sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Suliffeqarnermut Immikkoortoqarfimmi atorfimmut nutaamut AC-fuldmægtigi

Namminersorlutik Oqartussat

Nuuk
Ikkunneqarpoq: 02-12-2020
Piffissaq atuuffissaa naassaaq: 23-12-2020
Suliffissamut ID normut: LJA-81447500
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Inuusuttut inuussutissarsiummik ilinniagaqalernissamut naammassisaqarnissamullu periarfissaannik siuarsaasumik ilinniartoqarnernik suliassaqarfiup iluani suleriaatsinik ineriartortitserusuppit, inatsisaasumillu nutaamik atuutsitsilerlutillu isumaginnikkusuppit? Kinguneqartitsisumik suleqatigiinnerup ilaaffigilerneri ajornartinngiligit? Taava suleqatitaassatsittut pisariaqartippatsigit!

Suliffittut ataatsimoorfipput atorfimmut nutaamut AC-fuldmægtigissarsiorpoq, taassumalu ilinniartoqarnermik suliassaqarfiup iluani suliassat nutaat isumagissavai, akisussaaffigalugit ingerlatsisarnerit suleriaatsillu ineriartortinneri, aamma inatsisaasup nutaap atuutsilerlugulu isumaginissaa.

Ukiuni makkunani sulisartuusut nukittorsarnissaat, aammalu siunissami suliffeqarfissamut innuttaasut piginnaanngorsarnissaat Naalakkersuisut assorsuaq sammisaraat. Ilinniartoqarnermik suliassaqarfiup iluani sulianik isumaginninnermik, ilinniartitsinermik ineriartortitsinermilu suliassanik isumaginnissinnaasumik suleqatissarsiorpugut.

Suliffipput tassaavoq pissanganartoq, inuummarissoq pitsaasorlu. Sukumiisumik ilinniartitsineq isumagissavarput, suliassaqarfivillu ineriartortinnissaanut sunniuteqarnissannut periarfissaqarluassaatit. Immikkoortoqarfiup suliassai assigiinngiiaarput, naalakkersuisunut tunngavissiissutinik suliaqarnermit, suliffeqarfimmi suliassaqarfiup ineriartortinneranut, misissueqqissaarinernut, aamma immikkoortoqarfiup suliassaqarfiini sulianik isumaginnittuarnernut, iliuuserisallu tamaasa pillugit paasisitsiniaasarnernut tunngallutik.

Pisinnaaffitit piginnaasatillu
Takorloorparput illit:

  • qaffasissumik assingusumilluunniit ilinniaqarsimassasutit
  • naalakkersuinermit aqunneqartutut aaqqissuussiffimmi sulisarnermik misilittagaqassasutit
  • namminersuutigisannik, sananeqaatilimmik anguniagaqarfigisannillu sulisarnissat
  • suliassani siuarsaanermut akisussaaffimmik tigusinissannut piareersimanissat
  • suliassat iluarsiiviginerini pitsaassusissaannut akisussaaffimmik tigusinissannut piareersimanissat
  • attaveqarnikkut suleqatiginninnissamik piginnaasaqarluarnissat
  • sungiussianissat, inortuiuinnissat, naapikkuminarnissallu
  • marlunnik oqaaseqartuunissat, kalaallisut/qallunaatut, imaluunniit kalaallisut/tuluttut
  • angalasarsinnaanerup pisarnissaanut piareersimanissat
  • ullut suliffiusut ulapaarfiit iluarissagitit, suliassallu assigiinngiiaartut arlallit isumagisinnaassagitit.
Tamakkulu saniatigut:
  • Kalaallit Nunaanni inuiaqatigiinnut kultureqassutsimullu ilisimasaqarnissat assut pingaaruteqarpoq
  • Soorunalumi isumagissaarluartuullutillu suleqataalluartuuvutit!
Suliassatit
Anguniagarput tassaavoq naalakkersuinermi kissaatigisanut pingaarnersiukkanullu naleqqiullugu suliffeqarfimmik ineriartortitsisumik, piareersimassusilimmik nutaaliaasumillu pilersitseqataanissarput. Sulianik isumaginninnikkut suliassat ”paasiuminartut”, soorlulusooq takorluugaqarfigisatut periusissiat – taakkulu akornanni suut tamaasa – suliaqarfigisassavatit.

Pingaarnertut suliassatit tassaassapput:
  • Pisortaqarfiit suliffeqarfiillu ilinniartunik sungiusartunillu atorfinitsitsinermi inuiaqatigiinnut akisussaaffeqarnerannik siuarsaanissaq
  • Ilinniartoqarfiit sungiusartoqarfiillu inuttaligassat takusassiarinissaat, aammalu Suli.glimi ilinniartunik sungiusartoqarfinnillu piumasaqarnermut neqeroorutaasut tulluarsarnissaat
  • Suli.glimi ilinniartoqarfiit sungiusartoqarfiillu inuttaligassat annertussusaannik pisortaqarfiit suliffeqarfiillu nalunaarsuisarnerisa qularnaarnissaat
  • Ilinniartoqarfinnut sungiusartoqarfinnullu tunngatillugu pisortaqarfiit suliffeqarfiillu ukiumoortumik nalunaaruteqartarnerisa katersorneri, aaqqissuussaaneri, nalunaarutigineri, kiisalu tamanut saqqummiunneri
  • Suli.glimik neqerooruteqartumik oqaloqateqarneq
  • Piumasaqaatinik piviusunngortitsineri pillugit pisortaqarfiit suliffeqarfiillu oqaloqatigineri
  • Paasisitsiniaanernik assingusunillu suliaqartarnerit
  • Inatsisip malittarineqarneranik nakkutiginnittuarneq.
Atorfiup inuttalerneqarnissaa februarip aallaqqaataani 2021 isumaqatigiissuteqarnikkulluunniit kissaatigineqarpoq.

Oqaloqatiginninnerit ingerlaavartumik ingerlanneqassapput, ulloq qinnuteqarfigisassaq sioqqullugu aamma kingornatigut.

Atorfimmut apeqqutissaqaruit immikkoortoqarfiup pisortaanut Lona Lyngemut saaffiginninnissannut tikilluaqqusaavutit, ukunatigut: +299 345624 / loly@nanoq.gl
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Nuuk Cafe
Nuuk
Nuuk Cafe
Nuuk
Nuuk Cafe
Nuuk
Cafe Toqqorfik
Nuuk
Qeqqata Kommunika
Sisimiut