sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Suliniutinik ataqatigiissaarisartoq nammineersinnaasoq Aalisarnermut, Piniarnermut Nunalerinermullu Naalakkersuisoqarfimmi IT-mik ineriartortitsisussaq immikkoortortaqarfiillu akornanni suliniutinik suliaqartussaq

Namminersorlutik Oqartussat

Nuuk
Ikkunneqarpoq: 19-12-2019
Piffissaq atuuffissaa naassaaq: 22-01-2020
Suliffissamut ID normut: LJA-78312183
Atorfeqarnermi atugassarititaasut: Tamakkiisoq
Suliassaqarfik: Aalisarneq & fabrikki

Aalisarnermut Piniarnermut Nunalerinermullu Naalakkersuisoqarfik pissarsiorpoq
 
Suliniutinik ataqatigiissaarisartoq nammineersinnaasoq Aalisarnermut, Piniarnermut Nunalerinermullu Naalakkersuisoqarfimmi IT-mik ineriartortitsisussaq immikkoortortaqarfiillu akornanni suliniutinik suliaqartussaq
 
 
Kalaallit Nunaanni inuussutissarsiutitut immikkoortuini pingaarnerni atuisunik sullissisarnermik, ersarissuutitsinermik attaveqartarnermillu pitsanngortitsisussanik IT-mik ineriartortitsinissamut allanngortitsisussamillu immikkoortortaqarfiillu akornanni suliniutinik suliaqarnissamut piareersimavit? Pisortat, immikkoortortaqarfiit inuussutissarsiortullu qanoq suleqatigalugit suliniutinik akisussaasuusinnaavit aqutsisuusinnaallutillu? Ilakkuminartuuit nutaanik suliaqarsinnaavit digitaliseeriinermilu allannguinissami soqutiginartumik attaveqaataanissamut piareersimavit? Taava immaqa illit nutaatut Suliniutinik Aqutsisussarivatsigit!
 
Aalisarnermut, Piniarnermut Nunalerinermullu Naalakkersuisoqarfik Inatsisilerinermut, anngaasaqarnermut pilersaarusiornermullu immikkoortortaqarfimmi (JØP) suliniutinik ataqatigiissaarisumik pissarsiorpoq. Naalakkersuisoqarfiup inummik naalakkersuisoqarfiup IT pillugu periusissiaata atuutilersinneqarnerani attaveqartarnermilu periusissiap ineriartortinnerani, internetimi inuit attaveqartarfiini sulianut naleqquttuniinnissamik suliaqartussamik kiisalu naalakkersuisoqarfiup immikkoortortaqarfii akimorlugit periusissiornermi suliniutinik tamanut attuumassuteqartunik siuttuunissamut piumassusilimmik – soqutigisaqartumillu – pissarsiorpoq.
 
Piaartumik atorfinittoqassaaq.
 
Naalakkersuisoqarfik atorfillu pillugit
Aalisarnermut, Piniarnermut Nunalerinermullu Naalakkersuisoqarfik Kalaallit Nunaanni aalisarneq, piniarneq, nunalerineq, inuussutissarsiutinut tapersiisarneq Kalaallit Nunaanni inuussutissalerinermi oqartussat kiisalu Kalaallit Nunaanni Aalisarsinnaanermut Akuersissutinik Nakkutilliivik pillugit ulluinnarni aqutsisuuvoq politikkimillu atuutilersitsisarluni.
 
Naalakkersuisoqarfiup pingaarnertut suliassaraa Aalisarnermut, Piniarnermut Nunalerinermullu Naalakkersuisumik kiisalu aalisartunik, piniartunik, aalisarnermik inuussutissarsiuteqartunik, savaatilinnik, kommuninik, nunat tamat akornanni najukkamilu suleqatigiiffinnik suleqatinillu sullissineq. Taamaammat minnerunngitsumik atuisunik pitsaanerpaamik sullissinissaq qulakkeerniarlugu IT-mi aaqqiissutinut attaveqartarnermut periusissiamut naleqqussarneqartariaqartumut tunngatillugu naalakkersuisoqarfiup ingerlatsinerani ineriartortitsinermik malinnaanissaa pingaaruteqartorujussuuvoq. Taamaammat naalakkersuisoqarfiup ersarissuutitsinissaq suleqatitsinnillu attaveqarneq annertusarniarlugit IT pillugu periusissiamik ineriartortitsinikkut allannguineq maannakkut ingerlappaa.
 
Naalakkersuisoqarfik ataqatigiissaarisumik attaveqartarneq pillugu periusissianik ineriartortitsinermi siuttuusussamik, naalakkersuisoqarfiullu immikkoortui akimorlugit suliniutitit arlallit atorlugit IT pillugu periusissiap pissutsit imminnut pitsaasumik sunneeqatigiinnissaannik qulakkeerinnittussamik taakkuninngalu marlunnik atuutilersitsisussamik pisariaqartitsivoq. Taamaammat suliniutinik ataqatigiissaarisartumik pisortaqatigiit qanimut suleqatigalugit IT-mik ineriartortitsinermilu suliniutinik pitsaasumik atuutilersitsinissamik qulakkeerinnissinnaasumik pissarsiorpugut.
 
Suliassat
Suliassat pingaarnerit tassaassapput naalakkersuisoqarfik akimorlugu avataanilu suleqatit suleqatigalugit periusissianik ataqatigiissaarineq, ineriartortitsineq atuutilersitsinerlu.
 
Suliassalli piginnaasat malillugit aaqqissuunneqassapput, ilaatigullu tassaasinnaallutik:

  • Attaveqartarneq pillugu periusissiamik atuuttumik ineriartortitseqqinnermi akisussaasuuneq
  • IT pillugu periusissiap ataani IT-mik suliniutinik ataqatigiissaarineq atuutilersitsinerlu
  • Naalakkersuisoqarfiup sulineranik aamma Naalakkersuisunik atuisunillu sullissinermut pitsanngorsaatissanik periusissiornermi allaffissornermillu ineriartortitsineq suliniutinillu ataqatigiissaarineq
  • Naalakkersuisoqarfik suleriaatsinik sulianillu ingerlatsinermik suliaqarnermut atatillugu ajornannginnerusumik ingerlatsinissamik ikiorlugu
  • Immikkoortortaqarfiit periusissiorluni pilersaarusiornermik ineriartortitsinermilu ikiorlugit
  • Suliniutini suleqatigisat suleqatigalugit pisortaqatigiit suliniutini ingerlanneqartussatut ilimagineqartuni ingerlatsinissamut pilersaarutit pingaarnerit malinnissaannik ikiorlugit
  • Naalakkersuisoqarfiup paasiuminartuutilernissaanik peqataaneq, suliffiup iluani avataanilu, tassunga ilanngullugu Sullissivik.gl aamma BussinessinGreenland.gl allallu suleqatigalugit
  • Innuttaasunut inuussutissarsiortunullu iluaqutaasumik pisortanit paasissutissat saqqummiunneqartarneranni peqataaneq
 
Piginnaasat:
Ilimagaarput:
  • Akademikerisut kandidatitut naleqquttumik ilinniagaqartutit. Ilinniagaqarnermik naammasseqqammersinnaavutit imaluunniit suliniutinik aqutsinermik ataqatigiissaarinermillu ukiuni arlalinni misilittagaqarlutit.
  • Politikkimik ingerlatsivimmi angisuumi suliniutinik periusissianillu ineriartortitsinissamik piumassuseqartutit piginnaasaqartutillu
  • Nammineerlutit, aaqqissuussamik anguniagaqarlutillu sulisinnaasutit
  • Suliassat siuariartorfiginnissaannut akisussaasinnaasutit aamma suliat suliarineqarneranni suliniutillu pitsaassusaannik qulakkeerinnissinnaasutit
  • Pitsaasunik attaqarfeqalersinnaassuseqartutit, annertuumik sulisinnaassuseqartutit sunniuteqarsinnaalluartutillu
  • Attaveqartarnermik, SoMe-mik IT-millu misilittagaqartutit
  • Suleqateqarluarsinnaasutit ataqatigiissaarilluarsinnaassuseqartutillu
  • Tamatigoortuusutit aamma sulinermut suleqatinullu akuersaarlutit pissuseqartuusutit
  • Quiasaarluarsinnaasutit persuarsioranilu oqaloqatiginniarsinnaasutit
 
 
IT-mik suliniutinillu aqutsinermik aamma kalaallit oqaasiinik kulturiannillu ilisimasaqarnissaq iluaqutaassaaq, piumasaqaataaninili.
 
Angalasarnerit
Atorfimmi angalasarnissaq ilimagineqarsinnaavoq.
 
Akissarsiatigut atorfeqarnermilu atugassaritinneqartut
Akissarsiatigut atorfeqarnermilu atugassaritinneqartut, tassunga ilanngullugit atorfininnermi soraarnermilu angalanerit pequtinillu assartuineq, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup pineqartup akoranni piffissami atorfiniffimmi isumaqatigiissutaat atuuttoq naapertorlugu.
 
Sapaatip akunneranut piffissaq suliffissaq 40 tiimiuvoq.
 
Inissiaq
Atorfimmut atatillugu sulisunut inissiamik innersuussisoqarsinnaanngilaq.
 
Attaveqarneq/paasissutissat:
Atorfik pillugu annertunerusunik paasisaqarusukkuit immikkoortortaqarfimmi pisortap Emanuel Rosing attaviginissaanut tikilluaqquneqarputit oqarasuaatikkut + 299 34 53 32 imaluunniit e-mailikkut: emro@nanoq.gl
 
Namminersorlutik Oqartussat pillugit annertunerusunik paasisaqarusukkuit uani www.nanoq.gl Atorfiit ataanni annertunerusumik atuarsinnaavutit.
 
Qinnuteqarneq
Qinnuteqarnissamut piffissarititaq tassaavoq ulloq 20. januar 2020.
 
Atorfininneq piaartumik isumaqatigiissuteqarnikkulluunniit inuttalerniarneqarpoq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia