sullissivik.gl
Atorfimmut ussassaarummut oqaatsinut allanut nuunniarlutit tooruk

Sanaartornermut Nakkutilliisoqarfimmi suliniutinik aqutsisoq

Namminersorlutik Oqartussat

Nuuk
Ikkunneqarpoq: 08-10-2019
Piffissaq atuuffissaa naassaaq: 21-10-2019
Suliffissamut ID normut: LJA-76304665
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Attaveqarfissamut paasissutissat

Namminersorlutik Oqartussat

Embla Kristjánsdóttir 
Imaneq 1A - 601
Oqarasuaat +299 34 50 00

Ineqarnermut Attaveqaqatigiinnermullu Naalakkersuisoqarfik

Kalaallit Nunaanni illuliortiternermut sanaartornermullu suliassaqarfiup inissisimaneranik ineriartortitseqataarusuppit, aammalu Kalaallit Nunaanni pisortat sanaartornermut suliassaqarfianni ineriartortitseqataarusullutit?

Sanaartornermut Nakkutilliisoqarfimmi Namminersorlutik Oqartussat umiarsualivinnik illunillu sanaartornerini Namminersorlutik Oqartussat sanatitsisutut inissisimanerat, kiisalu illulianik sanaartukkanillu allanik sananermut, ilusilersuinermut inissitsiterinermullu atatillugu qitiusumik suliassat aalajangersakkallu isumagineqarput. Taamatuttaaq Sanaartornermut Nakkutilliisoqarfimmi  sanaartukkanik nutaaliorneq, ineriartortitsineq pitsanngorsaanerlu eqqarsaatigalugit anguniakkanut pingaarnernut tunngatillugu qitiusumik inissisimapput.

Sanaartornermut  Nakkutilliisoqarfimmi suliniutinut aqutsisussarsiorpoq, septembarip ulluisa 15-anni imaluunniit isumaqatigiissuteqarneq malillugu piaartumik atorfinittussamik.

Isumaqatigiissuteqarneq malillugu Nuummi imaluunniit Sisimiuni atorfinittoqarsinnaavoq.

Neqeroorutigaarput
Sanaartornermut Nakkutillissoqarfimmit sulineq avatangiisini pissanganartuni suliatigullu unammillernartuni, ineriartortitsinissamut akisussaaffeqarnissamut suliatigullu ineriartornissamut periarfissaqarfiusuni ingerlanneqarpoq.

• Suliffeqarfik nutaaliornissamik nutaamillu eqqarsarnissamik aallussiviusoq
• Naalakkersuisoqarfimmi politikkikkut aalajangiisarnerit qanillugit atorfik
• Sullivimmi avatangiisit pingaartorsiorfiunngitsut ammasullu, tunniusimasunik suleqateqarfiusut
• Inuttut suliatigullu unammilligassat, kiisalu ilinniaqqinnissamut periarfissat

Sanaartornermut Nakkutilliisoqarfimmi sulineq avatangiisini pissanganartuni suliatigullu unammillernartuni, ineriartortitsinissamut akisussaaffeqarnissamut suliatigullu ineriartornissamut periarfissaqarfiusuni ingerlanneqarpoq.

Pissusilersortarneq pingaartorsiorfiunngilaq, aammalu ulluinnaaat ulapaarfiusut isumagissaarfiupput, kisiannili aamma sulinerup ilaqutariittullu inuunerup ataqatigiinnissaat ataqqineqarluni.

Suliassaqarfiit
Sanaartornermi Nakkutilliisoqarfimmi suliniutinik aqutsisutut pingaarnertut umiarsualiveqarfinni, tassungalu ilanngullugu iluarsaassinerni aserfallatsaaliuinernilu suliassat kiisalu nutaanik sanaartornermi suliniutinik aqutsineq isumagisarissavat. Tamatuma saniatigut aamma Namminersorlutik Oqartussat illuliortiternerini suliniutini aqutsineq suliarissavat.

Tassalu sanaartukkat aallartinneriniit naammassinissaannut suliniuteqarnermut aqutsisutut aqutsineq isumagisarissavat. Tassunga assersuutigalugu ilaapput:

  • Pilersaarutinik aamma pilersaarusiassat suliarineqarnerinik imaluunniit pilersaarutinut tunngaviusunik allanik isumaginninneq
  • Sulianut najoqqutassanik ingerlaavartumik malinnaaneq pitsaassutsimillu qulakkeerinnittarneq
  • Pisortat allat suleqatigalugit neqerooruteqartitsisarneq aamma suliariumannittussarsiuussinerit inernerinut isummertarneq
  • Ulluinnarni aningaasaqarnermik aqutsinermut akisussaaffeqarneq, tassunga akileeqqusissutit, akiligassat, qularnaveeqqusiissutit il.il. ilanngullugit
  • Attaveqaqatigiinnermik isumagisaqarneq, soorlu pisortat suleqatigalugit entreprenørinut pilersuisunullu isumaqatigiissuteqarnissamut isumaqatiginninniarnerni
  • Suliap immikkoortuini tamani Namminersorlutik Oqartussat sinnerlugit sanatitsisutut sulineq kiisalu sanaartukkani ulluinnarni suliniutinik aqutsineq
Suliassatit sanaartukkanut tunngatillugu politikkikkut aalajangiinerni anguniakkat piviusunngortinnissaannut attuumassuteqassapput, kisiannili immikkoortortaqarfiugatta mikisunnguaq suliassat akimorlugit suleqatigiinnissaq eqaatsumillu aaqqiisinnaanissaq pisariaqarpoq.

Atorfimmut atatillugu angalangaatsiartarnissaq naatsorsuutigineqassaaq.

Qinnuteqartoq naleqquttoq
Qinnuteqartoq naleqquttoq teknikkikkut ilinniartitaanermik attuumassutilimmik, soorlu teknikeritut, illunik ilusilersuisartutut, issittumi ingeniøritut ilinniagaqarsimassaaq. Nutaanik sanaartornermi, ingerlatsinermi aserfallatsaaliuinermilu suliniutinik aqutsinermik misilittagaqarneq iluaqutaassaaq, piumasaqaataanngilluinnarporli.

Iliniakkaminnik naammassinneqqammersut atorfimmut qinnuteqarnissamut kajumissaarneqarput.

Atorfimmi ilinnut piginnaasannullu annertuunik piumasaqartoqartarnera misigisussaavat. Suliatigut annertuunik piginnaaneqarnerpit saniatigut inuttut arlalinnik piginnaasaqarnissat naatsorsuutigaarput, taakkunungalu sulianik annertuumik paasisimaarinnerup aammalu immikkoortunut paasisimaarinninnerup akornanni oqimaaqatigiissitsisinnaanissat, namminersornerup ataatsimullu pilersitsisinnaanerup akuleriissinneqarnerini iluaqutissanik takunnissinnaanissat, kiisalu ileqqorissaarlutit, pingaartorsiornak qiimallutillu – ilaanneeriarluni – ulluni ulapaarfiusuni sulisinnaanissat ilaatinneqarput.

Kalaallisut oqaatsinik inuiaqatigiinnillu ilisimasaqarluarnissat piumasarineqarpoq, kiisalu politikkikkut anguniakkanik pingaarnernik ilisimasaqarluarnissat piumasarineqarluni.

Pingaarnertut pisortat sanaartorneranni sulinitsinni malunniuteqarnissamut sunniuteqarluarnissamullu piumassuseqassaatit. Ulluinnarni ulapaarfiusuni toqqissisimasinnaassaatit, paasisimaarinnillutit isumassarsiat iliuuseqarnermik kinguneqartissinnaassallugit.

Paasissutissat annertunerusut
Apeqqutissaqaruit Immikkoortortaqarfimmi pisortaq Embla Kristjánsdóttir, emki@nanoq.gl, attaveqarfigisinnaavat.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut