sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Psykolog til familiecenter

Kommune Kujalleq

Qaqortoq
Ikkunneqarpoq: 26-02-2021
Piffissaq atuuffissaa naassaaq: 19-03-2021
Suliffissamut ID normut: LJA-81764613
Atorfeqarnermi atugassarititaasut: Tamakkiisoq
Suliassaqarfik: Allat, Isumaginnittoqarfik, Meeqqat & inuusuttut, Allaffik & allaffissorneq

Qaqortumi Ilaqutariinnut Sullissivik tarnip pissusaanik ilisimasalimmik pissarsiorpoq

ALLAGARSIUTEQQITAQ:

 

Tarnip pissusaanik ilisimasalimmik Ilaqutariit sullissiviani ulloq maajip ulluisa aallaqqaataat 2021 atorfinittussaq isumaqatigiissuteqarnikkulluunniit.

 

Tarnip pissusaanik ilisimasalittut ilinniagaqarpit? Ilaqutariit ulluinnarni ajornartorsiutiminnik aaqqiiniarneranni sullissinissamik kajumissuseqarluarpit? Kommune Kujallermi Ilaqutariit Illuat assigiinngitsorpassuarnik ineriartortitaqarpoq, pingaartumik meeqqat, inuusuttuaqqat taakkulu ilaqutaasa nalaassinerlussimanerannit kingunerlutsitsinermut tunngatillugu katsorsaanissamut periusissiornissamut ineriartortitsinikuulluta. Tamanna Odensemi Syddansk Universiteti suleqatigalugu ingerlanneqarpoq. Matumani nalaassinerlunnermi kingunerlutsitsinermi misissueriaatsit Kalaallit Nunaanni siullersaat marluk pilersinneqarput, taakkulu Kommune Kujallermi atulersinneqalerlutik. Tarnip pissusaanik ilisimasalittut katsorsaasut misilittagaqarluartut ilinniagarissaartullu suleqatigilissavatit, taakkulu ullormi suliffissami suleqatigiilluarnissaq pingaartitaraat. Illit tarnip pissusaanik ilisimasalittut periutsit taakku piviusunngortinnissaannut peqataassaatit, ukiunilu aggersuni siunniunneqartut suli inerisarnissaannut peqataallutit.

 

Atorfik Qaqortumi Ilaqutariinnut Sullissivimmi taassumalu aqutsisuata ataani inissisimavoq, taamannalu ilutigalugu Narsami Nanortalimmilu ilaqutariit illuinut attuumassuteqarluni. Suleriaaseq ataatsimut isiginnilluni ilaqutariinnik katsorsaanermik tunngaveqarpoq aamma nukissat kiisalu ilaqutariit ataasiakkaat qitiutillugit sammineqarnissaat pingaaruteqarpoq, ingammik tulleriiaarluakkamik katsorsaanermi pitsaassutsip qulakkeerneqarnissaa.   

 

Kommunimi angalasoqartassaaq, aammali tarnip pissusaanik ilisimasalik nittartakkakkut katsorsaasassaaq, teknologiikkullu atortorissaarutit atorlugit tarnip pissusaanik oqaloqateqartarnerit pillugit maleruagassat, tarnip pissusaanik ilisimasallit danskit novembarimi 2016-imi suliaat saqqummiussaallu malinneqassapput, taamaaliornikkut illersorsinnaasumik ileqqorissaartoqarnissaa pitsaassuserlu qulakkeerneqassammata. Ilaanni nuna tamakkerlugu attaveqaatit ajornartorsiutaasinnaasarput.

 

Atorfimmi matumani ukiut pingasut ingerlanerini akuerisanngornissat piviusunngortissinnaavat taamaalillutillu tarnip pissusaanik ilisimasalittut allagartaqalerlutit. Sullissiviup aqutsisua tassaavoq tarnip pissusaanik ilisimasalik akuerisaq, taamaammallu suliffeqarfiup iluani avataanilu oqaloqatigiinnikkut oqalisaanneqarneq/supervisioni periarfissaavoq.

 

Suliassaqarfiit assigiinngitsut:

  • Meeqqanik, inuusuttunik ilaqutaannillu sullissinerup aaqqissornissaa, taamaalillutillu ilaqutariinnik katsorsaanerup ataqatigiissuunissaa tulleriiaarluagaanissaalu qulakkeerlugu.
  • Ilaqutariinnut sammisumik katsorsaaneq ilaqutariit ataasiakkaat isumalluutaat periarfissaallu sammineqarlutik.
  • Inunnik ataasiakkaanik oqaloqateqarnerit, aappariinnik oqaloqateqarnerit, meeqqanik inuusuttunillu oqaloqateqarnerit
  • Ammasumik siunnersuinernut peqataaneq.
  • Sulisunut ilaqutariinnullu naleqquttumik pikkorissaanernut ilinniartitsineq.
  • Sullissinermi ulluinnarni suliassanik ataqatigiissaarineq suliakkiinerlu.
  • Pinartoqartillugu piareersimasussanut peqataaneq aamma pisuni immikkuullarissuni pilertortumik ikiuigasuarneq, ikiunerit taamaattut malitseqartinneqartariaqartarput akulikitsumillu Qaqortup avataani sumiiffinni allaniissinnaasarlutik.
  • Sulisunut suliamut attuumassutilinnut siunnersueqateqartitsineq.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.  

 

Akissarsiat atorfinitsitaanermilu atugassarititaasut Naalakkersuisut kiisalu tarnip pissusaanik ilisimasallit danskit peqatigiiffiata akornanni isumaqatigiissutaannut naapertuuttumik ingerlassapput.

 

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Paasissutissat sukumiinerusut pissarsiarineqarsinnaapput Qaqortumik Ilaqutariinnik Sullissiviup pisortaagallartoq Sofie Hoffmeyer saaffigalugu, mail soho@kujalleq.gl toqqaannartumik +299 64 54 20.

 

Kommunip kissaatigaa meeqqanik pinerliisimannginnermut uppernarsaatip aammattaaq pillagaasimannginnermut uppernarsaatip takunissai, aammalu/imaluunniit kommunimi meeqqanik inuusuttunillu sulissisussat tamarmik Pinerluttulerinermut Nalunaarsuivimmit uppernarsaatip assilineqarneranik ilanngussisassasut.

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik martsip ulluisa 19-iat 2021 nittartagarput aqqutigalugu imaluunniit uunga:

 

Kommune Kujalleq

Sulisoqarnermut Aqutsivik

Postboks 514

3920 Qaqortoq

job@kujalleq.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia