Sanarfinermut Avatangiisinullu Eqqakkanik Sullissivimmi fuldmægtigi / Kontorfuldmægtig til Affaldscenteret

Kommuneqarfik Sermersooq

Nuuk

Ikkunneqarpoq: 29-07-2024

Piffissaq atuuffissaa naassaaq: 19-08-2024

Suliffissamut ID normut: 331600069

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq

Atorfiup taaguutaa: Kontorfuldmægtig

Misilittakkat - Annertunerusumik: Engageret, Selvstændig, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Sanarfinermut Avatangiisinullu Ingerlatsivik allaffimmi fuldmægtigimik pissarsiorpoq, Eqqakkanik Sullissivimmi sulisut allat peqatigalugit, isumaqatigiissuteqarnikkut Eqqakkanik Sullissivimmi suliassanik isumaginnissinnaasumik.

Allaffimmi tassani innuttaasunut qanimut attuumassuteqarlutit suliassanik assigiinngisitaartunik ullut suliffissat assigiinngitsut unammilligassallillu suliffigissavatit. Eqqakkanik Sullissivimmi allaffissornermi sulisut katillutik pingasuupput, aammalu eqqakkanik tigooraavimmi sulisut arfineq sisamaallutik, taamaattumik suleqatigiinnut amerlanngitsunut akuulissaatit imminnut qanimut suleqatigiittunut. Sulinitsinni pingaartitaraarput immitsinnut ataqqeqatigiinneq, tamatta akisussaaffimmik tigusisinnaanerput aamma ataatsimoorluta immikkoortortamik ingerlatsivimmillu ineriartortitsinnaanerput.

Eqqakkanik Sullissivimmi suliassat makkua ilaatigut ingerlataraavut:

·Qulakkiissallugu eqqakkanik aaqqissuussinerit malinnaatinneqarnissai aammalu atuisut eqqortumik akiligassiisuteqarfiginissai

·Innuttaasunut qanimut attaveqarneq, eqqakkat pillugit innuttaasunit saaffiginnissutit pillugit

·Suliffeqarfinnut qanimut attaveqarneq, eqqakkat passunneqarnissaanut tunngatillugu suliffeqarfinniit saaffiginnissutit pillugit

·Eqqakkanik Sullissivimmi ulluinnarni suliffeqarfiup ingerlanerani suleqataaneq, aaqqiissutissanullu suleqataaneq (ad hoc)

·Ingerlatsinermi kontonut inissitsiterineq

·Innuttaasunut suliffeqarfinnullu akiligassiissutit

·Eqqakkanik tigooraavimmi sulisut tiimiisa kiisalu akissarsiat allagartaanut sullissinerit

·Sullissiviup suliniutaanut sulisut allat peqatigalugit peqataanerit, ilaatigut eqqagassanik annertuunik katersinermi

·Eqqakkanik ulorianartunik nassiussinerit

·Kommuunip immikkoortortaqarfii Nuup avataaniittut suleqatigineri

·Eqqakkanik nalunaarsuinerit

Naatsorsuutigaarput illit:

·Kiffartuussinissamik eqqarsariartaaseqartuusutit ammasuullutillu

·Allaffimmiutut ilinniagaqartutit

·Kommunit aaqqissuussaanerannik ilisimasaqartutit

·Aaqqissuussanik digitaliusunik aamma suleriaatsinik ineriartortitseqataasinnaasutit

·Inussiarnertuusutit ilakkuminarlutillu

·Akaarinnittuusutit

·Pisariaqartillugu immikkut suliniuteqarnissaq akuersaarsinnaagit

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaarput:

Atorfik unammillernartoq imarisaanik nammineq sunniuteqarnissamut periarfissaqartoq, suliffeqarfimmilu ineriartortumi allanngoriartortumilu annertuumik namminerisamik akisussaaffeqarsinnaasoq. Atorfimmut suliffimmullu pitsaasumik sungiussititsinissaq pingaartipparput, suleqatigiilluartoqarnissaallu qulakkeerusullugu, aqutsisut qanimut suleqatiginerisigut aammalu aallartitsinissamut assigiinngitsunillu suliaqartarnissamut inissaqartitsisumik.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Margrethe Rosing Hegelung, oqarasuaat +299 34 74 13 imaluunniit e-mail: mroh@sermersooq.gl

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 786-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.