sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Sanaartornermut Immikkoortortaqarfimmut AC-fuldmægtigi

Namminersorlutik Oqartussat

Nuuk
Ikkunneqarpoq: 25-01-2022
Piffissaq atuuffissaa naassaaq: 16-02-2022
Suliffissamut ID normut: LJA-83282242
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Sanaartornermut Immikkoortortaqarfik assigiinngitsorpassuarnik suliassaqarfiulluni ulluinnarni ulapaarfiuvoq, taamaattumillu pikkorissummik tunniusimasumillu AC-fuldmægtigissarsiorluta. Immikkoortortaqarfimmi akisussaaffiit arlaqartut tamanit, politikkikkullu eqqumaffigineqartut iluini atorfik pineqarpoq.

Sanaartornermut Immikkoortortaqarfik suliassaqarfiit arlallit isumagisarai, matumani ineqarnermut immikkoortup kiisalu sanaartornermut immikkoortup iluini inatsisinik ingerlatsineq malinnaatitsinerlu ilanngullugit. Illup iluani avataanilu suleqatigisanik siunnersuinermut, inatsisissatut siunnersuusiornermut, inatsisissatullu siunnersuutinik nalilersuinermut kiisalu immikkoortortaqarfiup akisussaaffiisa iluini tusarniutinut akissuteqaatinut tunngatillugu inatsisinik sukuiaaneq, Sanaartornermut Immikkoortortaqarfiup inatsisinik ingerlatsinerani annermik suliarineqartarput.

Ineqarnermut immikkoortumut kiisalu sanaartornermut immikkoortumut inatsisinik ingerlatsinerup malinnaatitsinerullu saniatigut Qitiusumik Sanaartornermut Oqartussaaneq, Namminersorlutik Oqartussani sanatitsisutut oqartussaaneq, Namminersorlutik Oqartussat illuutinik piginnittuunera, Namminersorlutik Oqartussat Sillimmasiissutaat, illuliortiternermi aningaasalersuisarnermik aqutsineq kiisalu naalakkersuisoqarfimmi Aningaasaqarnermut Sulisoqarnermullu allaffeqarfiit immikkoortortaqarfiup isumagisarai. Tassunga tunngatillugu Sanaartugassanut Iluarsagassanullu Aningaasaateqarfimmik aqutsineq immikkoortortaqarfiup isumagisaraa.

Taamaalilluni immikkoortortaqarfimmi suliat siammasipput, aaqqiissutissallu suleqataaffigisagut inuiaqatigiinnut, nunattalu ineriartortinnissaani suliassarpassuit suliniuterpassuillu ineriartortitsiviusut piviusunngortinneqarnissaannut pingaaruteqarlutik.

Immikkoortortaqarfimmut inatsisit tunngasut, matumani nutaanik inatsisiliornerit, inatsisinillu pioreersunik naleqqussaanerit ilanngullugit akisussaaffigissavatit, soorluttaaq immikkoortortaqarfiup akissusaaffiisa iluini isumaqatiginninniarnernut, politikkikkullu ineriartortitsinernut ataavartumik suleqataassasutit. Naalakkersuisoqarfiup iluani immikkoortortaqarfiinit allanit inatsisinut tunngatillugu siunersiueqatigineqarsinnaanissat aamma naatsorsuutigisinnaavat.

Pingaartumik tulliuttut pingaarnertut suliassarissavatit:

  • Ineqarnermut tunngatillugu inatsisinik sukuiaaneq, inatsisinullu tunngatillugu ilitsersuineq
  • Inatsisilerineq, matumani inatsisissatut siunnersuusiorneq ilanngullugu
  • Politikkikkut aalajangiinissamut tunngavissanik il.il. suliaqarneq
  • Immikkoortumi Naalakkersuisumut ataavartumik sullissineq, matumani innuttaasunit saaffiginnissutinik akissuteqarnissaq, ataatsimiititaliamut sullissineq, inatsisiliornissamilu piareersaataasumik sulineq ilanngullugit
  • Immikkoortortaqarfiup iluani tusarniutinut akissuteqaasiorneq
  • Ineqarnermut immikkoortumut inatsisit iluini nakkutilliineq
Immikkoortortaqarfiit pitsanngorsarneqarsinnaasut eqaallisarneqarsinnaasullu takusinnaassavatit, soorluttaaq misissueqqissaarnikkut naliliinikkullu aaqqiissutissanik siunnersuuteqarsinnaassasutit.

Qinnuteqartoq piukkunnaatilik
Qinnuteqartoq piukkunnaatilik attuumassutilimmik ilinniagartuutut, assersuutigalugu cand. jur.-itut, cand. merc. Jur.-itut assingusumilluunniit ilinniagaqarsimassaaq. Pisortanit aamma/imaluunnit politikkikkut aqutami suliffeqarfimmi sulinermik misilittagaqaruit iluaqutaassaaq, tamannali piumasaqaataanngilaq.
  • Tulleriiaarilluinnarlutit sulisinnaavutit ilisimasassanillu katersuisinnaallutit, oqaatsillu paasiuminartut atorlugit ajornartorsiutit ingerlateqqissinnaassavatit. Attaveqaqatigiinnermi piginnaanitit pingaartinneqartorujussuussapput.
  • Suleqateqarsinnaavutit, misissueqqissaarsinnaavutit sulininnilu angusaqarusussuseqarlutit.
  • Pimoorussisuuvutit – akisussaaffimmik tigusinissamut suliniuteqarnissamullu kajumissuseqarputit piginnaasaqarlutillu.
  • Suleqateqarsinnaavutit, annerpaamilli sanaartugassanut suliniutit immikkoortuini tamani pitsaassutsimik siuariartortitsinissamillu namminersorlutit qulakkeerisinnaallutit.
  • Namminersorlutit sulisinnaavutit, immikkoortortaqarfimmili suleqatitit qaqugukkut siunersiueqatigissanerlugit ilisimaaraat, teknikkikkullu pisariusut pikkoriffigalugit.
  • Pisortat aqutsivianni sulineq misilittagaqarfigivat, ilinniakkannilli aamma naammasserlaajusinnaallutit.
Atorfimmi ilinnut piginnaasannullu annertuunik piumasaqartoqartarumaarpoq. Suliatigut piginnaaneqarluarnivit saniatigut inuttut arlallinik piginnaasaqassasutit, matumani siammasissumik tamat takunnissinnaassuseqarninnik annikitsortaannillu paasinnissinnaaninnik oqimaaqatigiissitsisinnaasutit, namminersorluni peqatigiillunilu sulinerup iluaqutissartai takusinnaassagatit kiisalu ileqqorissaartuusutit, pingaartorsiortuunngitsutit, sulinerullu nalaani illaqataasinnaasutit naatsorsuutigaarput.

Neqeroorutigaagut
Suliffimmi nuannaarneq, akisussaassuseqarnerlu ingiaqatigiillutik, ineriartortitsinissamullu akisussaaffeqarnissamik suliatigullu ineriartoqqinnissamut periarfissagissaarluni, Sanaartornermut Immikkoortortaqarfimmi sulineq pissanganarlunilu suliatigut unammillernarfiuvoq.
  • Nutaaliornermik nutaanillu eqqarsarnermik suliffeqarfik ukkatarinnittoq
  • Politikkikkut aalajangissat qanillugit Naalakkersuisoqarfimmi sulineq
  • Piumassuseqartunik suleqateqarluni persuarsiunngitsumik, ammasumillu suliffik
  • Inuttut suliatigullu unammillernartut pissanganartut
Persuarsiunngitsumik suleqatigiit oqaluuteriaaseqarput, ulluinnarnilu nalinginnaasumik ulapaarfiusumi isumagissaarlutik sulisarlutik, aammali suliffeqarnerup ilaqutariittullu inuunerup ataqatigiinnissaat ataqqineqarluni.

Ulloq atorfiniffissaq
Marsip aallaqqaataa, isumaqatigiissuteqarnikkulluunniit.

Soqutiginnippit?
Apeqqutissaqaruit Immikkoortortaqarfimmi pisortaq Embla Kristjánsdóttir, emki@nanoq.gl-imut attavigisinnaavat.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia