sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Sulisoqarnermut Sullissivik sulisoqarnermut siunnersortinik marlunnik pissarsiorpoq

Namminersorlutik Oqartussat

Nuuk
Ikkunneqarpoq: 22-10-2021
Piffissaq atuuffissaa naassaaq: 11-11-2021
Suliffissamut ID normut: LJA-82856262
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Sulisoqarnermut Sullissivik sulisoqarnermut siunnersortinik marlunnik pissarsiorpoq

Suliffeqarfimmi pissanganartumi suleqatigiinnut ilanngukkusussinnaavit, siunertarisatinnut Namminersorlutik Oqartussanut allaffissornikkut sulisoqarnermut sullissinermut pitsaalluinnartumik tunniussaqarnitsigut Kalaallit Nunaanni ineriartortitsinermut nukissaqalersitsinissarput?

Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq, tassaniipput naalakkersuisoqarfiit aqutsisoqarfiillu arlallit tamarmik immikkut aalajangersimasunik suliaqarfiusut.

Sulisoqarnermut Sullissivik Aningaasaqarnermut Nunanullu Allanut Naalakkersuisoqarfiup ataani Aningaasaqarnermut Sulisoqarnermullu Aqutsisoqarfimmi inissisimavoq.

Namminersorlutik Oqartussat taakkulu ataanni immikkoortortat tamaasa aammalu Kalaallit Nunaanni Peqqinnissaqarfik sulisunut tunngasunik suliassat suliarisarnerinik suliaqartuuvugut. Taakku saniatigut isumaqatigiissutit pillugit pisortat siunnersorlugillu ilitsersortarpagut kiisalu atorfinitsitsinermut tapeqartitsinermullu sulisunut isumaqatigiissutinik allakkiortarluta.

Sulisoqarnermut siunnersortinik qulinik suleqateqassaatit taakkulu tamarmik Sulisoqarnermut Sullissivimmi allaffiup pisortaanut attaveqartuusarput.

Sulisoqarnermut Sullissivik Sulisoqarnermut immikkoortortaqarfimmut ilaavoq. Sulisunut siunnersortitut Sulisoqarnermut immikkoortortaqarfimmi immikkoortoqarfiit allat akimorlugit sulisut pikkorissut suleqatigiinnissamik, ikioqatigiittarnissamik ataatsimoorlutillu illinniarfeqatigiittarnissamik pingaartitsisut suleqatigissavatit.

Aammattaaq Sulisoqarnermut immikkoortortaqarfimmut ilaapput Isumaqatiginninniartarfik, Sulisoqarneq & Inatsiseqarneq, Akissarsianut teknikimut & Pilersaarutinut allaffeqarfik aammalu Akissarsialeriffik.

Suliassatit pingaarnerit makkuupput:

  • Atorfinitsitsinermut tunngatillugu sulisunut suliassanik tunngassutilinnik suliaqartarneq soorlu pingaartumik atorfinitsitsinermut isumaqatigiissutinik allakkianillu assigiinngitsunik suliaqartarneq
  • Akissarsianik, tapinik soraarnernillu nalunaarsuinerit.
  • Tjenestemandit soraarnerussutisiassaannut tunngasunik suliarinnittarneq
  • Tjenestemandinut tunngatillugu inatsiseqartitsinermut aamma atorfeqartitsinermi inatsisinut tunngasuni malittarisassanut allanut tunngasunik siunnersuisarneq nassuiaassisarnerlu
  • Tapisiassanut tunngasunik isumaqatigiinniartarnerit agguaassisarnerlu
Tamakkua saniatigut suliarisinnaavatit ilitsersuusiorneq, immersuiffissaliorneq atortunillu tamanut saqqummiussineq kiisalu Namminersorlutik Oqartussat akimorlugit suliassanik isumaginninneq.

Atorfik tamatigoortuuvoq ilungersornarsinnaallunilu inuttullu piginnaasatit eqqarsaatigalugit annertuumik piumasaqaatitaqarluni.

Suleqatissarsiorpugut:
  • bacheloritut, professionsbacheloritut imaluunniit allaffimmiutut ilinniagalimmik
  • allattariarsornikkut oqaatsitigullu pitsaasumik kalaallisut danskisullu attaveqaqateqarsinnaassuseqartumik
  • assingusumik atorfeqarnermit misilittagalimmik
Illit tassaavit:
  • sullisserusussuseqartoq, ammasuusoq inutsialaalluartorlu
  • aaqqissuussaasumik suleriaaseqartoq, nammineerluni suliaqarsinnaasoq aamma ulapaarfiugaluartuniluunniit piffissaliussanik malinnissinnaasoq
  • suleqatiginnillaqqissoq, isumasioqatigiuminartoq aamma suleqatinnut ilisimasanik avitseqateqarsinnaasoq
Suliffeqarfittut neqeroorutigisinnaavagut suliffik sulisunik pimoorussisunik sulisulik aamma qanimut attaveqaqatigiiffiusoq, suliatigut isumasioqatigiiffiusartoq immikkoortortaqarfimmilu pisortaanernut qanimut oqaloqatigiiffiusartoq kiisalu inuttut ilinniakkatigullu ineriartorfissaqartoq.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfik pillugu sukumiinerusumik paasisaqarusukkuit allaffimmi pisortaq Francisca Sethsen attavigikutsoorsinnaavat mailia aana: fse@nanoq.gl

Qinnuteqarnissamut killissarititaq ulloq 11. November 2021
Ulloq atorfinitsinneqarnissaq isumaqatigiissuteqarnikkut ullulerneqassaaq.

Aningaasaqarnermut Sulisoqarnermullu Aqutsisoqarfik pillugu Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu.

ASA-p pingaartitai pingasut tassaapput:
  • Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
  • Suleqatigiinneq - Suleqatigut sullitavullu pitsaasumik suleqatigaavut
  • Isumassuineq - Ikiuukkumatuujuvugut akunnitsinnilu paareqatigiilluta


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia