sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådgiver Nanortalik

Kommune Kujalleq

Nanortalik
Ikkunneqarpoq: 28-11-2023
Piffissaq atuuffissaa naassaaq: 18-12-2023
Suliffissamut ID normut: LJA-85133387
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Isumaginnittoqarfik, Peqqinnissaq

Innarluutilinnut tunngasuni inunnik isumaginninnermut siunnersorti - Nanortalik

 

Annertuumik innarluutilinnut immikkoortortaqarfimmi isumaginninninnermut siunnersortimik pikkorissumik tunniusimaartumillu januarip ulluisa aallaqqaataat 2024 atorfinittussamik pisarsiorpugut imaluunniit isumaqatigiissuteqarnikkut.


Innarluutilinnut inatsit nutaaq atuutilernikuuvoq, taamaammat Kommunip sulianik suliarinninnermi pitsaassutsip qaffasissumik sullissisoqarnissaata qitiutinnissaalu kissaatigaa, taamaammallu Isumaginninnermut Siunnersortimik ineriartortitsinermut kivitseqataanissamullu peqataarusuttumik atorfinitsitsinissarput kissaatigalutigu. Ingerlatsiviup qulakkiissavaa innuttaasunut annertuumik innarluutilinnut tunngatillugu sullissineq innarluutilinnut inatsit atuuttoq najoqqutaralugu ingerlanneqassasoq aammalu inunnut ataasiakkaanut tunngatillugu naliliinerit piviusut tunngavigalugit.


Ilinnut piumasaqaatit:

  • Inunnik isumaginninnermi bacheloritut - inunnik isumaginnittutut - inunnik isumaginninnermi akunnermiliuttutut ilinniarsimasuunissaq.
  • Ilinniagagaqarsimasuunissamut piumasaqaaq naammassinnissimanngitsutsnut atorfimmullu piukkunnaatilinnut rådgivningsassistent ilinniagaqarsinnaanermik periarfissiisoqarsinnaavoq.
  • Innarluutilinnut tunngasuni tamakkiisumik sullissinermik misilittagaqarneq, tamannali aalajangiisuunngilaq.
  • Pitsaasumik suleqatiginnissuseqarneq susassaqarfiillu akimorlugit suliffeqarfiup iluaniittunik avataaneersunillu suleqateqarsinnaaneq.
  • Allaffissornikkut aningaasaqarnikkullu suliassanik misilittagaqarnissaq.
  • Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullunilu sulissussinermik piginnaaneqarneq.


Atorfiup imarisai ilaatigut makkuupput:

  • Innarluutilinnut tunngasuni sullissinerit malittarisassat atuuttut malillugit ingerlanneqarnissaat qulakkiissallugu.
  • Qanoq iliuusissamut pilersaarutinik piareersaasinnaaneq.
  • Innuttaasup maannakkut pisumi pisariaqartitai aallaavigalugit ikiorsiissutit tunniunneqartarnerisa malinnaavigineqarnissaat.
  • Immikkoortortaqarfimmi suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataassalluni.


Inunnik isumaginnittoqarfik ilaatigut makkuninnga neqerooruteqarpoq:

Innarluutilinnik tunngasut utoqqalinersiuteqartunut tunngasunit avissaartinneqarput ineriartortinneqarlutillu, matumanilu qinnuteqartoq atorfimmut tulluuttoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni ingammik suliassaqarfimmi qullersarisaq qaninnerpaaq suleqatillu pitsaasut qanimut suleqatigilluinnarnersigut. Sapaatip akunneranut akunnerit 40-it suliffiusarput. Pisariaqartitsineq najoqqutaralugu isumaginninnermut upalungaarsimasumik aggeqqusisarnermik aaqqissuussinermut peqataatinneqarsinnaaneq naatsorsuutigineqassaaq.


Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Akissarsiat atorfinitsitaanermilu atugassarititaasut, Kalaallit Nunaanni Namminersorlutik Oqartussani kommuninilu atorfilittut atorfiit immikkoortiterneqarnerat pillugit isumaqatigiissutitatorfininnerup nalaani atuutsinneqartut naapertorlugit pissapput.

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraanerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.


Atorfik pillugu sukumiinerusumik paasissutissanik pissarserusukkugit uunga saaffiginnissuteqarsinnaavutit: siunnersortinut aqutsisoq Ove Lund ovlu@kujalleq.gl oqarasuaat 64 53 92 Fagchef Maline Lyberth mail: mall@kujalleq.gl


Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut kingusinnerpaamik decembarip 18-anni 2023 nassiunneqariissapput.


MALUGIUK: Qinnuteqaatit pappilissatigut e-mailikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput..


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia