Saqisoq, Eqi / Tjener, Eqi

World of Greenland

Ilulissat

Ikkunneqarpoq: 21-02-2025

Piffissaq atuuffissaa naassaaq: 17-03-2025

Suliffissamut ID normut: 331601440

Atorfeqarnermi atugassarititaasut: Tamakkiisoq

Suliassaqarfik: Akunnittarfik & neriniartarfik

Atorfiup taaguutaa: Tjener

Misilittakkat - Annertunerusumik: Hotel- og restaurant

Oqaatsit:

Danskisut	Atuarneq/ oqalunneq
Tuluttut	Atuarneq/ oqalunneq

Asimi inuilaarsuarmi illuaraqarfimmi Glacier Lodge Eqi-mi saqisunngorit. Tassani Kalaallit pisarititai atorlugit pitsaasunik qaarsillarnartunik nerisassiortarpugut – sermeq iigartartoq isikkiviliullugu!

World of Greenland 2025-mi juunip qeqqaniit septembarip qeqqata tungaanut saqisussarsiorpoq.

Eqimi aasaq immikkuullarissoq misigisaqarfiusarpoq. Taakani sineriak allamik soqanngilaq taamaallaat uagut inuilaarsuarmi illuaraqarfipput Glacier Lodge Eqi – neriniartarfik, illuaqqat 23-it toqqillu ilorrisimaarnartut arfinillit, Ilulissat avannaanni 80 km-inik ungasissusilimmi Eqimi sermeq iigartartoq sermersuarlu angeqisoq sanileralugit inissisimasut.

Taamaammat Eqi atugartuussutsimit ungasissumiippoq. Tassani nammineq imermut saliiveqarpugut, innaallagiaq seqernup qinngornerinik katersivinneerlunilu sillimmataasumi sarfaliuummeersuuvoq. Immakkut angallammut qulimiguulimmilluunniit ilaalluni aatsaat maanga pisoqarsinnaavoq, oqarasuaatit attaviinut Wi-Fi-mullu ungaseqaluni.

Ullut sulinngiffiit Eqimi Ilulissanilu, nunatsinni illoqarfiit annersaasa pingajuanni, atorneqartarput.

Glacier Lodge Eqi-mi saqisutut illuaraqarfiup neriniartarfiani nerisassanik imeruersaatinillu sassaalliineq akisussaaffigaat. Tamatuma peqatigisaanik tikeraanut annertuumik attaveqarputit, tikeraallu najugaqarnertik tamaat tikilluaqqusaasutut misiginissaannut pingaaruteqarlutit. Taamaalilluni tikeraat annertuunik misigisaqarlutik Eqi-mit aallartarnissaannut pingaarutilittut inissisimavutit. Saqisutut; igasut, angallassisartut illuaraqarfimmillu aqutsisoq ilanngullugit, suleqatigiit inuusukaat aqqaneq marluk 14-illu akornanniittut akuuffigilissavatit. Eqi-mi illuaraqarfimmi sulisut tamarmik suleqatigiipput suliassanillu kivitseqatigiillutik. Pisariaqaraangat ikioqatigiittarpugut.

Tikeraat nerisussat 70-it pallittut, tamarmik ullaakkorsiutinik (angallassisartunit sassaalliutigineqartussat), ullup qeqqani iffiaq qaqortumik patsitsitamik illinnartumik (sandwich) (tikeraat amerlanersaat ullup qeqqani angalaartarmata) unnukkullu nerisassanik siuleqqiuteqarlutillu kinguleqqiutitalinnik sassaallerfigisassat inissaqartippagut.

Saqisutut ukkassassavit pingaarnersaat tassaassapput ullup qeqqasiornernut unnukkullu nerinernut atatillugu sassaallerneq aammali ualip ingerlanerani immikkut ittumik imigassanik sassaallerneq (happy hour). 

Tikeraani amerlasuuni Glacier Lodge Eqi nunatsinnut angalanermi misigisassani pingaarnerpaajusarpoq, tamannalu pinerit tamaasa pitsaanerpaanik tunniussisinnaanissamik uatsinnut piumasaqaatitaqarluni. Glacier Lodge Eqi-mi kiffartuussineq qaffasissumik pitsaassuseqarpoq, suleqatigiilli akornanni persuarsiorfiunani tikeraanik oqaloqateqallattaarfiusarluni.

Piginnaasatit

• Nunatsinneersuuvutit imal. nunatsinnut immikkut atassuteqarlutit soqutiginnillutilluunniit.
• Ajornanngippat saqisutut misilittagaqarputit.
• Pitsaasumik isiginnittariaaseqarputit piumassuseqarluarlutillu – ulapaarfinnittaaq.
• Akisussaassuseqarputit, tikeraallu tikilluaqqusaasutut takuneqartutullu misigitinnissaa soqutigisaralugu.
• Qiimasuuvutit, suleqatigiinnerup pingaassusaa paasisimavat, suleqatit peqatigalugit pitsaasumik ataatsimooqatigiinnissamik pilersitseqataanissaq kissaatigalugu.
• Oqarasuaammut attaveqanngitsumi atugartuussuserlu qimallugu piffissamik annertuumik atuinissaq siooraginngilat.
• Siumut naatsorsoruminaassinnaasut siooraginngilatit ajornartorsiuteqaleriataarpallu aaqqiissutissanut isumassarsiullaqqissuullutit

Neqeroorutigut

• Suliffeqarfimmi inuusukaami, suliffimmi kajungernartumi immitsinnut paarineq.
• Isumaqatigiissuteqarnikkut akissarsiaqarneq.
• Ilulissani akikitsumik inissaqartitaaneq.
• Københavnimiit imal. nunatsinni mittarfiit arlaanniit Ilulissanut, atorfeqarnerlu naappat uterlugu akeqanngitsumik timmisartukkut angalanissamut bilitsimik pissarsineq
• Akisussaaffik annertooq ilikkagaqarnissamut piginnaasanillu inerisaanissamut periarfissalik.

• Sulinerup nalaani misigisassat pissanganartut ullorlu suliffik tamatigoortoq.
  
  

Soqutiginnippit?

Qinnuteqaatit qinnuteqarnermilu immersugassaq immersukkat uunga nassiutikkit:

JOB@WOG.GL

Qinnuteqarfissaq kingulleq: 17.08.2025

Qinnuteqaatit tiguneqaraangamik naliliivigineqartassapput

Qinnuteqartunik Ilulissaninngaanneersunik 16.03.2025 kingorna naapillugit oqaloqateqarnerit ataavartumik ingerlanneqassapput. 

Qinnuteqartunut Kalaallit Nunaanneersunut (Ilulissat saniatigut) oqarasuaatikkut oqaloqatigiinneq 17.03.2025 kingorna ataavartumik ingerlanneqassapput.

Qinnuteqartunut Danmark-iminngaanneersunut Københavnimi 08.03.2025 naapeqatingiittoqassaaq.

Qinnuteqaatit tamaasa 15. februar nalilersussuagut, tamannalu kingorna akissutissamik nassiussissaagut oqaloqatigerusunnerlutit.

Atorfik pillugu paasissutissat annertunerusut ingerlatsinermi pisortaq Astrid oqarasuaatikkut +299 546821 attavigalugu pissarsiarineqarsinnaapput.