sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Sulisoqarnermut immikkoortortaqarfimmut inatsisilerituut marluk

Namminersorlutik Oqartussat

Nuuk
Ikkunneqarpoq: 23-09-2021
Piffissaq atuuffissaa naassaaq: 15-10-2021
Suliffissamut ID normut: LJA-82703786
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Atorfinitsitsinermut inatsisit soqutigaagit? Sulisoqarnermut apeqqutinut siunnersuillaqqippit akerleriissuteqarnernik aaqqiissuteqarluarsinnaallutit? Isumaqatigiissutissat pillugit isumaqatigiinniarnernut peqataasarusuppit?
Atorfinnik marlunnik inuttaqanngitsuuteqarpugut, aappaani sulisorisanut tunngasunik sulianik ingerlatsineq pingaartinneqarpoq aappaanilu isumaqatigiissutissanut isumaqatigiinniarnerit nassuiaanerillu pingaartinneqarput. Qinnuteqartoq eqqortoq misilittagalik immikkut siunnersortitut/siunnersortinut pisortatut atorfinitsinneqarsinnaavoq. Atorfiit Nuummiipput sulisunullu inissiaqarluni kiisalu nuunnermi aningaasartuutinut akiliussisoqassalluni.

Atorfiit pillugit
Namminersorlutik Oqartussat kalaallit nunaannilu kommunit sinnerlugit sulisutigut inatsisit pillugit apeqqutinut aamma isumaqatigiissutit atuuttut ingerlaavartumik atuutsinnerini, nassuiaanerni nutarternerinilu pillugit Aningaasaqarnermut Sulisoqarnermullu Aqutsisoqarfimmi Isumaqatigiissutit pillugit Immikkoortortaqarfiup qitiusumik allaffeqarfik siunnersortarpaa. Isumaqatigiissutit kattuffinnit arlalippassuarnit isumaqatigiinninniarsinnaatitaasunit Kalaallit Nunaaniittunit Danmarkimiittunillu isumaqatigiissutaapput. Isumaqatigiissutit aqqutigalugit akissarsiat atorfeqarnermilu atugassarititat naleqqussarneqartarput taamaattumillu suliarinissai ajornakusoorsinnaasarlutik.

Inatsisilerituutut suliassatit pingaarnerit – isumaqatigiissutinut tunngasunut suliassat

  • Isumaqatigiissutit, tjenestemandit pillugit inatsisinut kiisalu atorfeqartitsinermi inatsisinut tunngassuteqartunut inatsisinut, nalunaarutinut kaajallaasitanullu tunngassuteqartunik nassuiaasarnerit siunnersuisarnerillu.
  • Kalaallit Nunaanni pisortat sinnerlugit isumaqatigiissutinik akissarsiallu pillugit isumaqatigiissutinik nutarsaaneq pillugu isumaqatiginninniartarnernut ikiuuttarnerit.
  • Isumaqatigiissutinik isumaqatiginninniutinillu paasiuminarsaaneq
  • Suliassat saqitsaassutaasut eqqartuussissuserisoq peqatigalugu suliarineri

Inatsisilerituutut suliassatit pingaarnerit - sulisorisanut tunngasunut suliassat
  • Namminersorlutik Oqartussani akissarsianut atorfeqarnermilu atugassarititat pillugit pisortanik inatsisilerinikkut siunnersuisarneq
  • Atorfinitsitsinermi inatsisitigut allakkiorneq kiisalu ilitsersuisarnerit aammalu malittarisassanik suliaqartarneq
  • Sulisoqarnermik ingerlatsinissamut maleruaqquneqartunik suliaqartarneq
  • Namminersorlutik Oqartussani aqutsisunik aqutsinermut inatsisilerinermik aamma atorfinitsitsisarnermi inatsisilerinermik sulisunik aqutsisunillu ilinniartitsineq
  • Pissusissanik saneqqussinermi suliani, soraarnermi isumaqatigiissutinut tunngasunik aammalu isumaqatigiinngitsoqartillugu isumaqatigiissitsiniartarnerit
Atorfinnut marluusunut tunngatillugu pisariaqartitsineq, soqutigisat, piginnaasat ineriartornissamullu kissaatit aallaavigalugit suliassat naleqqussarneqarsinnaapput.
Makku piginnaasaqarfigissavatit:
  • Cand. jur./Cand.merc.jur-iuguit sulisoqarnermi inatsisinik sungiussisimasuussaatit imaluunniit suliassaqarfimmi ilinniakkatigulluunniit assingusumik misilittagaqarlutit
  • Suleqatigiuminartuuvutit, isumasioqatigiuminartuuvutit aamma suleqatinnut ilisimasannik avitseqatigiillaqqissuullutit.
  • Unammillernartumik suliaqarnissamut naammassinninnissamullu tunuarsimaartuunngilatit
  • Oqaluttariarsorlutit allattariarsorlutillu qaffasissumik pitsaasumillu saqqummiisinnaassaatit
  • Kisitsisinik suliaqallaqqissuussaatit paasinnillaqqissuullutillu aammalu inatsisigut/aningaasaqarnikkut aarlerinarsinnaasunik takunnillaqqissuusariaqarlutit.
  • Inuiaqatigiinnut kalaaliusunut tunngasunik ilisimasaqarluarneq aammalu inuiaqatigiinnut kalaaliusunut tunngasunik oqaasiinillu paasinnissinnaasaatit
  • Naalakkersuinikkut ileqqorissaarlutit suliaqallaqqissuussaatit, sullissillaqqissuullutit inussiarnersuullutillu

Neqeroorutigaavut:
  • Suliffik pissanganartoq akisussaaffittalik inuttut suliassallu eqqarsaatigalugit ineriartornissamut periarfissagissaartoq
  • Suliffik eqaatsumik suliffiusoq suliassaqarfiillu akimorlugit suleqatigiiffiusoq
  • Suliannut sunniuteqarluarlutit sulisinnaassaatit
  • Suliffik soqutiginartoq inussiarnersumik suleqatigiiffiusoq

Uagut pilluta
Aningaasaqarnermut Sulisoqarnermullu Aqutsisoqarfik Aningaasaqarnermut Naalakkersuisoqarfiup ataanni inissisimavoq Naalakkersuisunullu akuulluni. Aningaasaqarnermut Sulisoqarnermullu Aqutsisoqarfiup qitiusumik allaffeqarfik tamakkerlugu sullitaraa. Sulisoqarnermut Immikkoortortaqarfimmi sulisut tassaapput inatsisilerituut siunnersortillu akissarsiat pillugit isumaqatiginniarnernik nassuiaasarnernillu kiisalu sulisunut ataasiakkaanik tunngasuteqartunik suliaqartartut.

Aningaasaqarnermut Sulisoqarnermullu Aqutsisoqarfimmut tunngasut tassanilu naleqartitat uani atuarsinnaavatit: www.asa.gl

Suleqatissatit nutaat Århusimi ulloq 2. oktober aamma Københavnimi ulloq 3. oktober jobmesse-qartitsinissami naapissinnaassavatit. Facebook -imi ”Den grønlandske jobmesse 2021” toqqarlugu paasisassarsiorsinnaavutit
Paasissutissat sukumiinerusut
Atorfik pillugu paasissutissat erseqqinnerusut sulisoqarnermut isumaqatiginninniartarnermullu pisortamut Frederik Schmidt-imut e-mail fsch@nanoq.gl aqqutigalugu pissarsiarisinnaavatit

Qinnuteqarneq
Ulloq 14. oktobarip 2021 qinnuteqarnissamut killigititaavoq

Qinnuteqaat CV-mik ilalik aammalu ilinniakkamit tamarmiusumit soraarummeersimanermit uppernarsaatinik angusaasimasunillu tamanik ilalik nassiuteqquneqarpoq. Oqaloqatiginninnermut atatillugu misiligutinik atuisoqassaaq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut.

Akissarsiat atorfininnermilu atugassarititaasut
Sapaatip akunneranut 40 tiimit suliffiussapput.
Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartut pisariaqartinneqartunik misilittagallit immikkut siunnersortitut imaluunniit siunnersortaanertut atorfinitsinneqarsinnaapput.
MALUGINIARUK Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Suiaassuseq, sumiuussuseq, upperisaq innarluuteqarnerluunniit apeqqutaatinnagit naligiissitaaneq aqutsisoqarfiup siuarsarusuppaa. Tamatuma saniatigut inuunermi misilittakkat inuttullu inerisimaneq iluaqutaasinnaapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia