Psykoterapuetit 2, Meeqqanut Ilaqutariinnullu ataani, MI Tasiilami Suliutinik ingerlatsivimmut

Kommuneqarfik Sermersooq pikkorissunik tunniusimasunillu psykoterapeutinik marlunnik pissarsiorpoq, MI Tasiilami suliniutinik ingerlatsivimmi – indsatsområdet – piaartumik isumaqatigiissuteqarneq naapertorlugu sulilertussanik.

MI Tasiilami aaqqissuusseqqinneq ingerlanneqarpoq, tassanilu aaliangiunneqarluni suliniutinik ingerlatsiviit tamarmik ataatsimut immikkoortortaqalissasut. Immikkoortortami sulisut 23 naatsorsuutigineqarput, imatullu agguarneqarlutik: immikkoortortami aqutsisoq 1, suliniuteqarnernut aqutsisoq 1, tarnip pissusaanik immikkut ilisimasalik 1, psykoterapeutit 2, børnehusimut konsulent 1 børnehusimii sullinneqartunut ataqatigiissaarinermik suliaqartoq, ilaqutariinnik aqqutissiuisut 10, inuusuttuaqqanut siunnersortit 4 aamma ilaqutariinnut paarsisartunut siunnersortit 3.

MI Tasiilami suliniutinik ingerlatsivimmi sullinneqarput meeqqat ilaqutariillu tapersersorneqarnissamik pisariaqartitsisut, pisortat oqartussaaffeqarsiani sullissisunik (sagsbehandlere) innersuunneqarsimasut. Børnehusimut tunngatillugu politiit aamma innersuussisinnaasarput, tassanilu videoafhøringit pineqarnerusarlutik.

Atorfik ulloq naallugu atorfiuvoq, aatsaallu pilersinneqaqqilluni. Suliniutinik ingerlatsivimmi aqutsisoq qaninnertut pisortaassaaq, taannalu utaqqiissaa MI Tasiilami fagchef ataanut inissinneqarallassalluni.

Atorfiup imarisaa:

Psykoterapeutinik misilittangaqartunik, meeqqanik ilaqutariinnillu innersuunneqarsimasunik siunnersuinermik, aqqutissiuinermik aammalu katsorsaanermik ingerlatseqataalluarsinnaasunik ilaatigut makkunannga suliaqarluarsinnaasumik pissarsiorpugut:

Innersuunneqartut iliuusissamut pilersaarutaat malillugu sullinneqarnissamik pilersaarusiorneqarnerani siliuniuteqarnermut aqutsisoq peqatigalugu akisussaaqataaneq

·Innersuunneqartut katsorsarneqarnissamik pilersaarutaat malillugu katsorsaanerit, sullitat ataasiakkaarlugit aammalu eqimattakkaarlugit akisussaaffigissallugit.

·Isumaqatigiissutit atuuttuusut malillugit journalimut allannerit, killiffimmik nalunaaruteqarnerit aammalu suliutit naammassinerini nalunaarusiornerit ingerlanneqarnissaat qulakkiissallugu

·Suleqatinut ilisimasanik avitseqateqarerit

·Meeqqanut ilaqutariinnullu tamakkiisumik isiginnittariaaseqarluni ingerlatsisarnissamut pitsanngorsaaqataaneq

·Sakkortuumik nalaataqartoqartillugu ikiuingasuartartunut peqataaneq

·Suliarinasuarneqarsinnaasullu ilanngullugit (Ad hoc) immikkoortortami aqutsisoq/fagchef suliakkiineratigut

Suliassat MI Tasiilami sulisut allat kiisalu avataaniit qanittumik suleqatit attuumassuteqarsinnaasut, soorlu; politiit, atuarfik, meeqqeriviit allallu peqatigilluinnarlugit suliat ingerlanneqartassapput.

Qinnuteqartunut naatsorsuutigisat:

·Psykoterapeutitut ilinniagaqartoq – akuerisaasumik uppernarsaatilik

·Meeqqanik sumiginnarneqarsimasunik ilaqutariinnillu ikorfartortarialinnik sullissinermik misilittagaqartoq

Pingaartipparputtaaq:

·Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

·Uippakajaarani arlariinnik suliaqarsinnaasoq

·Erseqqissumik tappissumillu allattariarsorlunilu oqaluttariarsorsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

·Nukittooq pilersitsiniallaqqissoq inissaqartitsiuartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Atituumik suleqateqarluarsinnaasoq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Gerda Fleischer, oqarasuaat +299 36 72 79 imaluunniit e-mail: gfle@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1254-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.