaginninnermi pissutsinik sukumiisumik ilisimasaqarneq
  • Peqqinnissamik siuarsaanerup pitsaaliuinerullu iluanni peqqissutsimut tunngatillugu unammilligassanik sukumiisumik ilisimasaqarneq
  • Kalaallit oqaasiinut, kulturiannut aamma inuiaqatigiinni pissutsinik sukumiisumik ilisimasaqarneq
  • Kommunit suliassaqarfiinit misilittagaqarneq
  • Pisortatut misilittagaqarneq aammalu ingerlaqqiffiusumik naleqquttumik ilinniagaqarsimaneq
  • Periusissiorfiusumi pisortatut misilittagaqarneq naleqquttumillu nangitsilluni ilinniagaqarsimaneq
  • Pisortat ingerlatsiviinit pisortatut misilittagaqarneq
  • Suleqateqarsinnaalluarneq aammalu angusaqarsinnaassuseqarneq kiisalu
  • Oqaatsitigut attaveqaqatigiinnikkullu pitsaasunik piginnaasaqarneq.
     
Makkuninnga piginnaaneqartariaqarputit:
  • Pisortaaqatigiit kajumissisinnissaat isummersornissaallu aamma nuannersumik nutaaliorfiusumillu atugaqartitsinissaat kiisalu allat anguniakkanik atasunik malersuisinnissaannut kaammattuineq.
  • Anguniagassanik aalajangersaaneq, siumukarnerit uuttortartarneri aammalu pisariaqarpat iluarsiinernik iliuuseqarnernik aallartitsineq.
  • Killiffinnik apeqqusiisinnaaneq tamanna aqqutigalugu pitsanngorsaajuarnissamut aamma "best pratice"-nut piareersimaffiusumik kulturimik qulakkeerinninneq.
  • Pisariitsumik pissuseqarluni inunnik naapitsisarneq aammalu taakkua nutaanik periarfissarsiornissaannut aammalu qaffasissumik pitsaassusilinnik angusaqarnissaannut kajumissuseqalersitsisarneq.
  • Sulinermi angusassamik toraagaqarneq uummarissuunerlu, sulianik naammassillugit suliaqartarneq, peqatigisaanillu suliassarpassuarnik suliaqarsinnaaneq.
  • Ulluinnarni takorlooruminaassinnaasunik unammilligassaqarfiusartumi eqqissisimalluni pissuseqarneq, aammalu sukkasuumik eqqarsaatigilluakkanilli aalajangiisinnaaneq.
Naggataatigut pingaarnertullu politikkikkut aaqqissuussaanermi sunniivigeqatigiittarnerni pisortaqatinnullu malunnartumik ilumoorniaqqissaartuussaasit uppernassuseqarlutillu.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Ukiunut aalajangersimasunut isumaqatigiissuteqarluni atorfininneq pisinnaassaaq

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni. 

Paasissutissat annertunerusut
Atorfik pillugu paasissutissannik annertunerusunik piniarnissamut tikilluaqqusaavutit, Naalakkersuisoqarfimmi pisortaaneq Julie Præst Wilche saaffigalugu oqarasuaammut +299 346644 imaluunniit mail jprw@nanoq.gl .

Ulloq 15. august 2019 qinnuteqarfissamut killissaliunneqarpoq. Qinnuteqartunik oqaloqateqarnerit tamatuma kingorna sapaatit akunnerini ingerlanneqassasut naatsorsuutigineqarpoq.




 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Hotel Hans Egede
Nuuk
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen