sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Qeqertarsuaq HR-konsulent

Kommune Qeqertalik

Qeqertarsuaq
Ikkunneqarpoq: 13-09-2021
Piffissaq atuuffissaa naassaaq: 30-09-2021
Suliffissamut ID normut: LJA-82652539
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Sulisunik aqutsinerup iluani suliassanik assigiinngiiaaqisuni kommunip aqutsisuinik kiffartuussinissamut siunnersuinissamullu soqutigisaqarpit? Taava Kommune Qeqertalimmi Qeqertarsuup HR-eqarfia sulisoqarnermut siunnersortitut sulisussarsiorpoq 1. november 2021 imaluunniit isumaqatigiissuteqarnikkut sulilersussamik.

Kommunimi HR-imi atorfillit allat suleqatigalugit Qeqertarsuarmi kisimiillutit HR-imi sulisoqarnermut siunnersortitut sulisuussaatit, kisiannili Qeqertarsuarmi kommunimi aqutsisut assigiinngitsut qanimut attaveqarfigalugillu suleqatigissavatit. Sullissivinni pisortaq qaninnertut pisortarissavat.

HR-imi sulisoqarnermut siunnersortitut HR-eqarfimmi suleqatigiinnut ilaassaatit kommuni tamakkerlugu aqutsisunik kiffartuussisutut siunnersortitullu.

Suliassaqarfiit:

  1. Atorfinitsitsinerit suliunnaartullu allaffissornikkut suliarineqarneri, tassunga ilanngullugu qullersat qanimut suleqatigalugit atorfimmut atasumik inissat- aamma utaqqiisigalugu inissat isumagineqarneri
  2. Sulisunut suliat oqimaatsut qullersaasut qanimut suleqatigalugit isumagalugit
  3. Sulisoqarnermut suleriutsinik periutsinillu ingerlaavartumik pitsanngorsarneqarnerinut  qulakkeerinneqataaneq
  4. Sulisoqarneq pillugu apeqqutini sulianilu tamassuma ataani isumaqatigiissutinut atuuttunut inissiinerit atorfinitsitsinerillu pillugit kissaatigineqartut pisariaqartinneqartullu malillugit aqutsisunik suleqateqarneq, siunnersuineq ilinniartitsinerlu
  5. Suliniutinut pilersitsiniarnernullu nutaanut suleqataaneq
  6. Suliffeqarfiup anguniagai ataqqinninneq, akisussaassuseqarneq ineriartornerlu pillugit aallusseqataaneq

Qinnuteqartunut naatsorsuutigisat:

  1. Sulisoqarnermut sullissinermik misilittagaqartutit
  2. Sulisunik aqutsinermik aamma Kalaallit Nunaanni pisortat suliffeqarfiinut  isumaqatigiissutinik ilisimasaqartutit
  3. Mindkey-mik ilisimasaqarneq atornissaanullu misilittagaqarneq iluaqutaassaaq
  4. Suliamut tulluartumik assingusumilluunniit ilinniarsimaneq iluaqutaassaaq
  5. Suliniuteqarusussusermik pigisaqartutit piumassuseqqortuujullutillu aammalu kiffartuusserusussuseqartutit
  6. Suleqatigiilluarnermut piginnaasaqartutit suliffeqarfiup iluani avataanilu
  7. Qinnuteqartut kalaallisut qallunaatullu oqalussinnaallutillu allassinnaasut piumaneqarnerupput

Neqeroorutigaavut:

Atorfik unammillernartoq aammalu qinnuteqartup HR-eqarfiup allaffissornertaanik aqutsisunillu kiffartuussinerata ineriartortinneqarnera akisussaaqataaffigissavai, taamaattumik suliassanik oqimaatsunik suliaqarnissamut inerisartuassalluni, tamannalu aamma HR-imi ulluinnarsiutaavoq.

Pinerliisimannginnermut uppernarsaat:

Atorfik inuttassarsiuussaq pinerliisimannginnermut uppernarsaammik piumasaqaatitaqarpoq. Taamaattumik maluginiaqqussavarput pinerliisimannginnermut uppernarsaat qinnuteqaammut ilanngullugu nassiunneqassammat.

Akissarsianut atorfeqarnermullu atugassarititaasut:

Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.

Atorfimmut atasumik inissaqartitsisoqarsinnaavoq, tassungalu qularnaveeqqusiinermut/inigisamut akiliuteqartarneq il.il. malittarisassat atuuttut malillugit akiliisoqartassaaq.

Atorfik pillugu annertunerusumik paasisaqarusukkuit sullissivinni pisortaq Benedikte Mølgaard attavigisinnaavat mail: benm@qeqertalik.gl imaluunniit oqarasuaat nr. 38 72 06.

Qinnuteqaat

MALIGIUK: Qinnuteqaatit mail-ikkut allakkerivikkulluunniit nassiussat tiguneq ajorpagut.

Qinnuteqaatit, CV, ilinniarsimanermut pikkorissarsimanermullu uppernarsaatit, aammalu pappialat naleqqussinnaasut allat nassiutikkit “Atorfik una qinnuteqarfigiuk” toorlugu.

Nassiunniakkatit iluatsissinnaanngikkukkit hr@qeqertalik.gl attaveqarfigiuk.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia