Suliffeqarnermut Isumaginninnermullu Ingerlatsivimmi Stabenimi AC-fuldmægtimik pissarsiorpoq / Forvaltning for Velfærd og Arbejdsmarked søger AC-fuldmægtig til Staben
Kommuneqarfik Sermersooq
Nuuk
Ikkunneqarpoq: 18-09-2023
Piffissaq atuuffissaa naassaaq: 15-10-2023
Suliffissamut ID normut: 331578317
Atorfeqarnermi atugassarititaasut: Tamakkiisoq
Suliassaqarfik: Allat
Atorfiup taaguutaa: AC-fuldmægtig
Misilittakkat - Annertunerusumik: Budget, ,
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
Suliffeqarnermut Isumaginninnermullu Ingerlatsivimmi Stabenimi AC-fuldmægtiginngorit
Tunniusimasumik pikkorissumillu, suliatigut pitsaassuseqarluinnartunik tunniusserusuttumik aammalu suliffimmi assigiinngisitaartunik unamminiagassanillu suliassaqarfiusumi politikkikkullu aqunneqartumik nuannarinnittumik sulisussarsiorpugut.
Suliffeqarnermut Isumaginninnermullu Ingerlatsivimmi AC-fuldmægtigitut politikkikkut aqunneqartumi pissanganartumilu sulinissat nuannarisarissavat, suliffeqarfimmilu politikkikkut takorluukkat, isumassarsiat kissaatillu Kommuneqarfik Sermersuumi innuttaasunut iluaqutissanngorlugit suliarineqartassapput.
Suliffeqarnermut Isumaginninnermullu Ingerlatsiviup utoqqarnut suliassaqarfimmi, tarnikkut nappaatilinnik aamma innarluutilinnik tapersersuinermik suliassat, sullissinerit aamma suliffissarsiuussisarfimmi suliassat ingerlappai.
Stab kiffartuussiviuvoq, ingerlatsiviullu iluani politikerinut (pingaartumik Isumaginninnermut Suliffeqarnermullu Ataatsimiititaq), pisortamut aamma fagchefinullu ikiuuttussaalluni.
Atorfik pillugu
AC-fuldmægtigitut ilaatigut makkua suliarissavatit:
- Missinngersuusiornermik aningaasanillu malinnaaffiginninnermik suliaqassaatit
- Politikkikkut suliallit allaffissornermillu suliallit qanimut ataqatigiissarnissaannut suleqataallutit qulakkeerinnissaatit
- Suliffeqarnermut Isumaginninnermullu Ataatsimiititamut kiisalu ingerlatsiviup ataani siunnersuisooqatigiinnut ataatsimiititanullu arlalinnut suliassamik saqqummiussaliortassaatit
- Ingerlatsiviup susassaqarfiata iluani misissoqqissaagassat assigiinngitsut isumagissavatit
- tusarniaanermi akissuteqaasiorneq
- Inerisaanermut suliniutit pillugit aallartisarneq, suliarinninneq tamaallu isigalugu ataqatigiissaarisuuneq
Sulisoq tamatigoortoq, suliassanik assigiinngisitaartunik sulisinnaassuseqartoq nutaanillu misiliinissamik tunuarsimaanngitsoq pisariaqartinneqarpoq. Suliassatit ingerlatsiviup suliassaqarfiinut tamanut tunngasuussapput.
Inuttut suliatigullu piginnaasatit pingaartippavut. Misilittagaqareersimasinnaavutit aammali ilinniakkannik naammasserlaajusinnaallutit. Attaveqatigiissinnaanermik piginnaasaqarluarnerit aalajangiisorujussuussaaq – oqaluttariarsorneq allattariarsornerlu eqqarsaatigalugit, aamma suliassaqarfiup iluani ajornartorsiutinut tunngasunik suliaqarsinnaassuseqassaatit, immaqa maannakkut tassunga tunngasunik piginnaasaqarfigalugit misilittagaqanngikkaluarlutit. Regnearkiliornermittaaq – suliaqarusussinnaaguit – misilittagaqaruit pitsaaqutaassaaq.
Kissaatigisatit piginnaasatilluunniit naapertorlugit aamma suliassannik naleqqussaasoqarsinnaavoq.
Ataani allaqqasut ilinnut naleqquppata, qinnuteqarnissat kaammattuutigissavarput:
- Allattariarsornikkut erseqqissuliorneq pikkoriffigalugulu nuannarisuuara
- Namminersorlunga suliakkalu tamakkiisumik akisussaaffigalugit sulisinnaavunga
- Unammillernarsinnaasunik suliaqarneq nuannaraara
- Aqutsisunnit suleqatinnillu paasisanik tuniorarneqarnissaq suliatigullu unammillerneqarnissaq sapernagulu piumavara
- Suliassanik misissueqqissaarnissaq ikaarsaariarfeqarnissamillu pilersaarusiornissaq pingaartippara.
- Avatangiisinnut pitsaasumik ammasumillu pissuseqartuuvunga
- Suliatigut killissakka nallerukkit naaggaarsinnaavunga
Ilisimatusarnermik ilinniagaqarsimasariaqarpit?
Aap, taamatut ilinniagaqarsimassaatit, pissutigalugu misilittakkavut naapertorlugit suliassat ilungersunarmata suliarinerini ilinniagaqarsimaneq pisariaqarpoq. Bacheloritut ilinniagaqaruit atorfimmut aamma qinnuteqarsinnaavutit. Apeqqutaanngilarli ilisimatusarnermut ilinniagaq sorleq naammassisimanerit. Stabip suliassai siammasipput assiginngisitaarlutillu, illillu allaniit piareersimaffiginerusassannik tamatigut suliassaqarfeqartassaaq.
Kalaallit Nunaanneersuussavit/Kalaallit Nunaat pillugu ilisimasaqartuussavit?
Kalaallit Nunaat ilisimasaqarfigigukku pitsaaqutaassaaq, marluinnillu oqaaseqartuullutit (danskisut/kalaallisut), piumasaqaataanngilarli. Kalaallit Nunaat pillugu soqutiginninnerit Nuummilu inuunerup piumassuseqarfiginissaa pingaartinneqarpoq.
Nuuk nunat tamalaat akornanni illoqarfiit pingaarnersaanni minnersaavoq, pinngortitami imaannanngitsumi inissisimasoq aamma kulturikkut sunngiffimmilu sammisassatigut neqeroorutinik ulikkaartoq.
Aasaanerani qaqqaliarnissamut, aalisariarnissamut piniariarnissamut, sikut akornisigut qajartuarnissamut periarfissaqassaatit. Ukiuunerani ujakkaarutinik sangusaarutinilluunniit sisorarnissamut ulluinnarni periarfissaqassaatit!
Nuummi filmeriartoqarsinnaavoq, isiginnaartitsisunik isiginnaariartoqarsinnaalluni, cafeertoqarsinnaalluni, nalukkiartoqarsinnaalluni kiisalu ilisimatusarfeqarlunilu pinngortitaleriffeqarpoq, taakkunani nunat tamalaaneersunik ilisimatuunik oqalugiartoqartarluni.
Neqeroorutigaavut:
Suliffeqarfittut ulluinnarni suliassat assigiinngisitaartut suliatigullu unammillernarsinnaasunik suliaqartarnissaq kiisalu pikkorissunik tunniusimasunillu, ilumoorsaaginnarfiunngitsumillu oqaloqatigilluarsinnaasannik suleqatissaqarneq neqeroorutigaarput. Atorfilittat immikkoortortaavoq 10 missaannik sulisulik taakkua amerlanerit AC-upput aamma aningaasaqarnermi nakkutilliisuullutik. Suliffimmi iluarisimaarnissaq pingaartinneqarpoq. Politikkikkut aaqqissuussaanerup paasisimasaqarfigilluarnissaanut periarfissaqarluassaatit aqutsisullu qanimut suleqatigiumaarlugit. Akisussaaffik angisooq piginnaasavit ineriartortinnissaanut periarfissarpassualik neqeroorutigaarput.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabschefi Lise Buchardt, oqarasuaat +299 367172 imaluunniit e-mail: libt@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 842-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.