Suliatigut aqatatigiissaarisoq

Inuusuttunut suliniuteqarfimmi suliatigut ataqatigiissaarisoq

Atorfik septembarip ulluisa aallaqqaataani 2024 imaluunniit erseqqinnerusumik isumaqatigiissuteqarnikkut inuttalerneqarsinnaassaaq. Ataqatigiissaarisumik pikkorissumik kajumissuseqarluartuimllu sulisussarsiorpugut, taassuma inuusuttunut suliniuteqarfitsinni ineriartortitsinerput ataqatigiissaassavaa.

Kommunimi tamarmi inuusuttunut suliniarnermi perorsaanikkut neqeroorutinik amerlisaanissani ineriartortitsinissanilu Kommune Kujalliup kissaatigaa, taamaammallu suliassaqarfimmi tassani Suliatigut ataqatigiissaarisumik pikkorissumik sulisussarsiorpoq. Inuusuttunut suliniuteqarfimmi massakkut sulisorineqarput inuusuttunik siunnersuisut, meeqqanik innersuunneqarsimasunik ulluinnarni sulllisarput, orniguttarlutik pinaveersaartitsisarlutkk kiisalu kommunip ornittagaani suleqataasarlutik.

Aalajangerneqarsimavoq inuusuttunut suliniutit amerlineqarlutillu ineriartortinneqassasut, taamalu inersimasumut ikaarsaartunut tapersiinermik ilaqartussanngorlugu, tassa namminiileriartortunut angerlasimaffeqartitsisoqassaaq kiisalu inuusuttunut najugaqatigiiffeqassalluni.

Inuusuttunut suliniuteqarfimmi Suliatigut ataqatigiissaarisussamik assorsuaq nassaarusuppugut, sulisussarpullu aaqqiissutissanik pitsaanermik nassaarusunnitsinni kiisalu kommunimi meerartatsinnut inuusuttuarartatsinnullu tunngasutigut annertuumik kivitserusunnitsinni suleqataarusussuseqassaaq.

Suliatigut ataqatigiissaarisutut tassassaatit inuusuttunut suliniuteqarfimmi sulisut suliat pillugit isummersoqatigisinnaasaat, taamaammat taama ittumik suliaqarnermut misilittagaqaruit assorsuaq iluaqutaassaaq.

Suliatigut ataqatigiissaarisup qaninnertut qullersarissavaa Qaqortumi ilaqutariinnik sullissivimmi pisortaq taavalu Qaqortumi aallaaveqassallutit.

Atorfik taanna tigussallugut takorloorsinnaagukku, immaqa tassaavutit inuusuttunut suliniarfitsinni suleqatissarput.

Piginnaasat:

• Meeqqanik ilaqutariinnillu sullissinissamut naleqquttumik ilinniagaqartutit, imaluunniit ilaqutariinnik annertuunik ajornartorsiutilinnik sullitaqarnermik siammasissumik ilisimasaqartutit misilittagaqartutillu.
• Allanngueriaatsinik suliaqarnermik misilittagaqartutit.
• Suleriaatsini tamaginni suleqateqallaqqissutsit, katsorsaasut aqutsisullu
• Aaqqissugaasumik suleriuseqartutit, suliakkiillaqqissutit aammalu suliassat pilersaarusiullaqqikkitit.
• Soqutigisarpassuit akornanni ingerlaniartillutit kiisalu suliatigut aaqqiissutissarpassuaqartillugu aalajaassinnaasutit.
• Inuusuttunut suliniutinik ineriartortitsisinnaassuseqartutit.
• Inuttut sulinermilu tutsuiginartuuvutit sunniuteqarsinnaassuseqarluarlutillu.
• Aaqqiissutinut ilaassaatit
• Namminersorlutit sulisinnaassaatit taavalu allanik qanimut suleqateqarsinnaallutit sulianillu aaqqissuussillaqqissuullutit, ataqatigiissaarillaqqissuullutit, pilersaarusiullaqqissuullutit suliallu ingerlaqqinnissaannik isumaginnissaqqissuullutit.
• Allattariarsornikkut oqaaseqaatiliullaqqissutit.

Ilinnut tunngasut:

Matuma ataani allassimasut amerlanersaat ilinnit naatsorsuutigaavut:

• Paasissutissiillaqissuusutit - oqaatsitigut allakkatigullu
• Aaqqiissutissanut iseqartuusutit, alapernaatsuullutit kiisalu suliassat suliassallu ingerlarngi pisariusut ilinniakkatit atorlugit suliarisinnaallugit.
• Inuusuttunut suliniuteqarfimmi naammassisaqarnissaq assut pingaartitarigit.
• Naammagittartuusutit, peqataanissat peqataatitsinissallu sapinngikkit
• Inuttut eqaatsuusutit, allannguinissamut piareersimasuullutit kiisalu allannguinerit sapertarnagit
• Suleqateqartartuuvutit
• Suliassaqarfitsinni sammivissatut aalajangiussarput akisussaaffittut tigusinnaagitit

Neqeroorutigaavut:

• Suliffik pissanganartoq, pikkunartoq ineriartortitassaqarluartorlu.
• Suliffik pitsaasumik illutalik atugarissaarfiusorlu.
• Suleqatit pikkorissut tunniusimasullu.
• Oqaloqatiginnilluni oqilisaassineq
• Piginnaasanik ineriartortitsineq

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfimmi pineqaatissinneqarsimannginnermut aammalu meeqqanik innarliisimannginnermut uppernarsaatit inatsisitigut piumasarineqarput. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

Meeqqanik pinerliisimannginnermut uppernarsaat kommunimit akuersissutitalik pineqassaaq, qinnuteqartup Politiinit pissavaa.

Akissarsiatigut atorfeqarnermilu atugassarititaasut:

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq. Sapaatip akunneranut akunnerit 40-t suliffiupput.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il il akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfininnerup kinguninnguagut sulisutut inissamik innersuussisoqarsinnaanngippat sulisut utaqqiisaasumik ineqarsinnaatitaasut utaqqiisaasumik inissaminnik neqeroorfigineqassapput, tassungalu ineqarnermut, atuinermut allanullu siuliani oqaatigineqartut malillugit akiliisoqartassaaq. Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Atorfik pillugu paasissutissat sukumiinerusut pissarsiarineqarsinnaapput Qaqortumi ilaqutariinnik sullissivimmi pisortaq saaffigalugu: Jakob Noahsen mail: jano@kujalleq.gl allaffimmi oqarasuaat: +299 64 54 20

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik aggustip ulluisa aqqaneq aappaat 2024 nittartagarput aqqutigalugu.

MALUGIUK:Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”