sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådgiver eller Sagsbehandler Nanortalik

Kommune Kujalleq

Nanortalik
Ikkunneqarpoq: 12-05-2021
Piffissaq atuuffissaa naassaaq: 13-06-2021
Suliffissamut ID normut: LJA-82090465
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Allaffik & allaffissorneq, Isumaginnittoqarfik

Nanortalimmi Meeqqat inuusuttut ilaqutariillu immikkoortortaqarfianni isumaginninnermik siunnersortissarsiorpugut/sullissisusarsiorpugut

 

Aaqqissukkamik sulisarpit, suliannut pikkorissuuit, pitsaassutsimik pingaartitsisuuit aamma isumaginninnermi siunnersortitut assingusumilluunniit ilinniagaqarpit? Taava immaqa illit Meeqqanut Inuusuttuaqqanullu suliassaqarfimmi isumaginninnermut siunnersortissaaraarsi/sullissisussaraarsi nutaaq nalunaarutiginninnernut misissuinernut iliuusissatullu pilersaarusiornernut akisussaasussaq.  Atorfik juulip ulluisa aallaqqaataani 2021-mi isumaqatigiissuteqarnikkulluunniit inuttalerneqassaaq.

 

Kommune Kujalliup Nanortalimmi eqqaanilu Meeqqanut tunngasuni suliniutit ineriartortikkusuppai. Meeqqanut Inuusuttuaqqanullu suliassaqarfimmi nalunaarutiginnilluni, misissuilluni, iliuusissatullu pilersaarusiorluni sullissineq pitsaasoq, sulianullu ilisimaqarluarneq aallukkusuppavut, taamaattumillu suliaqqarfimmi tassani isumaginninnermi siunnersorti/sullissisoq ineriartortitseqataarusuttoq kivitseqataarusuttorlu pisariaqartipparput.  Meeqqanut Inuusuttuaqqanullu suliassaqarfimmi suliat suliarineqartarnissaat kiisalu suliassaqarfimmi tapersersuinikkut ikiorsiiniutit inatsimmut naapertuullutik malitseqartinneqartarnissaat, oqartussanut siunnersuisarneq, suliniuteqarnerillu tamarmik isumaginninnikkut misissuinernit, suliamut ilisimasallit naliliiffiginninnerannit, iliuusissatullu pilersaarutinik aalajangersimasunik tunngaveqartarnissaat isumannaarneqartassaaq

 

Naatsorsuutigaarput illit:

  • Isumaginninnermik siunnersortitut assingusumilluunniit ilinniarsimasuusutit suliassaqarfiullu iluani misilittagaqartuusutit.
  • Suliassaqarfiup iluani inatsisilerineq suliassanillu suliaqarnissamut misilittagaqartuusutit.
  • Suleqatiginnilluarsinnaasutit, susassaqarfiillu akimorlugit suleqatiginnissinnaasutit.
  • Isumaginninnermi pikkunartunik suliassaqarfiusumi sunniuteqaqataallutit iliuuseqarusussuseqartuusutit.
  • Aaqqissugaasumik sulisartutit, tatiginartuusutit, tunniusimasuusutit akisussaassusermillu pingaartitsisuusutit.
  • Pissuserissaarnissamut takujuminarnissamullu piumasaqaatinik malinnissinnaasutit.
  • Sullitannut attaveqarluartuusutit, attaveqaqateqallaqqittuusutillu.
  • Tarnikkut nukitussasutit.
  • Aaqqiagiingissutinik iluarsiilluarsinnaassasutit.

 

Tamatuma saniatigut pingaartipparput:

  • Inuttut aalajaatsuunissat pitsaassutsimillu pingaartitsisuunissat, pisunik aalajangersimasunik nassuiaallaqqitsuunissat misissueqqissaarsinnaanissallu
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Sulianut atatillugu eqaatsuunissat, ataavartumillu suliat agguataarneqartarnerannik nalimmassaalluarsinnaasuunissat
  • Ulluinnarni ulapaarfiusuni aallussisinnaanissat aaqqissuisinnaassuseqarlutillu sulisinnaanissat
  • Suliassaqarfiup ataavartumik ineriartortinnissaanut eqeersimaartumik immersueqataanissat
  • Qinnuteqartoq marluinnik oqaasiliunissaa (kal/qa) orniginartinneqarpoq.

 

Suliassat:

  • Nanortalimmi eqqaanillu eqeersimaartumik orniguttarluni meeqqanik nakkutilliineq tamatumani nunaqarfinnut angalaneq
  • Tigooraaneq, nalunaarsuineq, uppernarsaasiorneq nalunaarutigineqartunillu nalilersuineq
  • Isumaginninnikkut misissuineq
  • Iliuusissatut pilersaarusiorneq
  • Tapersersuinikkut ikiorsiissutissanik toqqaaneq
  • Meeqqanik oqaloqatiginninneq
  • Susassaqarfiit akimorlugit suleqatigiinneq
  • Inassuteqaatinik aalajangiineq
  • Tapersersuinikkut ikiorsiissutinik malitseqartitsineq
  • Attaveqarfiit ataatsimiittarneranni suliassalerineq
  • Meeqqat angerlarsimaffiup avataanut inissinneqarsimasut angajoqqaavinut attaveqarneq
  • Angerlarsimaffiup avataanut inissiiniarnerup unitsinneqarnerata kingorna suliniuteqareernermi malinnaatitsineq suliniuteqarnerlu
  • Meeqqanut suliassaqarfimmi suliniutinut atatillugu isumaginninnikkut ikiorsiissutinik tunniussineq
  • Isumaginninnermi pigaartuusarneq
  • Sulinnginnerit peqqutigalugit suliassanik tuaviussassanik suliaqarneq

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Neqeroorutigisinnaavarput atorfik meeqqanut inuusuttuaqqanullu suliassaqarfimmi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.

 

Akissarsiat atorfimmilu atugassarititaasut isumaqatigiissutut mannamut atuuttut naapertorlugit, matumani atorfininnermi soraarnermilu angalaneq pequtillu assartorneqarneranut pisinnaatitaaffik.

 

Atorfik pillugu paasissutissat sukumiinerusut kiisalu atorfiup allaaserineqarnera Fagchef Ivalu Lund e-mailimut uunga attavigineratigut pissarsiarineqarsinnaapput ivlu@kujalleq.gl telefon nr. 64 53 74.

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik juunip ulluisa 13-iat 2021 nittartagarput aqqutigalugu imaluunniit uunga:

 

Kommune Kujalleq

Sulisoqarnermut Immikkoortortaqarfik

Postboks 541

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia