sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Psykolog / Psykoterapeut Nuuk

Namminersorlutik Oqartussat

Nuuk
Ikkunneqarpoq: 31-10-2020
Piffissaq atuuffissaa naassaaq: 23-11-2020
Suliffissamut ID normut: LJA-81332800
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

ALLAGARSIUTEQQITAQ: Nuna tamakkerlugu Ilinniartunik Siunnersuisarfitta Nuummi immikkoortortaani tarnip pissusaanik immikkut ilisimasalimmik pissarsiorpugut

Massakkorpiaq tarnip pissusaanik immikkut ilisimasalimmik pissarsiorpugut. Atorfik decembarip aallaqqaataani 2020 tamatumaluunniit kinguninngua inuttassarsiuupparput. Ilinniartunut Siunnersuisarfik nuna tamakkerlugu aqqaneq marluk missaannik inuttalinnik tallimanik immikkoortortaqarpoq. Taartaasutut atorfiniffissaq Nuummiippoq inissamillu neqeroorfiunani. Ilinniakkat akimorlugit suleqatigiinnut tarnip pissusaanik immikkut ilisimasalinnut, tarnikkut katsorsaasunut inunnillu isumaginninnermi siunnersortinut -siunnersuisarfinnut tallimanut agguataakkaniittunut- akuussaatit. Atorfillit tamarmik Nuna Tamakkerlugu Ilinniartunut Siunnersuisarfimmi tarnip pissusaanik immikkut ilisimasalitttut pisortaq qullersaraat.
Nuna tamakkerlugu Ilinniartunut Siunnersuisarfik Nuna Tamakkerlugu Ilitsersuisarfimmiittoq aaqqissuussaanikkut Ilinniartitaanermut, Kultureqarnermut, Ilageeqarnermut Naligiissitaanermullu Naalakkersuisoqarfiup ataani inissisimasoq pisortanit neqeroorutaavoq. Ilinniartunut Majoriamiittunullu akeqanngitsumik katsorsartinneq siunnersortinnerlu neqeroorutaapput. Ilinniartut ingerlalluarnissaat iliniakkaminnillu naammassinnissinnaanissaannut ikorfartorneqarnissaat siunertat ilagaat.
Suliassaqarfiit
Inerisaaneq naleqqussaanerlu ingerlappagut saaffigisatsinnullu neqeroorutigut naappertuussarlugit. Oqaloqatigiinnikkut katsorsaanerup saniatigut pitsaaliuineq ukkapparput, ilinniarfiit suleqatigalugit suleqatigiissuteqarnerit/workshops inerisaaviginissaat pilersinnissaallu eqimattanullu neqeroorutitta inerisarnissaat suliniutigaagut.
Ilinniartunik oqaloqateqarneq katsorsaanerlu, saqqummiussinerni eqimattanilu ilinniarfiit suleqatigalugit peqataaneq, suliassanni pingaarnerussapput.

Saaffigisat ilinniartuummata inuusuttut inersimasullu, ilinniartitaanermut isumaginninnermut peqqinnissamullu tunngasunik ilisimasaqarneq iluaqutaassaaq.


Naatsorsuutigaarput:

  • Tarnip pissusaanik immikkut ilinniagaqartuussasutit, taamatullu sulisinnaatitaanermut uppernarsaateqarnissat imal. sulisinnaatitaanermut uppernarsaatitaarniartuunissat.
  • Ataasiakkaanik eqimattanillu katsorsaanermik misilittagaqarnissat soqutigisaqarnissallu.
  • Suleqatigiissuteqarnernik, ilinniartitsinermik saqqummiussinermillu misilittagaqarnissat.
  • Ilinniakkat akimorlugit suleqatigiinnissamut kajumissuseqarlutillu piginnaaneqarnissat.
  • Neqeroorummi pilersinneqarlaami suliaqarnissamut suliffimmilu atugassarititaasunut unammilligassartalinnut kajumissuseqarnissat
  • Ingerlatitseqqiinermut piginnaaneqarnissat.
  • Qarasaasiakkut atortorissaarutinik atuinermik ilisimaarinninnissat.
  • Oqarasuaatikkut qarasaasiakkullu siunnersuinermik ilisimaarinnissinnaaneq.
  • Kalaallisut, qallunaatut tuluttullu oqaatsinik atuisinnaanerit iluaqutaassaqaaq
Neqeroorutigaagut:
  • Kalaallit Nunaanni ilinniartitaanerup siuarsarneqarnerani sunniuteqarsinnaaneq.
  • Inuttut ilinniakkatigullu ineriartornissamut pikkorissarnissanullu periarfissinneqarneq.
  • Suliffeqarfimmi ikorfartorneqarneq avataaniillu ikorfartorneqarsinnaaneq.
  • Suliffik eqeersimaartoq.
  • Suleqatit tunniusimasut pikkorissullu.
Akissarsianut atorfininnermullu atatillugu atugassarititaasunut tunngasut
Atorfinititsineq tunngaviusumik isumaqatigiissutit naapertorlugit pissaaq, qinnuteqartoq tjenestemanditut atorfimmeersuuppat tjenestemanditut atorfinititsisoqarsinnaavoq.
Atorfininnerup nalaani Namminersorlutik Oqartussat kattuffiullu illuatungiliuttup isumaqatigiissutaat atuuttoq naapertorlugu, akissarsiat atorfininnermilu atugassarititaasut tamatumunngalu ilanngullugu angalanermut pisattanillu assartuussinermut akiliussisoqassaq.
Naalagaaffimmi tjenestemandit qaffasissumillu ilinniagallit (AC) isumaqatigiissutaat- ilaatigut DJØF-ip Finansministeriallu isumaqatigiissutaat naapertorlugu atorfinitsitat, Kalaallit Nunaanni Namminersorlutik Oqartussani atorfininnermut atatillugu akissarsiaqaratik sulinngiffeqarsinnaatitaapput. Kalaallit Nunaanni Namminersorlutik Oqartussani atorfininnermut atatillugu akissarsiaqarani sulinngiffeqarsinnaatitaaneq Indenrigsministeriap Qallunaat Nunaanni kommunut nunallu immikkoortuinut ammaffigeqquaa. Sulinngiffeqartitaanermut tunngatillugu aalajangersakkat Kalaallit Nunaanni Namminersorlutik Oqartussani atorfinittut aapparisaannut/inooqatigisaannut aamma atuupput.
Tunngaviusumik sap. ak. nal. ak. 40-it suliffiupput.
Ineqarneq
Inissamik neqeroortoqanngilaq.
Qinnuteqarneq kingusinnerpaamillu qinnuteqaammik tunniussinissaq
Siuliani paasissutissiissutit soqutiginnilersitsisimassappata imal. atorfik pillugu paasissutissanik allanik pissarserusukkuit, Nuna Tamakkerlugu Ilitsersuisarfimmi immikkoortortaqarfiup pisortaa Christine Tønnesen oqarasuaatikkut: +299 34 68 80 imal. Mail-ikkut: chto@aqqut.gl attavigisinnaavat.
Qinnuteqaat Nuna Tamakkerlugu Ilitsersuisarfimmit kingusinnerpaamik oktobarip  ulluisa aappaanni  2020 tiguneqareersimassaaq.
Qinnuteqaat uunga nassiunneqassaaq: nti@aqqut.gl  
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut