Saqisoq, Ilimanaq Lodge / Tjener, Ilimanaq Lodge

World of Greenland

Ilulissat

Ikkunneqarpoq: 21-02-2025

Piffissaq atuuffissaa naassaaq: 17-03-2025

Suliffissamut ID normut: 331601443

Atorfeqarnermi atugassarititaasut: Tamakkiisoq

Suliassaqarfik: Akunnittarfik & neriniartarfik

Atorfiup taaguutaa: Tjener

Misilittakkat - Annertunerusumik: Hotel- og restaurant

Oqaatsit:

Danskisut	Atuarneq/ oqalunneq
Tuluttut	Atuarneq/ oqalunneq
Kallaallisut	Atuarneq/ oqalunneq

Illuaraqarfitsinni Ilimanaq Lodge-mi saqisunngorit.  Tassani kalaallit pisarititai atorlugit pitsaasunik qaarsillarnartunik tikeraagut nerisassiuullugit sassaallerfigisarpagut.

Ilimanaq nunaqarfeeraavoq 60-it inorlugit innuttaasulik. Avatangiisigissaartumi inissisimavoq Ilulissap kujataaniilluni 15 kilometerimik ungasitsigisumik. Maani periarfissaavoq nunaqarfik kusanagaartoq ulluinnarsiutiginissaa. Taakani iluliarsuit arferillu takussaajuarlutik.

World of Greenland 2025-mi juunip qeqqaniit septembarip qeqqata tungaanut saqisussarsiorpoq.

Ilimanami oqarasuaatit nittartakkallu attaveqarput, taamaattorli illoqarfissuaq, neriniartarfiit, pisiniarfissuit inuppassuillu qimallugit inuuneq misigisassaalluni. Taamaallaat immakkut angallammut qulimiguulimmilluunniit ilaalluni Ilimanaq tikinneqarsinnaalluni. Taakani inuuneq eqqissisimasoq atungaavoq, piffissaqarluarnarlunilu asi avatangiisiusoq misigisassarsiorfigilluarnissaa, nunaqarfillu nuannigaartoq ulluinnarsiutiginissaa.

Ullut sulinngiffiit Ilimanami Ilulissanilu, nunatsinni illoqarfiit annersaasa pingajuanni, atorneqartarput.

Ilimanami neriniartarfitsinni inunnut 30-anut inissaqarpoq. Tikeraartut misigisassaannut neriniartarfik pitsaasuunissaa pigaaruteqaqaluni. Taakani saqisutut nerisassanik imeruersaatinillu sassaalliineq akisussaaffigissuat. Sassaalliinermi pigaaruteqartoq nerisanut tunngatillugu misigisat tamarmik qaffasissumik pitsaassuseqqarnissaat aamma akisussaaffiussaaq. Ilimanaq Lodge-mi suleqatigiinneq qanilaartoq atorneqarpoq, suleqatigissallugit igasut pingasut, saqisut sisamat, illuaqararfimmi aqutsisut naggataatigullu eqqiaasut.

Saqisutut suliassarisassavit annerpaarivaa ullaakkorsiutinik, ulloqeqqasiutinik unnukkorsiutinillu sassaalliineq, neriniartarfimmi piareersaassineq, saniatigullu suliassat allat takkussuussinnasut suleqatitit peqatigalugit suliarisarnissai.

Tikeraani amerlasuuni Ilimanaq Lodge nunatsinnut angalanermi misigisassani pingaarnerpaajusarpoq, tamannalu pinerit tamaasa pitsaanerpaanik tunniussisinnaanissamik uatsinnut piumasaqaatitaqarluni. Ilimanaq Lodge-mi kiffartuussineq qaffasissumik pitsaassuseqarpoq, suleqatigiilli akornanni persuarsiorfiunani tikeraanik oqaloqateqallattaarfiusarluni.

Piginnaasatit

• Nunatsinneersuuvutit imal. nunatsinnut immikkut atassuteqarlutit soqutiginnillutilluunniit.
• Ajornanngippat saqisutut misilittagaqarputit.
• Pitsaasumik isiginnittariaaseqarputit piumassuseqarluarlutillu – ulapaarfinnittaaq.
• Akisussaassuseqarputit, tikeraallu tikilluaqqusaasutut takuneqartutullu misigitinnissaa soqutigisaralugu.
• Qiimasuuvutit, suleqatigiinnerup pingaassusaa paasisimavat, suleqatit peqatigalugit pitsaasumik ataatsimooqatigiinnissamik pilersitseqataanissaq kissaatigalugu.
• Atugartuussuseq qimallugu piffissamik annertuumik atuinissaq siooraginngilat.
• Siumut naatsorsoruminaassinnaasut siooraginngilatit ajornartorsiuteqaleriataarpallu aaqqiissutissanut isumassarsiullaqqissuullutit

Neqeroorutigut

• Suliffeqarfimmi inuusukaami, suliffimmi kajungernartumi immitsinnut paarineq.
• Isumaqatigiissuteqarnikkut akissarsiaqarneq.
• Ilulissani akikitsumik inissaqartitaaneq.
• Københavnimiit imal. nunatsinni mittarfiit arlaanniit Ilulissanut, atorfeqarnerlu naappat uterlugu akeqanngitsumik timmisartukkut angalanissamut bilitsimik pissarsineq
• Akisussaaffik annertooq ilikkagaqarnissamut piginnaasanillu inerisaanissamut periarfissalik.

• Sulinerup nalaani misigisassat pissanganartut ullorlu suliffik tamatigoortoq.
  
  

Soqutiginnippit?

Qinnuteqaatit qinnuteqarnermilu immersugassaq immersukkat uunga nassiutikkit:

JOB@WOG.GL

Qinnuteqarfissaq kingulleq: 17.03.2025

Qinnuteqaatit tiguneqaraangamik naliliivigineqartassapput

Qinnuteqartunik Ilulissaninngaanneersunik 17.03.2025 kingorna naapillugit oqaloqateqarnerit ataavartumik ingerlanneqassapput. 

Qinnuteqartunut Kalaallit Nunaanneersunut (Ilulissat saniatigut) oqarasuaatikkut oqaloqatigiinneq 17.03.2025 kingorna ataavartumik ingerlanneqassapput.

Qinnuteqartunut Danmark-iminngaanneersunut Københavnimi 08.03.2025 naapeqatingiittoqassaaq.

Qinnuteqaatit tamaasa 17 marts nalilersussuagut, tamannalu kingorna akissutissamik nassiussissaagut oqaloqatigerusunnerlutit.

Atorfik pillugu paasissutissat annertunerusut ingerlatsinermi pisortaq Astrid oqarasuaatikkut +299 546821 attavigalugu pissarsiarineqarsinnaapput.