sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådgiver til børn-og familieområdets døgnanbragte i Kommune Kujalleq

Kommune Kujalleq

Qaqortoq
Ikkunneqarpoq: 18-06-2024
Piffissaq atuuffissaa naassaaq: 09-07-2024
Suliffissamut ID normut: LJA-85552480
Atorfeqarnermi atugassarititaasut: Tamakkiisoq
Suliassaqarfik: Allat, Meeqqat & inuusuttut

Kommune Kujallermi meeqqanut ilaqutariinnullu suliassaqarfiup ataani ulloq unnuarlu angerlarsimaffimmut inissinneqarsimasunut sullissisussamik isumaginninnermik siunnersorti


Kommune Kujalleq meeqqanut ilaqutariinnullu ingerlatsivik oqartussat suliassaqarfiannik misilittagaqartumik septemberip aallaqqaataa 2024 imaluunniit sukumiinerusumik isumaqatigiissuteqarnikkut atorfinittussamik isumaginninnermik siunnersortissarsiorpoq.

Meeqqanut ilaqutariinnullu suliassaqarfimmik soqutiginnilluartuuguit kiisalu meeqqanik inuusuttunillu ulloq unnuarlu angerlarsimaffimmut inissinneqarsimasunik sullissisuusinnaaguit tassaasinnaavutit ujartugarput!


Atorfiup imarisai:

Isumaginninnermik siunnersortimik tunniusimalluartumik Qaqortumi immikkoortortaqarfitsinniilertussamik ujartuivugut, atorfimmi tassani meeqqat inuusuttut kiisalu taakku angajoqqaavi suliani ulloq unnuarlu angerlarsimaffimmut inissiinernut tunngasuni sullinnissaat akisussaaffinni annerpaassaaq.

Kommune Kujalliup meeqqat inuusuttullu ulloq unnuarlu angerlarsimaffiup avataanut inissinneqarsimasut sullinneqarnerat ataatsimiilersinnikuaa, taamaalilluni Kommune Kujallermi ulloq unnuarlu angerlarsimaffiup avataanut inissinneqarsimasut tamarmik sullinneqartarlutik, tassanilu suleqatigiit marluk sulianik isumaginnittuusut suleqatigineqarlutillu qullersaq qaninnerpaaq qanimut suleqatigineqassaaq.


Pingaartipparput illit: 

  • isumaginninnermi siunnersortitut tassungaluunniit attuumassutilimmut ilinniarsimasuusutit
  • meeqqanut tunngasutigut ukiuni qassiini misilittagaqartutit oqartussatullu sulinermut sulerusussuseqartutit
  • meeqqanut tapersiisarnermut inatsit kiisalu ulloq unnuarlu angerlarsimaffimmut inissitat pillugit inatsisit ilisimasaqarfigilluaritit
  • allakkatigut oqalunnikkullu attaveqallaqqissuusutit
  • nutaanik aaqqiissutissanillu eqqarsartuusutit
  • namminersorlutit aamma aaqqissuulluakkamik sulisinnaassasutit
  • suliffimmi avatangiisit pitsaasut pingaartikkitit


Kalaallit Nunaanni pissutsinik ilisimasaqarluassaatit kiisalu kalaallisut qallunaatullu oqalussinnaanissat pitsaasuussaaq.


Pingaarnertut suliassatit makkuussapput

  • Ulloq unnuarlu angerlarsimaffimmut inissiinermut atatillugu suliassat tamaasa
  • ulloq unnuarlu angerlarsimaffinnik inatsisit malillugit nakkutilliineq
  • meeqqamik oqaloqatiginninnerit, angajoqqaanik oqaloqatiginninnerit, suliamut attuumassuteqartut ataatsimiinneri
  • tusarniaanerit ingerlattarlugit
  • iliuusissatut pilersaarutinik suliaqarneq/malitseqartitsineq, isumagininnermi misissuinernik suliaqarneq
  • qinnuteqaatinik suliaqarneq
  • aalajangiisartoqatigiinnut inassuteqaasiorneq
  • aalajangiinernik allagaqarneq
  • angajoqqaanik suleqatiginninneq
  • suliassaqarfimmi siunnersuineq ilitsersuinerlu


Pinerliisimannginnermut uppernarsaat/meeqqanik pinerliisimannginnermut uppernarsaat:

Atorfik una pinerliisimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu kommunip pinerliisimannginnermik allagartamik tigusinerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut nutaaliornissamullu inissaqartitsiffiusoq.


Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, nunatta kujataani kulturi pinngortitarlu qanimut misiginissaanut periarfissaqalissaatit.


Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.


Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.


Atorfik pillugu paasissutissat sukumiinerusut kiisalu atorfimmi suliassanut nassuiaat Suliassaqarfimmi pisortaq Ivalu Lund Hammeken saaffigalugu pissariarineqarsinnaapput, oqarasuaat 64 53 74 e-mail ivlu@kujalleq.gl


Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut kingusinnerpaamik Juulip ulluisa 9-at 2024 nassiunneqariissapput.


MALUGIUK: Qinnuteqaatit pappilissatigut e-mailikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput..


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat