Qeqertarsuup Atuarfia Ilinniartitsisunik marlunnik pissarsiorpoq.

Atuarfik 120 missaanik atuartoqarpoq.21-nillu ilinniartitsisoqarluni, klasse naliginnaasut 12-iupput, specialklasselu ataaseq.

Ilinniartitsisut marluk akullerni: 

Matematik klasselærerfunktion Fagini allani atuartitsissutinik allanik tigusaqarsinnaanissaq naatsorsuutigineqarsinnaavoq: Inuiaqatigiilerineq, upperisalerineq isumalioqqissaarnerlu, idræt assigisaalu.

Aningaasarsiat atorfininnermilu atugassarititaasut

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Kalaallit Nunaanni Inatsisartut ilinniartitsisullu kattuffiata IMAK-ip akornanni immikkut isumaqatigiissutit atuuttut naapertorlugit pissaaq (takuuk www.imak.gl). Atorfinitsitaaneq inissinneqassaaq minnerpaamik ukiunut pingasunut, periarfissaqarluni sivitsuinissamik, ukiut ataasiakkaarlugit.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfininnermi atugassarititaasut allat soorlu atorfininnermi angalaneq pisattallu angallaneri akiliunneqassapput, atorfininnermi Namminersorlutik Oqartussat Ilinniartitsisut Meeqqat Atuarfianneersut Kattuffiat, IMAKip akornanni isumaqatigiissutaasut atuuttut naapertorlugit.

Qinnuteqartut Kalaallit Nunaanni tjenestemanditut atorfimminngaanneersut taama atorfeqartitaanertik attatiinnassavaat.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Saniatigut atorfik pillugu paasissutissanik pissarsisoqarsinnaavoq atuarfiup pisortaanut Kristine Hendriksen-imut saaffiginninnikkut oqarasuaat +299 92 29 41 imaluunniit mailimut uunga: krih@qeqertalik.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.