sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Qeqqata Kommunia søger en barselsvikar som jobkonsulent til Majoriaq Sisimiut

Qeqqata Kommunika

Sisimiut
Ikkunneqarpoq: 29-07-2021
Piffissaq atuuffissaa naassaaq: 06-08-2021
Suliffissamut ID normut: LJA-82453308
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq, Allaffik & allaffissorneq, Isumaginnittoqarfik

Qeqqata Kommunia sinniisuussamik pissarsiorpoq

Majoriaq Sisimiuni suliffimmut siunnersortimik

 

Sisimiuni suliffissarsiuussisarfiup suliffimmut paarlattaasussamik siunnersortitut atorfik inuttassarsiuuppaa, februarip 2022 naanissaata tungaanut.

Qeqqata Kommuniata Namminersorlutik Oqartussat kiffartuussinissamut isumaqatigiissuteqarfigineratigut Majoriaq pilersinnikuuaa, taassumalu kommunimi suliffissarsiuussinerup, ilinniagaqarnissamut siunnersuinerup, inuussutissarsiutinik ilinniagaqarnerup kiisalu sulisunik piginnaanngorsaasarnerit iluaniittut tamaasa isumagisarissavai. Taamaalilluni Qeqqata Kommuniata suliffissarsiuussisarfiata piginnaanngorsaasarfik illoqatigaa. Majoriaq aaqqissuussaanikkut Inuussutissarsiornermut Takornariaqarnermullu ataatsimiititaliap ataani inissisimavoq.

 

Suliassat akisussaaffiillu:

  • Suliffissarsiortunik sulisitsisunut / suliffeqarfinnut innersuussinerit.
  • Suliffissarsiortunik nalunaarsuineq.
  • Suliffeqanngikkallarnersiutit pillugit sullissineq.
  • Suliffissarsiortunik sulilersitsinerit akissarsiatigut tapiissutit piginnaanngorsaanerillu aqqutigalugit suliffiup iluani avataaniillu suleqatigisartakkat suleqatiginerisigut.
  • Avataanit sulisoqarneq pillugu qinnuteqaatinik sullissineq.
  • Suliffissaqartitsiniarluni suliniutinut tunngatillugu, Kommunip nunaqarfiinut siunnersuineq.
  • Suliffeqarfinnut pulaartarneq suliffiup iluani avataanilu sulisut suleqatiginerisigut pikkorissaanissamut, ilinniagaqaqqinnissamut piginnaanngorsaanissamullu pisariaqartitsinerit qulaajarnissai siunertaralugu.
  • Pikkorissarnissamut, ilinniagaqaqqinnissamut qinnuteqaatit suliarineri kiisalu paasissutissanik nuna tamakkerlugu toqqorsivimmut iliuusissatut pilersaarutinik nalunaarsuineq.
  • Piginnaanngorsaalluni suliaqarneq, sulilersitsinerit ilinniagaqartitseqqinnerlu.
  • Suliffissarsiortunut iliuusissatut pilersaarutit suliarineri kiisalu Suli.gl-imi CV-mik allattuinissamik ilitsersuineq.
  • Sisimiuni sulisartut piginnaasaviinik ineriartortitsineq assigiimmik suliffeqarfinnut ilinniarfiit suliffeqarfiillu suleqatigalugit.

Atorfimmut piginnaasassat:

  • Kalaallit Nunaanni ilinniarfiit pillugit ilisimasaqarluarneq.
  • Suliffimmi suliassanut tunngatillugu eqaatsuuneq.
  • Nunat tamalaat kulturiinut piginnaasat.
  • Eqaatsuuneq nammineersinnaassuseqarnerlu.
  • Suleqateqarsinnaaneq.
  • Marluinnik kalaallisut danskisullu oqaaseqartuusoq.

Aningaasarsiatigut atorfinitsitaanermilu atugassarititaasut.

Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.Inissaqartitsisoqarsinnaangilaq.

 

Piaarnerpaamik atorfik inuttalerneqarnissa kissaatigivarput isumaqatigiissuteqarnikkulluunniit.

Atorfik pillugu ersarinnerusumik paasissutissat Immikkoortortami pisortamut Frederik Kreutzmann oqarasuaat 86 71 60 imal. mail frkr@qeqqata.gl saaffiginninnikkut pissarsiarineqarsinnaapput

Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarfissanillu ilaqartinneqartoq nassiunneqassapput. 

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia