sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Qullersanut Ineriartortitsinermullu Immikkoortortaqarfimmi Suliassanik Aqutsisoq

Namminersorlutik Oqartussat

Nuuk
Ikkunneqarpoq: 16-01-2020
Piffissaq atuuffissaa naassaaq: 07-02-2020
Suliffissamut ID normut: LJA-78930756
Atorfeqarnermi atugassarititaasut: Tamakkiisoq
Suliassaqarfik: IT & tusagassiuutit

Aningaasaqarnermut Sulisoqarnermullu Aqutsisoqarfimmi Qullersanut Ineriartortitsinermullu Immikkoortortaqarfimmi suliassanik aqutsinermut siuttuunissannut sapiissuseqarpit tassanilu taamatuttaaq ineriartortitsiuarnermut peqataarusullutit?

Aningaasaqarnermut Sulisoqarnermullu Aqutsisoqarfimmi Qullersanut Ineriartortitsinermullu Immikkoortortaqarfimmi suliassanik aqutsisussarsiorpoq suleqatigiinnik tassaasunik suliniutinik aqutsisut marluk, ilinniarnertuunngorniartut ikiortit pingasut, aqutsisoqarfiup suleriaasiinik pitsanngorsaanissaa qarasaasianillu atuinerulernissaq sammisaralugit ineriartortitsinermik suliniutinik suliallit aqutsisussamik. Anguniagarput tassaavoq qarasaasiatigut teknikikkullu periarfissat atorluarnissaat, taamaasilluta suleriaatsinik pitsaanerulersitsinissamut suliniuteqarluni isumalluutinik piginnaasanillu pioreersunik atorsinnaasanik pitsaanerusumik atuilluarnissaq.
HRU Allaffiani Pisortamut nalunaartartussaassaatit.

Suliniutit suliarisartakkagut annertunerusumik Aningaasaqarnermut Sulisoqarnermullu Aqutsisoqarfiup akisussaaffiinut tunngasunut tunngasuupput, taamaattumillu pisortaqarfinni allaffissornerup iluani qitiusumik suliassanik ineriartortitsinernik ikorfartuinernillu suliaqartarnernut ilanngutissaatit, soorlu akissarsialerinernut naatsorsuuserinernullu.  Aqutsisoqarfiup anguniagai naammassiumallugit suut tamaasa eqqarsaatigalugit piuminartunik pilersitsinissaq matumani siunertarineqarpoq: Kalaallit Nunaanni ineriartortitsinissamut inuaqatigiit isumalluutaannik tunniussinissaq.
 
Suliassatit
Suliniuterpassuaqarpugut - aallarteriikkanik pilersaarusiorneqartunillu. Maannakkut assersuutigalugu  aningaasarsialerinerup pitsaanerulernissaa sulissutigaarput.

Suliassanik aqutsisutut akisussaaffigissavatit, immikkoortortaqarfiup:

  • Qarasaasialerinikkut suliniutinik aqutsisuunissaa ingerlatsisuunissaalu
  • Ineriartortitsinermik suliniutit naammassineqartarnissaat
  • Suleqatitit avataanilu soqutigisallit peqatigalugit maannakkut ingerlaatsinik paasiniaassallutit iluarsaassisassallutillu
  • Paasiniaanernut atatillugu periarfissanut paasineqartunut tunngatillugu iluarsiinernut ilusiliussassanik ilanngussisassallutit.
  • Suleriaatsinik digitalinngorsaaneq – paasissutissanik tigooqqakkanik nassiussukkanillu assersuutigalugu iimmersugassanik taakkununngalu attuumassuteqartunik suleriaatsinik digitalinngortitsineq.
  • Suleriaatsinik sakkunillu nutaanik atulersitsineq – suliffimmi allanilu
  • Ingerlaatsinik pitsanngorsaaneq
  • Aqutsissutinik suleriaatsinillu allannguinernut atatillugu aarlerinaatinik misissueqqissaarneq
  • Polio-mik ingerlatsineq ineriartortitsinerlu (intranetimut, suliniutinik aqutsinermut atortussanut, normumik tigusilluni sullinneqartarnernut assigisaannullu atorneqartarput.)
Ilinnut tunngasut
  • Aqutsisarnernik suliniutinillu ingerlatsisarnernik misilittagaqartuuvutit.
  • Qarasaasialerisarnerup iluani annertuunik ilisimasaqarlutillu misilittagaqartuuvutit, aammalu Java-mi PHP-millu paasiniaasarnernik ilisimasaqarneq iluaqutaassaqaaq.
  • Ingerlataqarusuttuuvutit, misissuillaqqissuuvutit, periaaserissuuvutit aaqqiissuteqarusullutillu eqqarsariartaaseqarlutit.
  • Tamakkiisumik isiginnillaqqissuussasutit aammattaaq ajornartorsiutaasinnaasunik imaannaanngitsunik.
  • Ineriartortitsinernik allannguinernillu suliaqarusussuseqarputit.
  • Suliffiup iluani avataanilu aaqqissugaaneq akimorlugu ingerlatsinernik suliassatigullu ineriartortitsisarnernik ingerlatsinissaq nuannarisuuat.
  • Robot-inik IA-nillu atuineq aqqutigalugu ingerlaavartunngortitsinermik misilittagaqallaqqunarputit. Tamannali piumasaqaataanngilaq.
  • Inuttut annikitsualunnik takunnissinnaassuseqarputit, aaqqissuussillaqqipputit, ataqatigiissaarillaqqipputit kiisalu pitsaassutsinik ilisimaarinnilluartuullutit.
  • Iluaqutaassaaq danskit kalaallillu oqaasii allattariarsornikkut oqaluinnarnikkullu atorluarsinnaassagukkit
Atorfik pillugu allanik paasiniaasinnaavutit HRU Allaffiani Pisortaq Jørgen Juel Jessen mailikkut jjje@nanoq.gl attaveqarfigalugu imaluunniit oqarasuaatikkut.: +299 34 52 22.
 
Aningaasaqarnermut Sulisoqarnermullu Aqutsisoqarfik
Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq. Aaqqissugaanermiipput naalakkersuisoqarfiit arlallit kiisalu aqutsisoqarfiit tamarmik immikkut suliassaqarfiusut.
Piginnaasanik Aaqqissugaanermillu Ineriartortitsinermut allaffik Aningaasaqarnermut Akileraartarnermullu Naalakkersuisoqarfiup ataani Aningaasaqarnermut Sulisoqarnermullu Aqutsisoqarfimmi aaqqissuussaanikkut inissisimasumi sulilissaatit.  Aningaasaqarnermut Sulisoqarnermullu Aqutsisoqarfimmi (ASA) Aqutsinermut Allattoqarfiup ASA-p aqutsisui sullitarai, tassunga ilaalluni ineriartortitsilluni suliniutinik ataqatigiissaarisarnerit.

Aningaasaqarnermut Sulisoqarnermullu Aqutsisoqarfimmi ataatsimoortumik naleqartitat:
ASA-p tunngavia tassaavoq"ASA pisortani oqartussaaffiuvoq uppernassusilik takussaasorlu. ASA immikkoortortaqarfiit, suliffeqarfiit innuttaasullu suleqatigiinnerat ineriartortinniarlugu sulissuteqarpoq.” Tamanna isumaqarpoq ASA suliassanut qitiusunut ersarissunik anguniagaqartoq, ASA piginnaasanik ineriartortitsinissamut pingaartitsisoq kiisalu ASA pisortat suliassaqarfiinik pisariillisaasoq.

ASA-p pingaartitai pingasut tassaapput:
  • Akisussaaffeqarneq -Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
  • Suleqatigiinneq -Suleqatigut sullitavullu pitsaasumik suleqatigaagut
  • Isumassuineq -Ikiuukkumatuujuvugut akunnitsinnilu paareqatigiittuulluta

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Siunnersorti misilittakkat tunngavigalugit atorfinitsinneqassaaq. Ukiut pingasut sinnerlugit, atorfimmik assingusumik misilittagalimmut, Immikkut Ilisimasalittut Siunnersortitut (specialkonsulent) atorfinittoqarsinnaalluni.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Greenland Escape ApS
Nuuk
CAFE ESMERALDA
Nuuk
Kalaallit Nunaanni Brugseni
Grønlands Selvstyre
Qaqortoq
Grønlands Selvstyre
Nuuk