Stabsfunktionen søger Kommunikationskonsulent
Qeqqata Kommunia
Ikkunneqarpoq: 10-01-2025
Piffissaq atuuffissaa naassaaq: 29-01-2025
Suliffissamut ID normut: 331601585
Atorfeqarnermi atugassarititaasut: Tamakkiisoq
Suliassaqarfik: IT & tusagassiuutit
Atorfiup taaguutaa:
Ilinniagaq:
Misilittakkat - Annertunerusumik: Digital kommunikation
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
QEQQATA KOMMUNIA PISSARSIORPOQ
Attaveqaqatigiinnermut siunnersorti immikkoortortat akimorlugit siammasissunik pissanganartunillu suliaqartussaq.
Qeqqata Kommuniani Attaveqaqatigiinnermut siunnersortitut atorfik pissanganartoq inuttaaruppoq.
Isumassarsiullaqqikkuit, tamatigoortuullutit, inissaqartitsisuullutit ataatsikkullu arlalinnik suliaqarsinnaaguit attaveqaqatigiinnermut siunnersortitut atorfik ilinnut tulluartuuvoq!
Attaveqatigiinnermut siunnersorti suliffeqarfimmi siammasissunik suliassaqarfiusumi innuttaasunut attaveqarnerup iluani akimortumik ataqatigiissumillu suliniuteqarneq qulakkiissagaa kissaatigaarput.
Aaqqissuussaaneq akimorlugu pingaartumillu suliniutinut sammisunik suliaqartuni immikkoortortami suleqataalissaatit. Suliniutinut pingaartumik innuttaasunut, tusagassiuutinut suleqatigisanut, sulisunut allanullu sammisunut suleqataassaatit. Suliassanut qanimut suleqatigiinnissaq aammalu suleqatigiittut ataqatigiilluarnissaq pisortaqatigiinnit pingaartinneqartoq Attaveqaqatigiinnermut siunnersortimit peqataaffigineqarnissaa kissaatigaarput.
Suliassat akisussaaffiillu:
- Kommunip nittartagaani aamma Facebook-imi quppernerani aaqqissuisutut akisussaaneq
- Kommunip immikkoortortaanit nutaarsiassanik ujartuineq, ingerlatitseqqiinerlu
- Kommunalbestyrelsip ataatsimiinneri, tusagassiutinut nalunaarutit, saqqummiussassanik suliaqarneq, sapaatip akunnikkaartumik illoqarfimmi aviisimut ilanngussaqarneq, nittartakkamut, Facebook-imut il.il. pillugit attaveqaqatigiinnermi suliassat.
- Illup iluani avataanilu attaveqaqatigiinnikkut sulianik ineriartortitseqataassasutit, ilaatigut suliffeqarfimmi nutaarsiassanik suliaqarneq suliniutillu siumukarnerannik ingerlatitseqqiisassasutit
- Illup avataani iluanilu oqartussaqarfiit, kattuffiit suliffeqarfiillu peqatigalugit ineriartortitsinermut / suleqatigiinnermut suliniutinut ikiuunneq kiisalu pisortaqatigiinnut siunnersiueqatigiinneq.
- Suliniutit angisuut ataanni suliniuteeqqanik aqutseqataassasutit, soorlu Peqqissuunissamut suliniut, Akisussaaqatigiitta Qeqqata Kommuniani Peqqinneq Inuunerinnerlu aammalu nunarsuarmioqatigiinnut kingornussassaqarfik Aasivissuit - Nipisat
- Suliassat takkussuuttut nalinginnaasut.
Piginnaasat:
- Tusagassiortutut, attaveqaqatigiinnermut imaluunniit attuumassutilimmik qaffasinnerusumik ilinniagaqarsimasuusutit, kalaallillu inuiaqatigiivini pissutsinut ilisimasaqartuusutit
- Allatanik aaqqissuussineq, nittartagalerineq, assiliineq videoliornerlu kiisalu ilusilersuineq ilanngullugit attaveqaqatigiinnerup iluani misilittagaqartutit
- Ulluinnarni inunnik assigiinngitsorpassuarnik suleqateqarnermut avatangiiserisappillu sunnernissaanut pikkorissuusutit
- Nammineersinnaassuseqartutit aammalu oqaluttuassaqqissunik ujartuisinnaasutit
- Attaveqaqatigiinnerup iluani suliat assigiinngiiaartunik isumagisinnaagitit suliannilu siammasissumik suliaqarusussuseqartutit
- Kalaallisut oqaaseqartuusutit ajornanngippallu arlariinnik qallunaatut aamma/imaluunniit tuluttut
Akissarsiat sulinermilu atugassarititaasut:
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Inissamik innersuussisoqarsinnaavoq malittarisassat sukkulluunniit atuuttut malillugit ineqarnermut akiliutinik il.il. akilerneqartussamik.
Atorfik allaffissornikkut Sisimiuni inissisimavoq, Sisimiunilu Atorfillit pisortaata ataani aaqqissuussaanikkut inissisimalluni.
Piaartumik isumaqatigiissuteqarnikkulluunniit atorfinittoqassaaq.
Atorfik pillugu paasissutissat annertunerusut Sisimiuni Atorfillit pisortarigallagaanut Mette B. Rydbjerg-imut, oqarasuaat (+299) 86 73 02, e-mail: mbbe@qeqqata.gl saaffiginninnikkut pissarsiarineqarsinnaapput
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilaligaq nassiunneqassaaq.