sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Projektleder til Digitaliseringsstyrelsen

Namminersorlutik Oqartussat

Nuuk
Ikkunneqarpoq: 25-11-2019
Piffissaq atuuffissaa naassaaq: 20-12-2019
Suliffissamut ID normut: LJA-77799955
Atorfeqarnermi atugassarititaasut: Tamakkiisoq
Suliassaqarfik: IT & tusagassiuutit

Digitalimik Sullissinermut Aqutsisoqarfimmut suliniummut aqutsisumik

Piffissaq eqqorlugu pilersaarusiorlutit, ataqatigiissaaralutit qulakkeerinnillutillu tunniussisinnaavit? Taamaassappat Digitalimik Sullissinermut Aqutsisoqarfimmi allaffissat piareersimavoq.
Digitalimik Sullissinermut Aqutsisoqarfiup suliniutinut immikkoortortaqarfiani suliniutinut arlalinnut tunngatillugu atorfissaqartippatsigit. Taamaattumik Pisortani ataatsimoorussamik IT-mut suliniutinut angisuunut tunngatillugu ingerlatsinissamut suliniutinut aqutsisunik allanik suleqateqarsinnaasumik suliniutinut aqutsisussarsiorpugut. Ulloq siulleq aallartiffigisannit ingerlaannaq ingerlarsulereernissat naatsorsuutigissavat.
Digitalinngorsaanermut periusissiarput anguniagaqarluartoq suliniuteqarfippassuarnik illit piviusunngortitseqataaffigisinnaasannik imaqarpoq. Tunngaviusumik paasissutissat (grunddata), digitalimik ilusilersuinermik, pisortanit allakkerinermik, pisortani ataatsimoorussamik suliniuteqariaatsimik allarpassuarnillu suliaqartarpugut. Paasissutissat allat atuarusukkukkit uaniipput https://digitalimik.gl/da/Digitaliseringsstrategi.
Akisussaafferujussuaqassaatit namminerlu atorfivit ilusilersornissaanut periarfissaqartinneqassallutit. Namminersorlutit, eqinnaallutit, anguniagaqarluarlutit aqqissuulluakkamillu sulisinnaanissat naatsorsuutigaarput. Tamatumunnga peqatigitillugu suleqativit soqutigisaqaqatigiillu allat suleqatiginissaannut tutsuiginartuulluarnissat pingaaruteqarluinnartuuvoq. Maligassiuerusussuseqarnissat angusaqarfiulluartussamillu kipparippallaanngitsumik allannguerusussuseqarnermik peqarnissat naatsorsuutigaarputtaaq.
Suliniummut aqutsisutut ilaatigut suliassariligassatit makkuussapput:
  • Suliniutinut allagaatinik attassiinnarnissaq malinnaatitsinissarlu
  • Suliniutit immikkoortut assigiinngitsut ingerlannissaanut akisussaaffigalugit
  • Pisiortorfiusuni siuariartornerit angusallu malinnaaffigalugit
  • Suligasuarnermi suliassanik suliniummut attuumassuteqartunik tigumminninneq, matumani tusagassiuutinut nalunaaruteqarnissamut upalungaarsimaneq saaffiginnissuteqarnerit il. il. ilanngullugit
  • Suliniuteqariaatsitsinnut suliniummullu aqutsinermi atortussanut tunngatillugu aqqutissiuussineq ilitsersuussinerlu
Piginnaasat tullinnguuttut tassaapput illit piginnaasarisinnaasatit:
  • IT-mik digitalinngorsaanermillu ilinniagaqarneq imaluunniit misilittagaqarneq
  • Ersarissumik eqqoqqissaartumillu allannermut pikkoriffeqarneq
  • Ilinniartitsinermik misilittagaqarneq
  • Kalaallit Nunaannik kalaallillu oqaasiinik ilisimasaqarneq
Kipparippallaanngitsumik qiimasumillu suleriuseqarpugut inooqatigiilluartuullutalu, ilaatigullu kajumissuseqarneq sulianillu nuannarinninneq pingaaruteqarluinnartuutillutigit. Ilisimasanik agguaassisinnaaneq pingaartitaraarput, kivitseqatigiinneq ulluinnarnilu ulapaarfiusuni suleqatigiilluarneq pingaartitaralutigu. Politikkikkut aaqqissuussami sulisuugaluarluta aqutsinermut aaqqissuussaanerput eqaatsuuvoq, aamma akisussaaffeqarluni kiffaanngissuseqartitaaneq aaqqissuussaanermut ilaatinneqarluinnartuuvoq. Suliffitsinni sulianut inuttullu unamminarsinnaasut pissanganartut avaqqukkuminaapput, eqaassuseq atorluarneqrapoq illillu sulinerit nammineq aaqqissuutarisinnaalluarlugu.
Akissarsiaqarnermut atorfinitsitaanermullu atugassarititaasut
Akissarsiaqarnermut atorfinitsitaanermullu atugassarititaasut, matumani atorfininnermi suliunnaarnermilu angalanerit pequtinillu nassiussinerit ilanngullugit, Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissutaat naapertorlugit pissapput.
Ineqarneq
Atorfimmut tunngatillugu ineqartitsisoqanngilaq. Qinnuteqartoq Namminersorlutik Oqartussat aqqutigalugit ineqartitaareersuuppat, ineqartitaanini paariinnassavaa. Inigisaq atorfeqartitaanermut attuumassuteqarpoq, atorfeqarunnaanermilu qimanneqassalluni.
Qinnuteqaat, CV, ilinniagaqarsimanermut pikkorissarsimanernullu uppernarsaatit ilanngullugit allallu attuumassuteqartut uunga nassiutissapput ”Qinnuteqaat nassiuguk”.
Qinnuteqaatit e-mailikkut tigoorarneq ajorpavut.
Qinnuteqarfissaq kingulleq:
20. December 2019
Side 1 af 1
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia