sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådgiver

Kommune Kujalleq

Nanortalik
Ikkunneqarpoq: 24-05-2022
Piffissaq atuuffissaa naassaaq: 24-06-2022
Suliffissamut ID normut: LJA-83648641
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Allaffik & allaffissorneq, Isumaginnittoqarfik

Nanortallip Atuarfiani isumaginninnermi siunnersortimik imaluunniit assinngusumik ilinniagalimmik


Nanortalimmi Isumaginninnermut siunnersortitut pikkorissumik aggustip aallaqqaataat 2022 imaluunniit isumaqatigiissuteqarnikkut.


Nanortallip Atuarfiat 168-inik atuartoqarpoq, sisamanillu nunaqarfittaqarluni.

Atuarfimmi meeqqat 1. - 10. klassimi atuartuupput. Atuarfimmi alloriarfiit makkuupput: atualerlaat 1. 3. kl., akulliit 4.- 7. kl. angajulliillu 8. –10. kl. immikkullu ittumik atuartut arlariiullutik.


Atuarfimmi isumaginninnermi siunnersortitut atorfeqarninni suleqatigiit inuit qitiusut makku suleqatigissavatit: atuarfiup pisortaanera, ilinniartitsisut, immikkut atuartitsinermut atualertunullu siunnersorti støtteperson-illu. Eqimattani taakkunani suleqatigiittut isumasioqatigiinnerit perorsaanerullu tungaatigut eqqartuinerit periarfissaapput. Taassuma saniatigut attaveqaqatigiinnut ilaassaatit ingerlatsiviillu akornanni kiisalu suliassaqarfinnut allanut soorlu isumaginnittoqarfimmi isumaginninnermi siunnersortinut, ilaqutariinnut sullissivimmut, ilaqutariit illuutaannut Misi Kujallermullu ersarissumik suleqataassallutit.

Isumaginninnermi siunnersortitut pingaarnertut suliassat tassaassaaq, ilinniartitsisut, siulersuisut kommunimilu suleqatit allat qanimut suleqatigalugit atuarfimmi isumaginninnikkut sulinerup ataqatigiissarnissaa.


Atuarfiup angerlarsimaffiullu akornanni suleqatigiinnerup annertusarnissaa pitsanngorsarnissaalu, nalunaaruteqarnermut tunngatillugu ilinniartitsisunik siunnersuineq, atuartunik angajoqqaanillu oqaloqatiginnittarneq kiisalu isumaginninnikkut tunngatillugu ilinniartitsisunik isumasioqatiginninnerit suliassannut aamma ilaassapput.


Atuarfimmi sulisut allat isumaginnittoqarfimmilu sulisut suleqatigalugit assersuutigalugu atornerluinermik qinngasaarinermillu pinaveersaartitsinissamut iliuusissatut pilersaarusiortassaatit, aammattaaq atuarfimmi pinartoqartillugu upalungaarsimasunut suleqataassaatit.


Klassip iluani nalaatsinerluttoqartillugu ilinniartitsisut ilaquttallu suleqatigalugit klassimut iliuusissatut pilersaarusiussaatit.Aamma oqaloqatigineqarsinnaallutillu siunnersuisassaatit.

Isumaginninnermi siunnersortip atuarfiup pisortaa qaninnerpaatut qullersarissavaa.


Naatsorsuutigaarput:

  • Isumaginninnermi siunnersortitut assigisaanilluunniit ilinniagaqarnissat
  • Isumaginninnermi siunnersortitut sulinermik misilittagaqarnissat
  • Ilaatigut meeqqanut inuusuttunullu ikiorsiinermut assigisaanullu inatsisit malittarisassallu atuuttut naapertorlugit saaffiginnissutinut siunnersuisussaatitaaneq ilitsersuisussaatitaanerlu atuuppoq.  
  • Pikkorissumik suleriuseqarneq
  • Ammasuunissaq ilakkuminartuunissarlu
  • Akerleriittoqartillugu unneqqarinneq
  • Meeqqanut, angajoqqaanut suleqatinullu tunngatillugu malitseqartitsisarneq


Pinerlussimannginnermut uppernarsaatit:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.   Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq.

Taamaattumik malugeqqussavarput kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.


Akissarsiatigut atorfinitsitaanermilu atugassarititaasut:Kalaallit Nunaanni Naalakkersuisut AK-llu imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.


Sulilernermi nuunnissap akilerneqarnera

Sulisumut taassumalu ilaqutaanut atorfinikkiartornermi aammattaaq siusinnerpaamik ukiut pingasut qaangiutsillugit soraarnermi angalasinnaatitaaneq atuuppoq soorluttaaq malittarisassat atuuttut naapertorlugit nuunnermi aningaasartuutinut matussutissat tunniunneqarumaartut.


Najugaqarnermut tunngasut

Atorfinittut inissiamik ilaqutariit amerlassusaannut naleqquttumik neqeroorfigineqassapput.

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup nalaani inissavimmik neqeroortoqarsinnaanngippat, sulisut utaqqiisaasumik inissiaqartinneqartarput


Paasissutissat allat: Atorfinnut tunngassutilinnik paasissutissanik tamanut atuuttunik perusukkuit kiisalu qinnuteqarnissamut immersugassamik perusukkuit uunga saaffiginnissaatit:

Atuarfiup pisortaaneranut Magdaline Geraae, e-mail: mage@kujalleq.gl, oqarasuaat +299 614010.


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik apriilip ulluisa 24-iat 2022 nittartagarput aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat