Qaffasinnerusumik ilisimatusarneq, sammivik Aningaasaqarnermut isumalluutinillu aqutsineq
Ikkunneqarpoq: 12-02-2025
Piffissaq atuuffissaa naassaaq: 29-05-2025
Suliffissamut ID normut: LJA-85946644
Atorfeqarnermi atugassarititaasut: Tamakkiisoq, Suliffimmi sungiusartoq/ Ilinniartoq
Suliassaqarfik: Allat, Allaffik & allaffissorneq
Qaffasinnerusumik ilinniartunngussamaarpit aammalu kisitsisinik, aningaasaqarnermik naatsorsuutinillu suliaqarneq nuannaraajuk? Controllerinngornissat, naatsorsuuserisunngornissat, akiligassanik akiliutissanilluunniit suliaqartarnissaq takorluugaraajuk, taava maanna Tusass A/S-imi suliffimmik misiliinissaq periarfissaqarfigilerpat.
Aningaasaqarnerup Aningaasaatinillu aqutsinerup iluani qaffasinnerusumik ilisimatusartussamik ilinniagalittut, nunatsinni nunanilu allani suliffeqarfinnut niuernermik, nioqqutissiornermik, sullissinermik aammalu pisortat suliffeqarfiutaannut siammarsimasunik misissueqqissaarnernik, pilersaarusiornernik periarfissanillu naammassinninnernik nammineerlutit suliaqartarnissamut periarfissaqalerputit.
Sunik neqerooruteqarpugut?
Avatangiisimi uummaarissumi pissanganartumilu sulilissaatit, immikkoortortaqarfimmilu sorlermilunniit suligaluaruit sullitanik qitiutitsineq, sullissineq eqaatsumillu suleriaaseqarneq pingaartinneqarpoq.
Immikkoortortaqarfitsinni tamani suleqatinit pikkorissunit ilinniartinneqarnissat annertuumik periarfissaqarfigaat, tamannalu uatsinni siamasissumik assigiinngisitaartumillu ilinniarnermik tunisissaaq suliffeqaleruit iluaqutigisassannik.
Ilinniarnerpit nalaa tamaat ilinniartutut akissarsiaqartinneqarneq neqeroorutigaarput.
Tusassimi ilinniartut ilinnit makku naatsorsuutigaagut:
- Angusaqarusussuseqartutit suniarnerillu ilisimagit
- Nammineq ilinniarninnut ineriartorninnullu pimoorussisuusutit akisussaaffiginnittutillu
- Annertuumik akisussaaffeqarneq eqaatsumillu suleriaaseqarneq nuannarigit
- Pikkoriffeqalernissat annertuumik soqutigisarigit.
Qulaani allassimasut ilisarisinnaagukkit, taava qinnuteqaatit allagartaatillu allat pisariaqartinneqartut maannangaaq nassiutikkit.
Tusass
Takorluukkatut anguniakkap ”Tusassip nunarsuarput qaninnerulersippaa – uagullu immitsinnullu qaninnerulersilluta” aallaavigalugu suliffeqarfiup sulisuisa 370-it missaanniittut Kalaallit Nunaannut tamarmut attaveqaateqarnissaq qulakkeertarpaat.
Tusass pillugu uani paasisaqarnerusinnaavutit: www.tusass.gl