Sulisoqarnermut Attaveqatigiinnermullu immikkoortortaq Ineriartornermut Siunnersortissarsiorpoq / Udviklingskonsulent søges til HR & Kommunikation

Kommuneqarfik Sermersooq

Nuuk

Ikkunneqarpoq: 17-01-2025

Piffissaq atuuffissaa naassaaq: 07-02-2025

Suliffissamut ID normut: 331601677

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa:

Misilittakkat - Annertunerusumik: Engageret, Selvstændig, Stabil, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Sulisoqarnermut Attaveqatigiinnermullu immikkoortortamut ineriartortitsinermut siunnersortimik namminersortumik

Ineriartortitsinermut siunnersortimik tunniusimasumik namminersortumillu aaqqissuussaanertigut ineriartornerup iluani suliniutinik assigiinngitsunik suliatigut ineriartortitserusuttumik sulisinnaasumillu pissarsiorpugut. Uagutsinni immikkoortortami eqeersimaartumi suleqatigiinnermik, iliuuseqarnissamut aamma inuttut ineriartornermik pingaartitsiffiusumut sulinissannut periarfissaqassaatit.

Suliassat:

·Ineriartortitsinermut suliniutit iluanni suliniutinik isumaginninneq

·Kommunimi sulisut piginnaasaannik ineriartortitsinerup iluani suliniutinik inerisaaneq aamma atuutsilersitsineq

·Immikkoortortami ulapaarfiusumi suleqataasinnaasoq

Piginnaasat:

·Suliniutinik aqutsinermik misilittagaqarneq

·Aaqqissuussaalluartumik sulisinnaassusilik aamma allat suleqatigalugit angusanik pilersitsisinnaaneq

·Attaveqatiginnilluarsinnaasoq aamma oqariartuutinik ajornakusoortunik ingerlatitseqqiisinnaasoq

·Aaqqissuussaanikkut ineriartortitsinermut aamma kulturikkut suliniutinik soqutigisaqarneq

Neqeroorutigaavut:

·Suliffik pissanganartoq aamma unamminartoq immikkoortortami isumassarsianik ineriartortitsinissamut inissaqartitsilluarfiusumi

·Kommuneqarfik Sermersooq suliffeqarfittut nutaaliatut aamma kajuminnartutut ineriartortitsinermut sunniuteqarsinnaanermut periarfissaqarluni

·Atorfik pitsaasoq isumassarsiorfiusoq suliatigut inuttullu ineriartortitsinermik aallussiffiusoq

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik soqutigigukku atorfimmut tassungalu tunngasunik suliassanik itinerusumik paasisaqarusukkuit Sulisoqarnermut Attaveqaqatigiinnermullu Pisortaq Rosannguaq Rossen attavigisinnaavat, oqa +299 36 70 66 imaluunniit e-mail: roro@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 59-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.