Sisimiuni Utoqqaat angerlarsimaffiat Qupanummi Iggavimmi immikkoortortami aqutsisoq

Qeqqata Kommunika

Ikkunneqarpoq: 12-06-2024

Piffissaq atuuffissaa naassaaq: 26-06-2024

Suliffissamut ID normut: LJA-85542002

Atorfeqarnermi atugassarititaasut: Tamakkiisoq

Suliassaqarfik: Allat

Immikkoortortami aqutsisutut najugaqartunut 43-nut kiisalu utoqqarnut innuttaasunut 20-25-nut (nerisassanik pajuttuineq) iggavimmi sulisut arfinillit, taakkunannga sisamat inuussutissalerinermut ikiortitut ilinniarsimasut) tunniusimasut peqatigalugit nerisassioqataanissamut piumassuseqartuussaatit. Ukiut kingulliit ingerlanerini utoqqaat angerlarsimaffiat ineriartornikooqaaq, illillu qitiusumik inissisimassaatit, aqutsisut sulisullu allat peqatigalugit utoqqaat angerlarsimaffiata ineriartuinnarnissaanut tunniusseqataassallutit.

Iggavimmi immikkoortortami aqutsisutut nerisassanut nerisassallu allattorsimaffianik, matumani pisiniarneq namminerlu nakkutilliineq ilanngullugit pilersaarusiornermut akisussaasuussaatit aammalu ingerlatsinermut kiisalu nerisassanut akissarsianullu missingersuutinik malinninnissamut akisussaasuussalutit.

Iggavimmi suliaqartarneq aaqqissuussinnaavat aamma pitsaasumik suleqatigiinnissaq qitiutillugu kiisalu sulinermi akunnerit agguataarnerat suliaralugu. Tunngaviusumik nerisassiorneq misilittagaqarfigigit nerisassanillu sinneqartarneq annikinnerpaamiisissinnaallugu.

Iggavimmi eqqiaaneq tamanut pingaarutilimmik sunniuteqartuuvoq, inuunerup pitsaassusaanut tuniluutitsinissamillu pinaveersaatitut. Iggavimmi immikkoortortami aqutsisutut immikkoortumi maleruagassat pitsaassutsimillu malitassanik atuuttunik malinninnissamut pingaarnertut akisussaasuussaatit.

Iggavimmi immikkoortumi aqutsisutut aaqqiissuteqarsinnaassaatit, aalajaatsuullutit, ersarissuullutit, siuttuullutit ilutigitillugulu kinguleruttoortunut takunnissinnaassuseqassaatit. Suleqatinut, suleqatigisanut, najugaqartunut ilaqutaanullu tunngatillugu ammasuusutit, akuutitsisuusutit akuersaartumillu periuseqartutit aammalu inuit assigiinngissutaannik inissaqartitsisinnaasuusutit. Pigaartut akunnerinik agguaassinermik allaffissornermillu, tamanna atorfiup 40 %-erimmagu misilittagaqartutit, aammalu pitsaasumik attaveqatigiinnerup pingaassusaa paasilluarsimagit. Sulinermi kalaallisut qallunaatullu oqaatsit atorneqarput.

Utoqqaat angerlarsimaffiat Qupanummi atugarissaarneq inuunerissaarnerlu pingaartippagut. Uagut pilluta uani paasissutissanik annertunerusunik atuarsinnaavutit: https://www.qeqqata.gl/emner/borger/familie_pleje_omsorg/aeldre/plejehjem_qupanuk?sc_lang=da.

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerluuteqarsimannginnermik allagartaq politiinit tigoreernerata kingorna.

Akissarsiat atorfeqartitaanermullu atugassarititaasut:

Akissarsiat atorfeqarnermullu atugassarititaasut, Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu immikkoortortami aqutsisutut akissarsiaqartitsisoqassaaq. Ukioq allortarlugu ilinnut ilaqutannullu akiliunneqarluni sulinngiffimmi angalaneq.

Qaammatini pingasuni misiligummik atorfinitsitsisoqassaaq.

Ineqarneq

Atorfimmut tunngatillugu inissamik pisatsersugaanngitsumik inissaqartitsisoqarsinnaavoq. Malittarisassat atuuttut naapertorlugit inigisamut qularnaveeqqummullu akiliisoqartassaaq. Atorfininnermi ilinnut ilaquttannullu pequtit assartorneqarnerannut angalanermullu akiliuteqartoqassaaq.

Atugarissaarneq aamma Peqqissuseq

Qeqqata Kommuniani sulisut illoqarfiup timigissartarfiani akeqanngitsumik atuinissamut neqeroorfigitittarput.

Atorfiniffissaq ulloq 1. august isumaqatigiissuteqarnikkulluunniit

Atorfik pillugu paasissutissat annertunerusut Utoqqaat angerlarsimaffiani pisortaq Peter Mattaaq oqa.: 86 73 50 imaluunniit e-mail: pema@qeqqata.gl atorlugit saaffigineratigut pissarsiarineqarsinnaapput

Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq nassiunneqassapput.