Psykolog eller konsulent sor specialundervisning til MISI Maniitsoq / Maniitsumi Tarnip pissusaanik ilisimasalik imalt immikkut atuartitsinermi siunnersortimik MISI pissarsiorpoq

Qeqqata Kommunia

Maniitsoq

Ikkunneqarpoq: 06-09-2024

Piffissaq atuuffissaa naassaaq: 27-09-2024

Suliffissamut ID normut: 331600443

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Psykolog, Konsulent

Ilinniagaq: Cand.pæd.i psykologi (cand.pæd.psyk)

Misilittakkat - Annertunerusumik: Psykologi, Børn

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Qeqqata Kommunia Maniitsumi Qeqqani MISI (PPR) tarnip pissusiinik ilisimasalimmik imaluunniit immikkut atuartitsinermi siunnersortimik pissarsiorpoq

Qeqqata Kommuniani  Maniitsumi inissaqarnissamik periarfissaqarluni Qeqqani MISI (PPR) tarnip pissusiinik ilisimasalimmik imaluunniit immikkut atuartitsinermi siunnersortimik pissarsiorpoq.

Angajoqqaat, atuarfiit meeqqeriviillu suleqatigalugit meeqqanut inuusuttunullu 0 - 18 ukiulinnut Qeqqani MISI susassaqarfiuvoq siunnersuillunilu aqqutissiuisartoq. Meeqqat inuusuttullu atugarissaarnissamut, ineriartornissamut ilikkagaqartarnissamullu periarfissaannik qaffassaanissaq suliatsinnut siunertaavoq.

Qeqqani MISI-mi akimortumik suleqatigiiffiusumi ukuninnga inuttaqartumi tarnip pissusiinik ilisimasallit, perorsaanikkut tarnikkullu siunnersortit kiisalu allaffimmi ikiortaaneq ilaalissaatit. Suleqatigiit amerlassusissaat katillugit arfinilinnut amerlassusiligaapput. Immikkoortortanut marlunnut agguagaavugut, Sisimiuni immikkoortortaq ataaseq Maniitsumilu immikkoortortaq ataaseq. Taassuma ataani nunaqarfiit arfinillit ilaapput, pisariaqartitsineq aallaavigalugu ukiumut marlussoriarluta tikeraartakkagut. Tamanna ima isumaqarpoq, immikkoortortat akornanni kiisalu nunaqarfinnut angalasarnissaq naatsorsuutigineqassasoq.

Qeqqani MISI-mi tarnip pissusiinik ilisimasalittut imaluunniit immikkut atuartitsinermi siunnersortitut suliassatit assigiinngiiaartuupput, ilaatigut makkuninnga imaqarlutik:

• Perorsaanikkut tarnikkullu suleriutsit atorlugit meeqqat inuusuttullu atugarisaannik, ineriartornerinik aammalu ilikkagaqarnissaannik tapersersuineq, inuit ataasiakkaanik eqimattakkaanillu, meeraqatigiittut ilaqutariittullu.
• Perorsaanikkut tarnikkullu misissuinernik ingerlatsineq, matumani tarnip pissusiitigut misileraaneq ilanngullugu
• Meeqqap/atuartup ineriartorneranut malunnaatilimmik suliniarneq pingaartillugu angajoqqaanut, ilinniartitsisunut, perorsaasunut imaluunniit inunnut attuumassuteqartunut allanut nalinginnaasumik kiisalu immikkut perorsaanermik siunnersuineq ilitsersuinerlu.
• Perorsaanikkut Tarnip pissusiinik Naliliinernik (PPV) suliaqarneq

• Suleqatigiiusugut avataani suliaqarfinnik allanik suliat akimorlugit suleqatigiinneq (matumani ilinniartitsisut, perorsaasut, pillorissaasut, timimik sungiusaasut isumaginninnermilu siunnersortit il.il.)
• Qeqqata Kommuniani meeqqanik inuusuttunillu sullissinermi anguniagalimmik ineriartortitseqataaneq.

  Tulliuttut suliaqarfiginissaanut aamma periarfissaqassaaq:

• Suliaqarfinnut allanut innuttaasunullu saqqummiineq/ilinniartitsineq
• Suliaqarfiit allat imaajaasillugit oqaloqatigineqartarneri,
• Meeqqanik inuusuttunillu sivikinnerusumik oqaloqatiginnittarnermik ingerlatsineq

  Naatsorsuutigaarput:

• Namminersinnaassuseqarlutit sulisinnaasutit, aallartitsisinnaasutit ineriartortitserusuttuusutillu ukiummi annersaa Maniitsumi allaffimmi kisimiittartussaagavit Sisimiuni suleqatitillu qarasaasiakkut attavigisartussaallugit. Ukiumut marlussoriarluni Maniitsup Sisimiullu akornanni angalasoqarsinnaavoq
• Meeqqanut, angajoqqaanut illoqarfimmilu atuarfinni paaqqinniffinnilu suliaqartunut kiisalu suleqatigiit iluini suleqatigiilluarnissamik piginnaasaqartutit
• Meeqqat pillugit inersimasunik systeminillu nukittorsaanissamik suliaqarusuttuusutit
• Inunnut allanut akuutitsisumik akuersaartumillu isiginnittariaaseqartutit
• Allattariarsornikkut oqaatsitigullu attaveqallaqqissuusutit, avatangiisinilu arlalinnik oqaatsinik atuiffiusumi sulerusussuseqartutit

Neqeroorutigigaagut:

• Suliffik sapaatip akunneranut akunnerni 40-ni suliffiulluni uummaarissoq ammasorlu.
• Atorfik unammillernartoq, tamatigoortoq pissanganartorlu
• Suliffeqarfik anginngitsoq ataqatigiilluarfiusorlu, ulluinnarni attaveqarfiulluartoq immikkoortortamilu siunnersiueqatigiinneq
• Suliassavit aaqqissuunnissaanut annertuumik kiffaanngissuseqarneq aammalu perorsaanikkut tarnikkullu immikkoortumi suliaqarfiusumi peqqissaarussamik kiffaanngissuseqarneq (ilaatigut eqqarsartaatsimik, Ukiut Tupinnaannartuni tunngaviinik, misileraanernik malinnaanernillu kiisalu ilisarsisinnaaneq pissusilersuutillu aallaavigalugit periutsinik suliaqarneq).
• Suleqatigiiusuni suleriaatsimik peqqissaartumik atuutilersitsineq
• Suliatigut ineriartornissamik piginnaanngorsarnissamillu periarfissalik
• Suleqatigiinni suliaqarfinni tamani imaajaasinnaaneq
• Pisariaqartitsinermi nutserisoqarneq
• Pinngortitami pisuttuarnissamut, imaatigut angalaarnissamut, sisoraartarnissamut, piniariartarnissamut aalisariartarnissamullu periarfissagissaarluni pinngortitarsuaq kusanarluinnartoq
• Illoqarfimmi Kulturikkut sunngiffimmilu sammisaqarnissamut assigiinngitsunik neqerooruteqarfiusumi

Piukkunnaateqarluni qinnuteqartoq:

• Tarnip pissusiinik ilisimasalittut atorfimmut: Cand.psych.-imik imalunniit cand.pæd.psych.-imik ilinniagaqarsimasutit
• Siunnersortitut atorfimmut: Cand.pæd.pæd.psych-tut ilinniarsimasoq, meeqqat atuarfiini ilinniartitsisutut ilinniaqqissimasoq, soorlu immikkut atuartitsinissamut ilinniartitsisutut ilinniarsimasoq, oqallorissaasutut ilinniarsimasoq imaluunniit immikkut ittumik perorsaanermut Perorsaasutut diplomitaarfiusumik ilinniarsimasoq
• Tarnip pissusiinik ilisimasalittut aammalu siunnersortitut atorfimmut: Kalaallit Nunaanni kulturi naapertorlugu sulinissaminut piareersimasoq
• Meeqqanik inuusuttunillu perorsaanikkut tarnikkullu sullissinermik misilittagalik kissaatigineruarput
• Tatitooq, suliassallu assigiinngitsorpassuit eqqarsaatigalugit nammineerluni eqaatsumillu sulisinnaasoq.
• Allanngortoqaratarsinnaaneranut piareersimasoq, aammalu ulluinnarni innuttaasunik tamanik kiisalu illuatungerisatut suleqatinut assigiinngitsorpassuarnut annertuumik attaveqarfiusumi sulisinnaasoq

Akissarsiat atorfeqartitaanermullu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffiata IMAK-ip akornanni isumaqatigiissutit atuuttut naapertorlugit pissapput.

Atorfimmut atatillugu inissaqartitsisoqarsinnaavoq, inigisamullu akiliutit qularnaveeqqutillu qaqugukkulluunniit malittarisassat atuuttut malillugit ingerlanneqassapput.

Meeqqanik pinerliisimannginermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Piaartumik isumaqatigiissuteqarnikkulluunniit atorfinittoqassaaq.

Atorfik pillugu paasissutissat sukumiinerusut Atuarfimmi tarnip pissusiinik immikkut ilisimasallit ningiuat Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nasiunneqassaaq.