sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Studieadjunkt/-lektor-imik imaluunnii Adjunkt ph.d./-lektor-imik pissarsiorpugut

Namminersorlutik Oqartussat

Upernavik
Ikkunneqarpoq: 08-04-2020
Piffissaq atuuffissaa naassaaq: 29-04-2020
Suliffissamut ID normut: LJA-80072355
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Ilisimatusarfik, Grønlands Universitet. Postboks 1061, 3900 Nuuk.

Atorfik pissanganartoq atuartitsinermik, siuarsaanermik, ilaatigullu ilisimatusarner-mik imalik. Ilinniartunut qanimut attaveqarneq, ilinniartitsisoqatigiit sulerusussusillit kiisalu ilisimatusaatinik aallussilluarfik – soqutigaajuk?

Kalaallit Nunaanata Universitetiani, Ilisimatusarfimmi, Studieadjunkt/-lektor-imik imaluunniit Adjunkt ph.d./-lektor-imik pissarsiorpugut Peqqissaanermut Ilisimatusarfimmut, 01.06.2020 isumaqatigiissulluunniit naapertorlugu sulilertussamik.

Suliassat

  • Peqqissaanerup teoreertaani, suleriaasiani ilisimatusaatinilu allani ilinniartitsineq
  • Allaaserinninnerni projektinillu suliaqarnerni aqqutissiuussineq
  • Misiliilluni suliffinnik ilinniartunillu misiliillutik sulisunik suleqateqarneq
  • Ilinniartitaanerup iluani ilisimatusarnernik piareersaasiornerit ingerlatsinerillu
  • Piginnaasat tunngavigalugi siuarsaanernut ilisimatusaatinullu suleqataaneq
Neqeroorutigaagut
  • Suliassani annertuumik namminersortitaaneq
  • Kulturit assigiinngitsut atuuffianni ilinniagassat piginnaasanillu qaffassaanerup iluanni atuagarsornikkut perorsaanikkullu unammilligassat
  • Ilisimatusaatinik pitsaasumik aallussiffiusoq ineriartortoq
  • Suleqatit peqataalluarlutillu piumassusillit
  • Sunngiffik sammisaqarnissamut periarfissalik, nunamik kulturimilluunniit soqutigisaqaraluaruit apeqqutaatinnagit. (uani atuaruk: www.nuuk.gl)
Piginnaasat
  • Ilinniartitaanerup iluani atuartitsinermik aqqutissiuussinermillu misilittagaqarneq
  • Ilisimatusaatit siuarsaanerullu iluanni soqutigisaqarneq misilittagaqarnerlu
  • Peqqissaasutut misilittagaqarneq
  • Kalaallit Nunaanni peqqissaasutut sulinissamut akuerisaaneq
  • Naleqquttumik kandidatitut soraarummeersimaneq, ajornanngippallu Ph.d.-mik angusaqarsimaneq.
Peqqissaasutut ilinniartitaaneq kiisalu Peqqissaaneq Peqqinnissarlu pillugu Ilisimatusarneq pillugit atuarsinnaavutit uani www.uni.gl

Akissarsianut atorfininnermilu atugassarititat
Atorfinitsitsineq pissaaq Kalaallit Nunaanni Namminersornerullutik Oqartussani kommunenilu tjenestemandit pillugit Inatsisartut inatsisaat nr. 5, 14. maj 1990-imeersoq kiisalu Kalaallit Nunaanni Namminersornerullutik Oqartussat Peqqissaasullu Kattuffiata akornanni Tjenestamanditut atorfilinnut Isumaqatigiissut 2011-2015 naapertorlugit ingerlanneqassaaq. Isumaqatigiissutit Aningaasaqarnermut Aqutsisoqarfiup ataani atuarneqarsinnaapput, uani: www.nanoq.gl

Sulisitsisoq sulinngiffeqarnermi angalanissanut aningaasaateqarfimmut akiliuteqassaaq, tassanngalu ukiut marluk atorfeqareernermi qinnuteqartoqarsinnaavoq. Aalajangersimasumik atorfillit atorfininnermut soraarnermullu atatillugu angalanerni pisattanillu nussuinerni malittarisassat atuuttut naapertorlugit akiliunneqassapput.

Atorfik atorfininnermilu atugassarititaasut pillugit annertunerusumik paasiniaasoqarsinnaavoq uunga saaffiginninnikkut:
Immikkoortortami aqutsisuugallartoq Anna Kleist Egede ankl@uni.gl

Qinnuteqaat
Sulisinnaatitaanermut soraarummeernermilu allagartat aammalu siusinnerusukkut atorfeqarsimanerit uppernarsaataat, paasissutissat, taamaattoqarsimappallu ilisimatusaatit allattorsimaffii ilanngullugit nassiunneqassapput uunga:
Sygepleje og Sundhedsvidenskab, mailikkut Gitr@uni.gl assilinerilu uunga: personale@uni.gl

Qinnuteqaammuttaaq ilanngunneqaqquneqarpoq Kalaallit Nunaanni sulisinnaatitaanermut qinnuteqaat immersoriigaq. Tassunga immersugassaq uani aaneqarsinnaavoq:
www.nanoq.gl/naalakkersuisut/departementer/landslægeembedet
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia