Sisimiuni Teknikkeqarnermut Avatangiisinullu Immikkoortortaqarfik pilersaarusiortumik pissarsiorpoq / Ambitiøs byplanlægger søges til Området for Teknik og Miljø i Sisimiut

Qeqqata Kommunia

Sisimiut

Ikkunneqarpoq: 17-09-2024

Piffissaq atuuffissaa naassaaq: 02-10-2024

Suliffissamut ID normut: 331600570

Atorfeqarnermi atugassarititaasut: Tamakkiisoq

Suliassaqarfik: Ingeniøri & pinngortitalerineq

Atorfiup taaguutaa: Byplanlægger

Ilinniagaq:

Misilittakkat - Annertunerusumik: Byplanlægning

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Isumaqarluartumik imalimmik siunertamillu naleqartitsilersartumik pissanganartumik suliffittaarusuppit?

Qeqqata Kommunia maannakkut pissanganartumiilluni ulapaarfiusumiillunilu pisoqarfiungaatsiartumiippoq, ilaatigut kommunimut pilersaarut nutaarluinnarmik misissuiffigineqartussanngorlunilu tamakkiisumik pilersaarut Pilersaarusiornermut inatsit nutaami allannguutit malillugit ilusilersorneqarlunilu ingerlanneqarluni suliarineqartussanngorpoq. Pilerinassuseq, siuarsaaneq, isumaginninnikkut pigiliussinissaq aamma inuussutissarsiuteqartunut pitsaanerpaamik sinaakkusiineq ukkataralugit illoqarfinni, nunaqarfinni asimilu illuliassanik sanaartugassanillu angisuunik mikisunillu arlalinnik kommunalbestyrelse aallartitsereersimalerpoq.

Taamaattumik Teknikkeqarnermut Avatangiisinullu Immikkoortortaqarfiup ilaanni Pilersaarusiornermut Immikkoortortaqarfik illoqarfimmik pilersaarusiortumik angusaqarusuttumik pissarsiorpoq. Siunissaq ungasinnerusoq eqqarsaatigalugu pilersaarusiorluakkamik pilersaarusiornikkut, ulluinnarni ingerlatsinikkut nutaaliortunillu paasinnissinnaanermik siunissaq sunniuteqaqataaffigerusuppiuk?

Suliassat akisussaaffiillu:

• Kommunimut pilersaarusiornerit, ilaatigut immikkoortut ilaannut pilersaarutit, illoqarfimmut pilersaarutit, pingaarnertut pilersaarutit, tamakkiisumik pilersaarutit periusissiornermilu pilersaarutit pilersaarusiornermut pisortaq qanimut suleqatigalugu suliarineqarneri.

• Suliffiup iluani avataanilu sulianik ilisimasalittut sullissineq siunnersuinerlu.

• Qinikkanik oqaluuserisassanik sulianik saqqummiussassaliorneq, nassuiaasiornerit assigisaannillu suliaqarnerit.

Piginnaasaqarfiit:

• Naleqquttumik ingerlariaqqiffiusumik ilinniagaqarsimassaatit ajornanngippallu kalaallit inuiaqatigiivisa atugaannik kulturiannillu ilisimasaqassallutit.

• Illoqarfimmik pilersaarusiornermik misilittagaqarputit aamma illoqarfimmik pilersaarusiornermik, piviusunngortitsinermik misissueqqissaarnermillu ilisimasaqartuuvutit.

• Isumassarsiarpassuaqassaatit, takorluugaqartoq taavalu kinaassutsimik aamma illoqarfinni, nunaqarfinni asimilu ataatsimut naleqassutsimik pilersitserusullunilu ineriartortitserusuttoq

• Allattariarsornikkut, oqaatsit titartakkallu atorlugit attaveqaqatigiinneq pikkoriffigaatit.

• Ukkassisinnaaneq annikitsuarakkuutaallu ajornarsinnaasut attatiinnartillugit assigiinngitsunik suleqateqarusussuseqassaatit malinnaasinnaassuseqarluarlutillu.

• Ingerlatsivimmi ingerlatsinerit inatsisillu attuumassuteqartut ilisimasaqarfigissavatit.

• Politikkikkut aaqqissuussaasumi suleriutsinik ilisimaarinninnissaq.

• Marloqiusanik kultureqarfiusumi namminersorlutit angusaqarfiusumillu sulisinnaassaatit.

• Ajornanngippat arlalinnik oqaaseqartuussasutit, kalaallisut, qallunaatut tuluttullu.

Akissarsiat atorfininnermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik allaffissornikkut Sisimiuni inissisimavoq, Sisimiunilu pilersaarusiornermut pisortap ataani aaqqissuussaanikkut inissisimalluni.

1. November 2024 isumaqatigiissuteqarnikkulluunniit sulilertoqassaaq.

Atorfik pillugu paasissutissat annertunerusut, pilersaarusiornermut pisortamut Piet Rosemut, oqarasuaat (+299) 86 74 64-imut imaluunniit e-mail: piet@qeqqata.gl-imut saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassaaq.

Pilersaarusiornermut immikkoortortaq pillugu

Pilersaarusiornermut immikkoortortaqarfik Teknikkeqarnermut Avatangiisinullu Immikkoortortaqarfimmiippoq, tassaniipporlu Ingerlatsinermut Immikkoortortaqarfik aamma Sanaartornermut Immikkoortortaqarfik. Pilersaarusiornermut immikkoortortami pilersaarusiornermut pisortap saniatigut illoqarfimmik pilersaarusiortoqarpoq kiisalu nunaminertalerisut marluk.

Nittartakkatsinni www.qeqqata.gl/ansat kommunimi sulisut assigiinngitsut pillugit atuarsinnaavatit.