sullissivik.gl
Atorfimmut ussassaarummut oqaatsinut allanut nuunniarlutit tooruk
kalaallisut (Kalaallit Nunaat)
Royal Greenland A/S

Royal Greenland qullersaqarfimmi AU-tut ilinniartussarsiorpoq

Royal Greenland A/S

Nuuk
Ikkunneqarpoq: 06-04-2021
Piffissaq atuuffissaa naassaaq: 01-05-2021
Suliffissamut ID normut: 330542703
Atorfeqarnermi atugassarititaasut: Suliffimmi sungiusartoq/ Ilinniartoq
Suliassaqarfik: Allaffik & allaffissorneq, Aalisarneq & fabrikki
Atorfiup taaguutaa: Elev, kontor
Ilinniagaq: 1-årig Merkantile suppleringsudd. for studenter (NI1) (
Misilittakkat - Annertunerusumik: Administration
Oqaatsit:
Danskisut Atuarneq/ oqalunneq/ allanneq
Tuluttut Atuarneq/ oqalunneq/ allanneq
Kallaallisut Atuarneq/ oqalunneq/ allanneq
Attaveqarfissamut paasissutissat

Royal Greenland A/S

Royal Greenland
Qasapi 4
Oqarasuaat +299 361300

Royal Greenland qullersaqarfimmi AU-tut ilinniartussarsiorpoq

Royal Greenlandimut nunatsinnullu naleqalersitseqataagit

 

Niuernermik Ilinniarfimmi qaffasinnerusumik ilisimatusartussanngorlutit suliffimmik misiliiffissarsiorpit?

Ukunani tallimanik AU-tut ilinniartussarsiorpugut:

  • Tuniniaanermut immikkoortortami Nunani tamalaani niuerneq aamma niuernermi tuniniaaneq pillugu ilinniartoq
  • Assartugalerinermut immikkoortortami Nunat tamalaat akornanni angallassineq aamma ataqatigiissitsineq pillugu ilinniartoq
  • Aningaasaqarnermut immikkoortortami Aningaasaqarneq aamma pigisanik nalilinnik aqutsineq pillugu ilinniartoq
  • Akissarsialerivimmi Aningaasaqarneq aamma pigisanik nalilinnik aqutsineq pillugu ilinniartoq
  • Sulisoqarnermut immikkoortortami Aningaasaqarneq aamma pigisanik nalilinnik aqutsineq pillugu ilinniartoq

 

Royal Greenlandip qullersaqarfia Nuummiittoq Laboratooriat qullersaqarfiat ilanngullugu 85-it missaannik sulisoqarpoq.

 

AU-tut ilinniagaqartunik ilinniartuuteqarneq misilittagaqarfigilluaratsigu ilinniartuutitta suliffimmik misiliinissaat pillugu aaqqissuussinikuuvugut. Ilinniartut immikkoortortani assigiinngitsuni sulillutik misiliisinnaapput, suliffeqarfimmilu suliarineqartartut siammasissumik ilisimasaqarfigilerniassagamikkut suliffimmik misiliinerit ilaanni aamma tunisassiorfimmiissinnaapput.

Ilinniartuutitta AU-mik ingerlataqartut 70 %-ii ilinniakkaminnik naammassimmata atorfinitsinnikuuagut.

AU-tut ilinniakkani pingasuusuni AU-tut ilinniartut arfineq-pingasut maanna ilinniartuutigaagut

 

Tunuliaquttat

 

Piumasaqaatit naammassisimallugillu AU-tut ilinnialertussaavutit.

Ammasuullutillu, ujartuisuullutillu inuit assigiinngitsut suleqatigisinnaavatit.

Suliassat assigiissaartut nutaallu allanngorartut suliarisinnaavatit.

Minnerunngitsumik ilinniakkamik naammassinninnissannut piumassuseqarlutillu inuiaqatigiinni naleqalersitseqataajumavutit.

 

Neqeroorutigaagut

 

  • Nunatsinni suliffeqarfiit annersaanni ilinniagaq soqutiginartoq
  • Suliffeqarfissuaq nunani tamalaani immikkoortortalik pillugu ilisimasaqalerneq
  • Suliffeqarfik ilinniartitsinermik siuarsaanermillu ukkataqartoq
  • Ilinniarnermi ukiup aappassaani tamakkiisumik ilinniartutut aningaasarsiaqarneq (atuagarsorneq ilanngullugu)
  • Immikkoortortani naleqquttuni aamma nunani allani suliffimmik misiliinissamut periarfissaq
  • Suliffik nuannersoq suleqatillu ataqatigiittut

 

Atorfiit pillugit paasisaqarnerorusukkuit immikkoortortat mailimut ilinniartoq@royalgreenland.com-imut allallutit imaluunniit oqarasuaammut +299 36 1300-imut sianerlutit saaffiginninnissannut tikilluaqqusaavutit.

Saaffissaq: Ilinniartitaanermut siunnersorti Ungaaq Abelsen.

 

Ilinniakkat pillugit paasissutissat Niuernermik Ilinniarfiup nittartagaani takuneqarsinnaapput: https://ninuuk.net/da/efter-merx-ii/au-akademiuddannelserne/

 

Royal Greenlandimi immikkoortortat pillugit ataani paasisaqarnerugit

 

Tuniniaaneq

 

Tuniniaanermut immikkoortortaq aamma uninngasuusiveqarpoq, AU-tullu ilinniartut marluk ilanngullugit katillugu aqqanillinnik sulisoqarpoq. Immikkoortortami suliffeqarfiup tunisassiaanik pisiniarfinnut, sutorniartarfinnut neriniartarfinnullu nunatsinniittunut tuniniaaneq akisussaaffigineqarpoq.

 

Suliat

  • Pisisartunut attaveqarneq
  • Aalisakkap immamiit qaqinneqarneraniit nerrivimmut apuunnissaanut naleqalersitsineq pillugu ilinniartinneqarneq
  • Suliffeqarfissuarput nunani tamalaani immikkoortortalik pillugu ilisimasassat aamma nunami allami suliffimmik misiliinissamut periarfissaq
  • Nunatsinni tamarmi pisiniarfinnut tuniniaaneq pillugu ilisimasassat

 

Assartugalerineq

 

Assartugalerinermut immikkoortortaq nunatsinniittoq AU-tut ilinniartoq ataaseq ilanngullugu sisamanik sulisoqarpoq, immikkoortortallu suliffeqarfiup tunisassiaataanik illoqarfinni nunaqarfinnilu, kiisalu kilisaatini tunisassiorfinneersunik tunitsivinneersunillu sukkasuumik naleqquttumillu nassiussuineq akisussaaffigaa.

 

Suliat

  • Nassiussanik ataqatigiissaarineq (tunisassiorfik/kilisaat – RAL)
  • Inniminniineq (RAL-ip qarasaasiatigut atortua)
  • Kilisaatit pisaannik nalunaarsuineq/naligiissaarineq
  • Avammut nassiussassat pillugit allagartanik sananeq
  • Eqqussanik nalunaarsuineq
  • Tunisassiorfinnik ikorfartuineq
  • Oqartussanut attaveqarneq (Avammut nassiussinissamut akuersissutit il.il.)
  • Suliassat assigiinngitsut

 

Aningaasaqarneq

 

Naatsorsuuserivik AU-tut ilinniartut marluk ilanngullugit qulinik sulisoqarpoq, suliffeqarfimmilu aningaasaqarnermut tunngasunik suliaqarfiuvoq.

 

Suliat

  • Akiligassanik isumaginninneq
  • Akiliineq
  • Nalunaarsuineq
  • Naligiissaarineq
  • Nalunaaruteqarneq
  • Pilersuisunik suleqatinillu attaveqarneq

 

Akissarsiat

 

Akissarsialerivik AU-tut ilinniartoq ataaseq ilanngullugu arfineq-pingasunik sulisoqarpoq, suliffeqarfiullu sulisuisa akissarsiaasa tunniunneqarnissaat immikkoortortamit akisussaaffigineqarpoq.

 

Suliat

  • Sulilersunik qarasaasiamut nalunaarsuineq
  • Akissarsianik iluarsiineq
  • Akissarsianik tunniussineq nalunaarsuinerlu
  • Angalanermi aningaasartuutinik utertitsineq nalunaarsuinerlu
  • Akissarsianik naligiissaarineq
  • Aningaaserivimmukartunik naligiissaarineq
  • Akunnermusiallit akissarsiassaannik naatsorsuineq nalunaarsuinerlu
  • Suliassat assigiinngitsut

 

Sulisoqarneq

 

Sulisoqarnermut immikkoortortaq AU-tut ilinniartoq ataaseq ilanngullugu qulingiluanik sulisoqarpoq, suliffeqarfimmilu sulisut pillugit ilaatigut inuttassarsiuussineq, sulilerlaanik pikkorissaanik, inerisaaneq, ilinniartitsineq, attassiniarneq immikkoortortami akisussaaffigineqarpoq.

 

Suliat

  • Sulisut pillugit allaffissorneq
  • Sulisut nalunaarsorsimaffiat
  • Sulisut amerlassusaannik naatsorsuineq
  • Sulisoqarneq pillugu missingersuutinik paasiniaaneq
  • Inerisaanerit, soorlu pikkorissaanerit pillugit suliniutit
  • Inunnik suleqateqarneq

 

Qinnuteqarfissaq kingulleq qaangiussimalerpat qinnuteqartut naleqquttut apeqquteqarsinnaanissaminnut periarfissinneqarlutik immikkoortortat pillugit saqqummiiffigineqarnissamimmut aggersarneqassapput.

 

Ilisimaviuk…

Royal Greenland nunatsinni 1.400-it sinnerlugit sulisoqarmat.

Suliffeqarfissuarmi tamarmi nunatsinni, Danmarkimi, Canadami, USA-mi, Sverigemi, Norgemi, Finlandimi, Tuluit Nunaanni, Tysklandimi, Frankrigimi, Italiami, Spaniami, Portugalimi, Kinami aamma Japanimi immikkoortortaqartumi 2.000-it sinnerlugit sulisoqartoq.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia