Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Sulisoqarnermut akissarsialerinermullu pisortaq
Avannaata Kommunia
Ilulissat
Ikkunneqarpoq: 15-01-2025
Piffissaq atuuffissaa naassaaq: 29-01-2025
Suliffissamut ID normut: LJA-85905495
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Allat, Aqutsineq
Avannaata Kommunia Sulisoqarnermut Akissarsialerinermullu immikkoortortaqarfimmi pisortamik misilittagaqarluartumik sulisunut allattoqarfimmut pissarsiorpoq. Sulisoqarnermut akissarsilerinermullu immikkoortoqarfik kommunemi tamarmi qitiusumik atuuffeqarpoq sulilu ineriartortinneqarluni, taamaattumik nutaaliornermut peqataarusukkuit una ussassaarut atuarluaannaruk.
Pisortaanermuttoqqaannartumik akisussaasutut ataavartumik immikkoortoqarfimmi sulisoqarnermut tunngasutigut sullissinermik ingerlataqassaatit. Soorluttaaq ataavartumik aqutsisut sulisuminnut sullissineranni ikiortassagitit ingerlatsisoqarfiit immikkoortoqarfiillu peqatigalugit.
Naatsorsuutigissavat ataavartumik immikkoortoqarfimmi suliatigut tunngaviit aaqqissuussaanerlu inerisarneqarlutillu pitsanngorsaavigineqartuarmata, kommunemi sulisut sapinngisamik pitsaanerpaamik ataavartumillu atugassaqartinniarlugit.
Suliassaqarfiit akisussaaffiillu tassaapput:
- Avannaata Kommuniani Sulisoqarnermut akissarsialerinermullu Immikkoortortaqarfiup aqunnera ilanngullugit uku:
- Sulisoqarnermi suliat aqunneri.
- Sulisoqarnermi politikkit suleriutsillu ilusilersoneqarnerat aamma atuutinneqalernissaat, immikkoortortaqarfiit allat tamaasa suleqatigalugit qulakkiissallugu.
- Pingaarnermik Suleqatigiinnermut Ataatsimiititaliami aallatsi.
- Isumaqatigiinniarnissanut piumasaqaatinik Ingerlatsiviit suleqatigalugit sulerinninneq,
- Politikkikkut aalajangikkanik Ingerlatsivinnik suleqateqarluni piviusuunngortitsineq.
- Aqutsisoqarfimmik Ingerlatsivinnillu allanik Sulisoqarnernikkut akissarsialerinikkullu siunnersuineq.
- Suleqatinik avataanersunik assigiinngitsunik soorlu kattuffinnik attaveqarneq.
- Susassaqarfiit akimorlugit suliatoqartillugu peqataaneq.
- Avannaata Kommunia pisortat, sulisoqarnikkut inatsisitigut sulisoqarnikkullu suleriutsinik tunngaviusumik ilisimasaqarnissaannik qulakkeerinneqataaneq.
- Sulisoqarnikkut suliaqarnermi eqqortumik sulinissap qulakkernissaa.
- Nammineq suleriusigisanik ataavartumik qaffassaaneq pitsanngorsaanerlu, aamma suleriutsinik/ingerlariaatsinik Sulsioqarnermut Immikkoortortaqarfimmi immikkortortami aqutsisup akisussaaffigisaanik.
- Suliassat uvani allaserineqanngisut avataasigut pingaarnertut Sulisoqarnikkut ingerlatsinermi suliakkiussat allat.
Naatsorsuutigaarput:
- Human Ressource Development-imik suliaqarlutit misilittagaqassasutit (pilersaarusiorneq, ingerlatsineq aamma malitseqartitsineq)
- Akissarsialerinermut misilittagaqartoq
- Pisortaqarfiup iluani sullisseriaatsimik ilisimasaqassasutit
- Aqutsinermik misilittagaqartuusinnaavutit, piumasaqaataanngilarli
- Aaqqissuussaanermik ineriartortitsinermik misilittagaqartuusinnaalluarputit
Inuttut tassaavutit/piginnaasaqartoq:
- Inuppalaartumik isiginnittaasilik aamma immut qiviarsinnaasoq
- Inussiarnersoq pitsaasumillu attaveqarnissamut piginnaasalik, soqutiginnittorlu
- Sulisut ineriartortillugit sullinneqarnissaannut piumassusikkaaq
- Iliuutsikkut akuersaartuusoq
- Quiasaarsinnaasoq qiimasorlu oqaloqatiginnissinnaasoq nammineq isummaminik atukkaminillu aalajangiussaqarpallaanngitsoq
- Sutigut tamatigut suleqatiginnilluarsinnaasoq
- Sullissilluarumanermik pingaartitsisoq
- Inuttut sanngisooq
- Namminersortoq, anguniagalik aamma eqaatsoq.
Akissarsiat atorfeqarnermilu atugassarititaasut:
Akissarsiaqartitsineq atorfeqartitsinerlu pissapput atorfinittussap atorfinitsinneqarnermini ilinniakkani aallaavigalugu Naalakkersuisut kattuffiullu isumaqatiginninniarsinnaatitaasup isumaqatigiissutaat atuutsinneqartoq tunngavigalugu.
Atorfimmut atatillugu sulisunut inissiaqartitsisoqarsinnaavoq, taamatuttaaq sulilernermi suliunnaarnermilu angalaneq kiisalu pequtit angallanneqarnerat maleruagassat atuuttut malillugit pisinnaassalluni. Inissaqartitaalernissap tungaanut utaqqiisaasumik pequsersoriikkamik najugaqartitsoqarnissaa periarfissaavortaaq.
Atorfininneq pissaaq 1. Februar 2025 imaluunniit isumaqatigiissuteqarnikkut.
Atorfimmut paasissutissat sukumiinerusut pineqarsinnaapput Pisortaaneq Nick Nielsen oqarasuaat: 38 76 05 e-mail-ikkulluunniit: nick@avannaata.gl attaveqarfigalugu.
Qinnuteqaat ilinniarsimanermut siusinnerusukkullu suliffigisimamut tunngatillugu paasissutissanik aammalu soraarummeersimanermut uppernarsaatinik suliffiginikuusallu oqaaseqataasa nuutinnerannik ilaqartoq apuutereersimassaaq kingusinnerpaamik ulloq 29. januar 2025 nassiunneqassallutik Avannaata Kommuniata nittartangaa iserfigeriarlugu, allagarsiussap sanianiittoq “Atorfik una qinnuteqarfingiuk” toorneratigut, uani: www.avannaata.gl