Qasigiannguit - Utoqqaat Illuat igaffimmi aqutsisussarsiorpoq

Kommune Qeqertalik Qasigiannguiani Qeersaat Illuanni igaffimmi aqutsisumik pissarsiorpoq 15. juli 2024 imaluunniit isumaqatigiissuteqarnikkut atorfinittussamik.

Atorfik sapaatip akunneranut 40 time-uvoq. Qeersaat Illuani najugaqartut 20-upput naatsorsuutingineqassaarlu weekend pingasukkaarlugit weekend-ini sulisarnissaq.

Qeersaat Illuat katillugit 30 sinnilaarlugit sulisoqarpoq tassanilu ilaapput inulerisut, asaasut marluk, errorsisartoq, pedel, susassaqartitsoq allaffimmioq aqutsisullu.

Suliassat akisussaaffiillu:

·Igaffimmi aqutsisup ulluinnarni igaffimmi, asaasuni errorsisarfimmilu akisussaaffigivaa sulisoqarneq

·Sulisunut tunngatillugu pilersaarusiornerit

·Nerisassanik najungaqartut peqatingalungit pilersaarusiornerit

·Nerisassat peqqumaataasivimmiittut nakkutigissallugit

·Nioqqutissanik piniarnerit pisiniarnerillu

·Ullormut ineqartunut nerisassat kissartut 20 missaannut avataanullu pajuttakkanut pitsaasumik sullissineq

·Utoqqaat peqqinnarnerusumik inuuneqarnissaannik ineriartortitsinermi peqataaneq

·Ingaffimmi atortunik nakkutiginninneq nutarterisarnerlu

·Suliffeqarfimmik ineriartortitseqataaneq nutaaliornerlu

Qinnuteqartup piginnaasai:

·Igaffimmi aqutsisutut,ernæringsassistent imaluunniit igasumut ikiortitut ilinniagaqarsimassasutit

·Utoqqarnik najugaqartunik innuttaasunillu sullissaqarusuttutit soqutiginnittutillu.

·Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat

·Ilinniakkat akimorlugit suleqatigiinnermut piginnaasaqarluartuunissat

·Ilinniartunut sulinermik sungiusaasuunissat.

·Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat

·Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

·Uippakajaarani arlariinnik suliaqarsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

·Nukittooq pilersitsiniallaqqissoq inissaqartitsiuartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Atituumik suleqateqarluarsinnaasoq

Akissarsiat – atorfinitsinneqarneq:

·Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.

Atorfimmut inissaqartitsisoqanngilaq.

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfik pillugu erseqqinnerusumik paasissutissat Qeersaat illuani aqutsisumut paasiniarneqarsinnaapput Lotte Pilunguak Reimer oqarasuaat: 91 46 53 imaluunniit e-mail: Lore@qeqertalik.gl imaluunniit pisortamut tullersortimut Ngalannguaq Simigaq Broberg 91 46 53 ngbr@qeqertalik.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut –

pikkorissarsimanermut uppernarsaatit, kiisalu oqaaseqaatit assigisaallu,

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.