sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Qeqertarsuaq - Beredskabsinspektør

Kommune Qeqertalik

Qeqertarsuaq
Ikkunneqarpoq: 24-01-2022
Piffissaq atuuffissaa naassaaq: 18-02-2022
Suliffissamut ID normut: LJA-83276859
Atorfeqarnermi atugassarititaasut: Tamakkiisoq
Suliassaqarfik: Allat

Qeqertarsuarmi qatserisartoqarfimmi Qatserisartunut pisortassarsiorpoq

 

Kommune Qeqertalimmi annaassiniartartutut upalungaarsimasunut qatserisartunut pisortassarsiorpugut 1. marts 2022 isumaqatigiissuteqarnikkulluunniit sulilersussamik. Atorfik Qeqertarsuarmi inissisimavoq.

 

Inummik sulisunik aqutsisinnaanermik ilisimasalimmik, suleqatiminut avammullu attaviginnillaqqissumik, aammalu suleqatigisariaqakkanut tamanut suleqatiginnilluarsinnaasumik pissarsiorpugut.

 

Akisussaaffigissavat:

Upalungaarsimanermut inatsit, Inatsisartunit akuerisaasoq malillugu kommunip upalungaarsimasussaatitaanera.

 

Qeqertarsuarmi qatserisartunut pisortatut illoqarfimmi qatserisartoqarfiup nunaqarfiullu Kangerluup qatserutaasiviata ingerlanneqarnerani allaffissornikkut akisussaaffigalugillu aqutsisuuffigissavatit, kiisalu aningaasaliissutissatut missingersuusioqataallutillu aningaasaliissutinik aqutsisuussaatit.

 

Qatserisartut aqutsisuuffigisatit Tunngaviusumik pikkorissarneranni ilitsersuisassaatit, ilinniartitaanerit pilersaarusiorneri aammalu atortut inatsisit atuuttut malillugit inerisaaqataaffigissavatit.

 

Ikuallatsaaliuinermik suliaqarneq aammalu ikuallattoornissamut nakkutilliisarneq akisussaaffigissavatit.

 

Piginnaaneqarfigisassatit

  • Kalaallit Nunaanni ikuallattoqarnermut upalungaarsimanermullu pissutsinik ilisimasaqarluarneq.
  • Kalaallit Nunaanni inatsisit atuuttut suliamut attuumassutillit ilisimaarilluassavatit.
  • Indsatsleder By-tut ilinniagaqarsimanissaat perusunneruarput, minnerpaamilli Funktionsuddannelse imaluunniit Holdleder ilinniagaqarfigisimallugu allagartaqarfigissavat, ilinniariaqqinnissamulli peqataatinneqartarnissat naatsorsuutigissavat.

 

Pingaaruteqarpoq suleqatigiilluarsinnaanermut piginnaasaqarluarnissat, pisuni sakkortuuni toqqissisimasumik torersumillu sulisinnaassasutit kiisalu marlunnik oqaaseqartut akornanni suleqataasinnaassasutit, tassanilu ilisimasatigut inuttullu piginnaasatit pingaartinneqartorujussuussallutik.

 

Akissarsiat atorfeqarnermilu atugassarititaasut:

Qeqertarsuarmi qatserisartunik aqutsisutut atorfik ulloq naallugu atorfiusumi sap.ak. 40 tiimit suliffiusumi, Namminersorlutik Oqartussani kommunenilu atorfillit pillugit Naalakkersuisut aamma Atorfillit Kattuffiata isumaqatigiissutaat 01. april 2019-imeersoq malillugu akissarsiaqartitsisoqassaaq.

 

Atorfimmut atatillugu inissaqartitsisoqarsinnaavoq. 

Atorfeqarnermut atatillugu inigisaq atorfeqarunnaarnermi qimanneqassaaq.

 

Qaninnertut pisortarineqassaaq Upalungaarsimanermut pisortaq David Løvstrøm.

 

Atorfik pillugu paasissutissanik annertunerusumik paasisaqarusuttut Upalungaarsimanermut Pisortaq David Løvstrøm attavigisinnaavaat oqarasuaat (+299) 38 70 38 imaluunnit e-mail dlov@qeqertalik.gl aqqutigalugu.

 

Qinnuteqarneq

Qinnuteqaat ilinniagaqarsimanermut uppernarsaatinik, innersuussutinik oqaaseqaatinillu ilalik, Kommune Qeqertaliup nittartagaa www.qeqertalik.gl aqqutigalugu uunga iserluni nassiunneqassaaq https://www.qeqertalik.gl/ledige-stillinger?sc_lang=da kingusinnerpaamik 18. februar 2022.

Atorfimmut qinnuteqaatit e-mail atorlugu imaluunniit allakkatigut nassiussat ilaatinneqassanngillat.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia