sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Qeqqata Kommunika

Socialrådgiver/Sagsbehandler

Qeqqata Kommunika

Ikkunneqarpoq: 28-03-2023
Piffissaq atuuffissaa naassaaq: 21-04-2023
Suliffissamut ID normut: LJA-84650497
Atorfeqarnermi atugassarititaasut: Tamakkiisoq
Suliassaqarfik: Allat

Sisimiuni Atugarissaarnermut immikkoortortami isumaginninnikkut siunnersortit/sullissisut pingasut

Qeqqata Kommunia Isumaginninnermi siunnersortinik/sullissisunik pingasunik pissarsiorpoq nalunaarutinik suliaqartussanik.

Atugarissaarnermut immikkoortortaq 31-nik sulisoqarpoq, taakkunannga Meeqqanut Ilaqutariinnullu immikkoortortaq, Innarluutilinnut immikkoortortaq, Utoqqarnut immikkoortortaq, Pisortanik ikiorsiisarnermut immikkoortortaq, kiisalu Allatseqarfik. Meeqqanut Ilaqutariinnut immikkoortortaq aqutsisoq ilanngullugu sulisunut 15-nut amerlassusiligaalluni.

Suliffitsinni pingaartitaqarpugut

Pingaartitavut sulisut toqqissisimallutik, suliffimmut kajumillutik, nuannaarlutik, ammaqatigiillutik, suleqatigiit ataqatigiillutik ikioqatigiittut, ulluinnarni innuttaasunik sullissinermi aammattaaq pingaartitsisut. Inuttut, sulisutullu ineriartorfiullunilu allanngueqataanissamut periarfissaqartoq. Kiisalu qaammatit pingasukkaarlugit sulisut allaffik qimallugu susassareqatigiinneq timi tarnilu atorlugit qulequttanik sammisarluni sammisaqaqatigiittoqartarpoq

Atugarissaarnermut immikkoortortami suleqataasut suliamikkut inuttullu ineriartorput, tassani immikkoortut arlallit ukkatarineqarlutik, pingaartumik meeqqanut inuusuttunullu tunngasut. Qeqqata Kommunia meeqqanut inuusuttunullu ukkatarinnittunik suleqatigiissitanik arfineq marluusut pilersitsinikuuvoq, tassani suleqatigisat attuumassuteqartut tamarmik peqataallutik aammalu taakku illup iluani avataanilu qanittumik suleqatigiillutik. Aammattaaq ilaqutariinnermut immikkoortortami sullissinerup iluani atugassiaasussamik "Qeqqata-model" pilersaarummik suliaqartoqarpoq.

Isumaginninnermut siunnersortip annertunerusumik suliassaqarfigissavai Meqqanik ilaqutariinnillu suliassat, siunnersuineq ilitsersuinerlu kiisalu inatsit atuuttoq naapertorlugu ikiorsiiniutinik aallartitsineq, ililuusissatut pilersaarutinik isumaginninnikkullu misissuinernik suliaqarneq, inissarsiuussineq innersuussinerlu, sullitat akimorlugit ataatsimiinnerit, illup iluani avataanilu suleqatigisanik suleqatigiinnermut ataatsimiinnerit, Immikkoortumi sulianut avitseqatigiinneq, kiisalu suliassat takkussuuttut nalinginnaasut.

Naatsorsuutigaarput:

·Isumaginninnermut immikkoortup iluani inatsisinut ilisimasaqartutit.

·Kommunimi sullissinernut il.il. misilittagaqartutit.

·Akimut suleqatigiilluni ataatsimiisitsinernut katsorsaallunilu ataatsimiisitsinerni misilittagaqartutit

Ilinniakkatigut piginnaasat:

Isumaginninnermi siunnersortitut ilinniarsimasoq imaluunniit attuumassutilinnik isumaginninnikkut tunuliaqutaqartoq

Marluinnik oqaaseqartoq, piumasaqaataanngilarli

Oqaluttariarsornikkut allattariarsornikkullu pitsaasunik piginnaasaqartoq

Inuttut piginnaasat:

• Sullissillaqqissuusutit aammalu suleqatiginnikkusussuseqartutit

• Saaffigiuminartuusutit, patajaatsuusutit tatiginartuusutillu

• Suliamut tunniussimasuusutit eqeersimaartuusutillu

• Pitsaasumik akuersaartumillu periuseqartutit

• Takunnissinnaassuseqarluartutit, aamma ulapaarfinni.

Akissarsiaqartitaaneq atorfinitsitaanerlu:

Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut malillugit inissinneqassapput.

Inissaqartitsisoqarsinnaavoq malittarisassat sukkulluunniit atuuttut malillugit akilerneqartartussamik.

Pinerluuteqarsimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu atorfinitsitsineq aatsaat pisinnaavoq meeqqamut aammalu unioqqutitsinernut pinerluuteqarsimannginnermut uppernarsaammik kommune pissarsereerpat. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Atorfik pillugu paasissutissat annertunerusut Aqutsisumut Katrine Berthelsen Brandt oqarasuaat (+299) 86 7389 e-mail: kbbr@qeqqata.gl imaluunniit Atugarissaarnermut Pisortamut Estella Buhrkall oqarasuaat (+299) 86 74 31, e-mail: esbu@qeqqata.gl saaffigineratigut pissarsiarineqarsinnaapput.

Qinnuteqaat ilinniarsimanermut uppernarsaatinik attuumassutilinnik, imminut ilisaritinnermik, oqaaseqaatinik attaveqarfissanillu ilalik kingusinnerpaamik ulloq 21. april 2023 tigoreersimassavarput. 


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia